1 Ut-a, Mot lo tegek gono, Mot li go kalik go, medium-meduim, ngganemot lo, Mot go nemuku no sret-sing go, 2 – koy nebleng lo dedasing go kalik so, nggano, koy lo bu alui sagon go kalik so -- Mot go plesi lo, Mot go sui senong genang, Mot go suongku no, saula-saula ey bubuong ey kiking, 3 Tasam kangok go, atnang moy sogo, Mot lo taling go tang sogo so, banim dega go sik sogo, sedue kabung logo maning kua tup go kalik go! 4 Kama logo maning kua tup, nggano, nemu logo maning kua ikum go. ida meno lo tasam semu go, nemot uweng goso bubung go nogo so. No, Mot seguong logo so, ngga kalik go, mea pluok. 5 Nemotnang seni eygo so sesemu go, klong go tap so Mot lo mea wawi, nggano, Mot lo taling go tap sono mea duduing! Seni so, piamkonkebamling atnang lo semu go sogo so, dabui piam so atnang sono go mo; banim dega so, Mot sono go sagui atnang lo mo semu. 6 Ngga tang so, genamnang ngge, mo waluk sedue eygo kalik, seni so, atnang go kuklue ngga, amka kon eygo kalik; atnang naklay, dibup kalik so mo kuok, nggano, atnang go taybat tang sogo so, atnang mo nega, didop nebit lo giang go kalik so nega go. 7 Mot go sui so uusi go kua, buong go Mot no tamlak genang sogo kua. Yang, Mot go nebuemnemu, ngga ba sono, Mot lo mo son, nggano, atnang go konkebamling go don ba sono, atnag mo iti. 8 No, nggeasui go, ya Woy Wali Iram, Mot seguong-a, atnang go Aya gabe! Atnang ngge, nan seguong. No, Mot log atnang semu go gabe, nggano, atnang naklay ngge, Mot go takebali seguong be. 9 Ya Woy Wali Iram, dabui kua piam sang, nggano, atanag go kuklue piamkonkebamling senang so kua duduing! Seni so, ikum-a sang, atnang naklay ngge, Mot go blung gebe! 10 Mot go, yakena-yakena kon kua go, kaseglok pay so yam so mo lemoy sang, Kaseglok pay so, Sion mo lemoy dali sang, Yerusalem go kluim yam so mo tebung. 11 Atnang go, kon kua go Yap dega, Mot nogo iway so, atnang go, babu asinang lo lelek go, koy lo pupuit go sip so mo lemoy, atnang go, teguop go naklay, mo togut-sing sang. 12 Ngge, naklay ikum go, ya Woy Wali Iram, nago so mo go, nemu seguong-a, Mot lo bubung go, sogo kalik go-a, yakot so Mot susuing, nggano, ide ey atnag naklay tetaling ne?