¹ Amos Yotam go danon, Uzia go mamtato Yehuda no deguena so suing go ku nogo, yang Rezin, aram go deguena, ey Pekah Remalya go danon, raja Israel, Yerusalem no klong go yakena Yersalem ey plepung sogo so, no nemotnang lo don ey kua suing. ² Ngga ey Daud go tang yap wengkabu no gemang pu: "Efraim go nan no sedue Aram plepung genang bala mo klik", yang Ahaz ey blung go dabui ey dabui bubuong ey king duen blo logo di nebit lo ulue go kalik so. ³ Yesaya no Woy Wali Iram lo gemang pu: "Ngge suey, mot pung go Ahas ey se tegu, mot nggano Syear Yasyub, mot go duo sedue denok ey, bu so kok go bukenan no, deguena go tap amka buulu kebali tap no, ⁴ nggano nemot no se pu: Dabui demu betep gono yakot so se suing, suali kua tra nggano dabui kua ikle koytebot namon ngge ndop pupung go tang so, yangga Rezin ey aram eygo dabuipiam tang sogo so nggano duo Remalya tang sogo so. ⁵ Aram ey Efrain ey nggano danon Remalya eygo tang so nemotnang lo mot nogo sogo klay nebut pen go ngge kalik: ⁶ Wengya kitaimot klong go Yehuda ey ple ya pung go nggano mumlue go sagui lo lek genang sogo so, ngga ey, danon Tabeel-a deguena so iti go kong genang nesip mo, ⁷ yang Woy Wali Iram Ki Wali Iram go nebut ngge kalik so gabe: Ngganemot meakua lemoy, nggano meakua semu ngganemot, ⁸ seni so Damsyik Aram go yakena unen, nggano Rezin ngga Damsyik go wengkabui. enampululima yagui ba no Efraim mea tegek, saula tang so yakua lemoy. ⁹ Samaria ngga Efraim go yakena unen, nggano duo Remalya ngga Samaria go wengkabui, Motnang seni so kua keng go, motnang don ey yakua ip." ¹⁰ Woy Wali Iram lo Nemot go nebut Ahaz nogo gemang pen dali: ¹¹ "Mut go Woy Wali Iram Ki Wali Iram sik sogo tasam meno se wadong, tasam ngga sikebong sip nan ba sik sogo-a, kuago ut blo dega sik sogo tasma-a?" ¹² No Ahas lo wa go: "Genam yakua wadong, Woy Wali Iram yatrang sogo genam moy so." ¹³ Ngga ey tamot Yesaya lo usi go: "Ngga suey, ko se tup Daud go tang! seduekabung lacu genang so tetaling go mening kua nemot, ngga ey atgo Ki Wali Iram nogo ne tetalai dali? ¹⁴ Ngga tang so Woy Dem tanggolo motnang nogo tasam mea taling: Seni so kabung denok meno duo mea iti nggano duo sedue denok-a mea tui, nggano Nemot go sui Imanuel so mea pu. ¹⁵ Nemot mea bebabu e piam go tenguo genang ey sueygo-a iti genang-a mea iti, ¹⁶ seni so duo ngganemot piam go tenguo genang maning kua gono nggano suey go-a kuoy genang, yang nan ngga mot lo suali tetrago ngga ulue so mea itak. ¹⁷ Woy Wali Iram mot blo nogo mot go blung blo nogo ey mot go yaptenglam blo nogo ey ku maning kua weng go kalik go Efraim banom so ket sono Yehuda sik so pegat go sik so mea pung — yangga raja Asyur." ¹⁸ Ku ngganemot go mea lemoy go: Woy Wali Iram iwoy sruan go nabuin bu Nil go butap-butap sring sik sogo, nggano usi go nan Asyur sogo son mea usi go weng. ¹⁹ Naklay mea weng-lak e... ku pay tabrang day eygo no nggano demusring kikidik ba nogo, tema wong eygo nogo nggano menay so uwawi go neguen pay nogo ey mea pung. ²⁰ Ku ngganemot go ey bu Efrat idi sik so tengan babat namboy iti go, yangga raja Asyur, Woy Dem mea trok betodop ey kebum dit ey, tengan ngganemot lo teguotdon dit mea ndok dali. ²¹ Ku ngganemot go ku ngganemot nogo seduekabung nemotgo-nemotgo sapi unen mea pung nggano domba namon ey, ²² nggano min ip mata so sik go tang so, nemotnang mea makan dadih; seni so, dadih nggano madu mea dedam sedue kabung nan ngge so maning susuing golo. ²³ Ku ngganemot go sip nemotgo-nemotgo, nagono di anggul pupung go nogo nggano seribu sikal perak no nenay go, mea lemoy woy eygo newen ey neguen eygo so mea lemoy. ²⁴ Ngga sono koklong go sedue pleday ey unen ey mea iti go klong, seni so wong ey neguen eygo seguo so sip ngga mea pung. ²⁵ Nggano mot suali ey klong sogo meduim tablng mot lo usu so sesemu go sip nogo, nenguen woy eygo suali sogo so nggano neguen eygo sali so; ngga sogo sapi ey domba blim eygo-a mea uwet.