Suey wali-wali ngga sedue kabung naklay nogo 1 Nggekalik so, Woy Wali Iram lo pu go: Demutrui no ta mlak go ngga, seni so, Genam sik sogo, suey wali-wali, keda so pung so gabe. Nggano, Genam logo nemudi so uwawi go, dia sono mea nenguon. 2 Ngganemot kalik go so, pupluok go sedue kabung naklay, dabui yakay dega ey, nggano, ngganemot no tamlak go blong dem: ku Sabat yay suey so suing go, nggano, ku ngga nogo kon kua tui go, nggano, tasam piam go, yakua semu genang so, saysuk yay susuing go. 3 Amble Woy Wali Iram sono, gabung golo pu genaning: "Yang, Woy Wali Iram lo genam, Nemot go blung sik sogo dia no pung genang so"; nggano, sedue luidon mo bluop golo pu genaning: "Seni so, genam ngge, di newi go wa." 4 Yang, ngge kalik so, Woy Wali Iram lo pu go: "Sedue luidon bluop go ngga lo, Genam go ku Sabat yay susuing go, nggano, Genam go duduing yay susuing go, nggano, Genam logo tegadi no tamalak go, 5 nemotnang nogo, Genam go yap ba no Genam lo mea wawi nggano, Genam go tema ba no mea nik. Tasam meno senong genang sogo, nggano, sui inim mea iti -- ngga suey, blong dem ey kabung denok eygo sik sogo --, sui meno yakua nega go, senang so gigit go sui mea temuit, nemotnang nogo Genam lo mea iti. 6 Nggano, amble sedue kabung mo gabung go, Woy Wali Iram sono, Nemot go kebali semu sogo, Woy Wali Iram go sui no, klum sogo so, nggano, Nemot go tamot so lemoy genang so, naklay ku Sabat yay suey so suing go, nggano, ku ngga sono go kon kua semu go, nggano, Genam go tegadi no tamalak go, 7 nemotnang Genam lo wawi go, Genam go meduim teguop sono mea klong nggano, Genam lo yakay mea iti, Genam go dewi yap ba nogo nang so. Genam nemotnang logo korban-korban koy no puit go ey, korban tong go ey go nogo iwat go Genam go demusung blo no puit go nogo, seni so, Genam go yap so mea pu saula-saula naklay nogo dewi yap. 8 Woy Wali Iram, Ki Wali Iram go nebut ngga kalik so gemang. Sedue Israel betep goso tandali yaluim-sing go: Genam mea yaluim, sedue kabung nemot nogo so nemot go sedue kabung mo yaluim gono tebok genang so." Wengkabui-wengkabui piam go 9 Hai duen sogo menay naklay, hai duen ba logo menay naklay, weng-lak-a ten ya dam go! 10 Yang, Genam go blung yay so susuing go, ngga sedue nemu pung go, nemotnang naklay sogo-sogo kua senong; nemotnang naklay ngga uduo mawo, kueng segue sogo kua senong; nemotnang ku lo srek go, kunala-a koklong, nggano, usene-a sesrek go; 11 tem-a dedam go uduo, nutemoy go ya kua senong. Nggano, sedue kabung ngga, domba yay sogo sedue-sedue, kua senong go tete! Nemotnang naklay, nemot go tap, banom so mo keng, nemotgo-nemotgo untung-a tetruk, klaya nang go kua itak. 12 "Weng-a!" Nemotnang lo pu go: "anggul genam lo mea iti. Ngge suey, buarak miam dega so imot lo drop go; utep go, nggeasui go ey, mea kerlam, nggano, miam dega seni so naklay mea drop!"