Way ta kong sikabung Filistin nogo

¹ . Ku santugun go nogo gandum bou go ku no Simson gemang klong senun sono menai kambing gemang iti go klong ngga ey gemang pen won: “Genam ngga bano degut so at go senun ey tugu so.” No kabung go aya lo nemot ngga bano kwa pu go degut. ² . Kabung ngga go aya lo pen go: “Genam lo duing go mot nemot no dabui piam dega seni nemot nogo tra to ngga nemot tang sogo nemot genam lo mo iti mot go andua nogo. No nengon sat-a naklai tegoup seni nemot ey kwa kerlam? No nemot-a way sogo mot lo se iti.” ³ . Nggano Simson gemang pen: “da klaya tete sogo genam lo tasam piam kwa plok sedue Filistin nogo no genam lo piam motnang blo sono weng go.” ⁴ . Nggaey Simson gemang klong go 300 duenba uduo gemang mlak go koy sagoy-ey gemang iti go koy sagoi klaya go uduo namon go sat don no gemang dok natun ngganemot kalik sogo gemang semu natun. ⁵ . Nggano sagoy ngga koy lo blon go duenba uduo nang ngga naklai Tegan gemang plet ngga-ey gemang kap sedue Filistin go usu gandum maning seni-ey nggano koy lo yamso kuim go gandum tang mong go tui go maning seni-ey nggano di Zaitun go usu nang-ey koy lo yamso dam sing. ⁶ . Sedue Filistin lo gemang usi: “ nando lo ngge plok?” sedue lo pen: “ Simson sedue Timna go duo kenin sedue ngga lo Simson go senun iti go nggano andua mono no iti go tang sogo.” Nggano sedue Filistin lo klong go kabung ngga-ey nglangin-ey koy lo gemang puit. ⁷ . Nggano Sinson gemang pen nemotnang nogo: “ no motnang lo ngganemot kalik plok go genam lo yam yakwa semu genam lo way motnang nogo mea plok seni.” ⁸ . Nggaey ta don kangok dega ey nemotnang gemang but nggano nemotnang go don gemang mesop sing nggno nemot gemang klong demu put bano gemang suing ngga metuik demu Etam no. ⁹ . Nggano sedeu Filistin banim bisi go bala gemang semu tang Yehuda go sip no nggaey gemang wasei Lehi sono. ¹⁰ . Sikabung Yehuda lo gemang pen: “ sogo so motnang weng go genamnang but sogo?”way so gemang pen: “Genamnang bisi go Simson dok genang so nemot lo genamnang plok go kalik so.” ¹¹ . Nggano 3000 sedue tang Yehuda sik sogo gemang li demu put menduim demu Etam sono nggano Simson no gemang pen: “kay mot kua senong sedue Filistin lo imotnang naklai ku seno gluk? Sogo so mot ngge plok genam nang nogo? No way so nemot lo gemang pen: “nemotnang lo genam mo no taibat mo semu no genam lo nemotnang no taibat ngga kalik mea semu dali.” ¹² . Nemotnang lo nemot nogo gemang pen: “Genamnang ngge sono weng go mot mlak go dok go nggano sedue Filistin go ta no iti genang.” No Simson lo way gemang pen nemotnang nogo: “ta-a kong nggano nembut dok go motnang lo genam yakwa but.” ¹³ . Nggano nemotnang lo gemang pen: “ kwa genamnang mot Tegan lo dok go nggano nemotnang go ta ba no iti genang no mot but genang genamnang moy so.” Nggano nemotnang lo nemot Tegan namon demening lo gemang dok natun nggaey gemang iti go klong metuik demu put ngga ba sik sogo. ¹⁴ . Nemot Lehi no pung gono sedue Filistin nemot nogo gemang weng wak ey sek ey gemang klung ngganemot no Kiwali Waglo lo nemot bano gemang li ngga ey Tegan nang nemot go ta so dok go koy lo kuim go kalik Tegan sring so gemang lemoy nemot go ta nogo. ¹⁵ . Nggano nemot lo menai Keledai demening kebong tegot don ikum go ta sra go gemang iti won mlak go ngga ey 1000 sedue gemang but go kebong don ngga lo. ¹⁶ . Simson nembut gemang pen: “ Menai Keledai go tegot lo tang Keledai ngga but go nggaey 1000 sedue kay segoung-a kebong.” ¹⁷ . Ngga nemot kalik pen gono tegot don gemang betep nemot go ta ba sik sogo nggey sip ngga sui gemang temuit Ramat Lehi. ¹⁸ . Nggano nemot bluindon yam so pang gono bu drop sogo gemang pen Kwali Iram nogo nemot lo: “ Mot go Koybutasemu go ta ngge lo Mot lo suswoy kangok dega mo iti no nggasui go genam blindon pang tang so ya kebong sikabung suk kwa tong go ngga go ta ba nogo!” ¹⁹ . Nggano Kiwali Iram lo demu put gemang tegek Lehi sogo ngga ey bu gamang pung ngga ba sik sogo nemot bu ngga drop go don tan dali mang king tandali. Ngga tang sog so sip ngga go sui bu mui Penyeru nggasui sui go ku nogo maning gigit Lehi no. ²⁰ . Nemot lo gemang suing Tapegat so sikabung Israel nogo ku sedue Filistin nogo yagui 20 yam sogo gemang suing.