¹ Deguena Uzia kebong go yagui ba no genam lo ikum go Woy Dem Nemot go sipsuing blo dega go blo no suing go nggano blo dega so, nggano Nemot go amka kangok go sring lo Ki Wali Yap kon kua go gemang tegue. ² Ki Wali Tamot lo Nemot go bluo idi no gemang ip-lak, nemotgo-nemotgo tabang taidiklaya yam so; tabang namon dali nemotnang go nebuemnemu so kebet, tabang namon dali neotnang go masi so kebet nggano tanang namon dalia pling go uswet genng so. ³ Nggano nemotnang menoduolo-menoduo sono way-waso usi go, gemang pu: "Teguopseni, teguopseni, teguuopseni Woy Wali Iram Ki Wali Kumam, kukunan naklay Nemot go blong lo mo tram!" ⁴ yataput go di ku lo sey go ngga gemang ulue way-way so uusi go klum ngganemot logo tang so nggano yap ngganemot ba koyndop lo gemang tram. ⁵ Ngga ey at lo pu go: "Genam seglaplu! genam mea kebong seni! Yang genam ngge lomsuk kon eygo sedue, nggano saula tang lomsuk piam go nesip so genang susuing go, no, genam go nemu lo Deguena Dega mo ikum, yangga Woy Wali Iram Ki Wali Kumam." ⁶ No ki wali tamot ngga sik sogo meno pling go weng go genam ey tegu so; nemot go ta nogo koynegu gemang iti, nemot lo taitisopuit go demusung blo sik so tebalop lo tebok go weng go. ⁷ go lomsuk sono koy negu lo tuing gono gemang pu: "Ikum, ngge mot go lomsuk no mo tuing, mot go kuklue mo suep nggano mot go konkenamling mo kay." ⁸ Ngga ey Woy Dem lo pu gu nebut genam lo gemang tup: "Nando-a Genam lo pu go klong, nggano nando-a Genam nogo so klong sogo mo iwat? Yang genam lo wayso pu go: "At ngge go, genam-a pu-a! ⁹ Nggano Nemeot lo pu go: "Klong-a, nggano saula tang ngge no se pu: Se tup seni-seni so, no seni kua mlak: kua mlak! seni-seni so se ikum, no, mlak-a: kua mlak! ¹⁰ Saula tang ngge go dabui demu so se lemoy nggano nemotnang go kama tup genang sogo ide ey se lemoy nggano nemotnang go nemu sup go kua pli, nemotnang go nemu lo nemotnang ikum genaning nggano kama lo mangne ya tup nggano seni mlak go dabui lo, nggano iwotdak go mea pali-sing." ¹¹ at lo usi go: "Ku kata yam so ya, Woy Dem?" Ngga ey Nemot lo wa go: "E... kota-kota yam so kluim kua goso lemoy go, ngga sogo sedue kabung kua ssuing gono, nggano yap naklay ba nogo seduekabung kua suing gono nggano nan ngga nogo kluim tebung gono. ¹² Woy Wali Iram lo seduekabung naklay ket sono ikak go mea tega, ngga ey nan ngga naklay blo nogo ulue so se iitak. ¹³ No, nemotnang sik sogo sedue kalung temu-a tanamon so wasey go temu klaya-a mea itak go suing, nemotnang daklaya dali dalu lo mea kenok, no nemotnang go wali kung dega kalik so mea nggano kuduet srang kalik so srang-a blo no kong go mea gigit. Nggano neemot go nuik sik so tron teguop go-a mea pung!"