¹ Sikabung swei go tang ei buin, no sikabung dabui bano kua tui ganemot. Sikabung klaut sogo nebuembit mo nega, no nemot nang kua sesenong. Ganemot sik so , piam go sik so ka nang sogo so sikabung swei go ijok. ² Nemot swei go bas no mod gut. Sikabung nemudi sgo, nemot nang go sip sesuing, sip swei go balo mea srek. ³ No, mot nang ngge sno weng dagu sno, sikabung nemu truk go dwo nang, sikabung blue ei go gano sikabung kon so smu klong go mlenawalasrang. ⁴ Mot nando so pepen piam so? Nando sno mot lo lom tenuing gano nembleng walong so sok? Mot ngga sikabung piam so semu go dwo nang, wamoi so semu go mlenawalasrang. ⁵ Ngga duduing lo koi kalik so pipit go gano di mata sogo balo gano di dop kangok go balo, ngga mgo duwo nang taiti so tong go pai balo, teble-teble demu tuik bano. ⁶ Demu sisiep ei go pai ba so ganemot ngo mot nogo gemang tui, nmot nang- nmot nang mot ngo so tui go. Gano naklai bu taiti nang sogo mo pi kukenan no, mot go taiti ten mo iti go klong. No ya Genam go dabui ganemot lo swei so lemoi? ⁷ Medium kangok go blo sgo, mot mgo sip srek swei so mo ta. Ganemot, no nemot nang ngo mot moklak taiti menai tong sgo. ⁸ Yatap taton no gano yatap di no, demat mo lo mo dok. Genam itak nang sgo so, mot mogo sip srek mo sei, mogo sip srek blo no klak go gano bata so tui. Mot ta mo kuduik nemot nang ei go, ngga nemot nang go sip srek swei mo lo tra go gano nemot nang go sasuik temoi ja no itak go mo ikum. ⁹ Iram go nebuem kuno mo weng, mlay ei gano nemon so tingin go ei mo weng. Mot lo sikabung deguo sego, kwet seno mopu go klong, gano nemot nang sikabung kebong go yakena no mo pung. ¹⁰ Kwet seno klong go sik so mot yamso wakot, no, mot kua pepen, “ ngge sni kua !” mot don imening go kok go ganemot ngo kua wakot. ¹¹ Nando no mot suali ei gano mo sesuing swei so, ganemot nego mot wamoi so mumlue gano Genam sgo kua duing go ikum? No Genam walong so mo suing mot ei go, no mot suali kua Genam nogo. ¹² Genam lo mot go swei mea taling gano mogo takbali-takbali, no naklai, mot nogo sni kua. ¹³ No mot lo Genam mo usi, mot go demat-demat lo ta seitak. No nembit lo nemot nang naklai mea ijok, nebuembit daklaya iti go nemot nang mea kua. No sikabung Genam go ta basogo nan nemot no mea itak gano Genam go mduim nemot goso mea lemoi.” Woy Wali Iram Lo Nemogo Bloung Ta Itak Go ¹⁴ Gemang pepen, “ bong ya, bong ya, tap dali smu ya! Geyang ya Genam go bloung go tab sik sgo wong diding! ¹⁵ Ganemot sogo so, Nemot blo sogo gano blong ba sogo ngga sip kebong kua go nogo, ngga Nemot go sui sgo-sgo kon kua tebok go nembut nggekalik, “ Genam go sip suing bolo so gano sogo-sogo kon kua tebok, no sikabung dabui waluk go ei gano dabui kut go. Gano tandali nglong genang sikabung dabui trong. ¹⁶ Ganemot sgo so, Genam me kua wayang snangso, gano snangso mot no dabui piam. Ganemot sogo so, Genam go nebuem kuno nogo yakai ganemot mea kukua kelong, gano nebuembit Genam lo lemoi go. ¹⁷ Ganemot tang sogo, piam dabui bolo sono iti go Genam dapiam kangok, gano nemot mea but. Genam go nebuemsuk mea son gano Genam go dabui piam, no, nemot nang tap nemot nang go dabui bano duing go galo mea koklong. ¹⁸ Genam lo nemot go tap mo ikum, no Genam lo tap ganemot mea son nemot nang sik sogo. Genam lo nemot mea wawi go klong gano nemot go dabui don Genam lo mea iti nemot sno, gano sikabong sikabung gunuing mea susuing, ¹⁹ U sam mea smu klong. Swei, swei naklai sikabung kuet sogo gano sikabung dagui sogo,” wli nebut, “ gano Genam lo nemot mea pali.” ²⁰ No, sikabung piam so pupluok go beap alui kalik so mea lemoi, yakotso yakua suing. Nemot go bu nan ei nanbu ei go mea tuk. ²¹ “swey ganogo kua,” KI WALI go nebut. “ sikabung piam so pupluok go nogo.”