Sion nogo suey wali-wali kedaso mea weng 1 Sion tang sogo so Genam yakot so yakua suing, nggano, Yerusalem tang sogo so Genam yakua tebung, e… nemot go seni woy kalik so mea pli nggano, nemmot go suey wali-wali naklay sagoy kalik so mea blong. 2 Ngga ey, mot go blo seni eygo saula-sula lo mea ikum, nggano, deguena naklay mot go blo mea ikum, nggano, sedue lo mot go sui inim-a mea usi Woy Wali Iram tango lo ngga mea temuit. 3 Woy Wali Iram go ta no, betokut neblong eygo so mea lemoy, nggano, mot go Ki Wali Iram go ta no serban kladian so mea lemoy 4 Mot sogo tandali go yakua pu, “Sedue lo itak go", nggano, mot go na sogo yakua pu dali “kluim kua go”, no, mot sogo mea pu, “Genam go dabui no but go" nggano, mot go sip sogo “kenin eygo” so mea pu, Woy Wali Iram mot sono go mo iwat go nogo, nggano, mot go nan kenin ey mea suing. 5 Yang, kaguit dato nguot dato ey tong go kalik so, ngga kalik so, mot so buong golo mot go kenin so mea lemoy, nggano, nemot go dabui yakay, sedue denok wip ey tong golo senun wip ey tong go ikum go kalik so, ngga kalik so, mot go Ki Wali Iram lo mot tang sogo so dabui mea yakay mo sono go. 6 Mot go demutema-demutema blo lo, hai Yerusalem, nemu so luluik go sedue mo kong-sing. Kublong sogo nogo, kuklik sogo nogo, nemotnang yakut sogo yakua suing. Hai motnang Woy Wali Iram lo Sion sono pepen go, motnang yakut so kua susuing 7 nggano, itak go Nemot tebung so kua susuing, e… Nemot lo Yerusalem iti go mea kong nggano, e… Nemot lo nemot mea lemoy kukunan blo nogo iway mea iiti. 8 Woy Wali Iram lo, Nemot go tasmlea idi tang so, ta ey mo nat, Nemot go ta don eygo tang so: "Seni so, Genam logo gandum tandali go ya kua wasey dali plesi nogo ten sogo, nggano, amble logo mot go angul bu yakua drop dali mot lo seguot ba lo seni ey mo iti go ngga; 9 no, nemot so seguoy lo mea iti go dam dali nggano, Woy Wali Iram sono iway mea keklak, nggano, nemot so yaluim go sedue mea drop dali Genam go sip teguop go kading lo." 10 Se koklong, se koklong, yakena Yatapu lo se koklong-lak, blung nogo sogo tap dali nase semu, tap kangok so se kekebuo, demu naglap ket sono se tega, saula-saula nogo amkasron nase keduik-sing! 11 Yang, ngge Woy Wali Iram lo pen go-a mo tup e… nan seding-seding no mo pung! Sion kaguit no se pen: Seni so mot go suey wali-wali mo weng; Seni so, nemotnang Nemot go seguot duoy Nemot ey kerlam so gemang, nggano, nemotnang nemot lo pu go Nemot go suongku lo gemang koklong. 12 Sedue lo nemotnang so pu genang "mo teguop go saula", "Woy Wali Iram lo bu lu go suruakuon", nggano, mot go go mea pu, "nemot so uwet go", "yakua itak go yakena".