¹ Dabui Yakay sesemu go, ei..duo kwa iti go, dou so kwa tui-tui golo, nembut don ey dabui yakai ey sesemu, motnang lo kwom kwa tra kabung dou so tui go kalik! Ngga nemot tangso, dou kabung sedue lo itak go nemotnang go do lo mata so mea lemoy no kabung sedue ey mata kwa” Wali Nembut. ² Motnang sipsyung dali-dali sesemu, yabelanang se klik dali-dali, sip ey kwa itak, nemotgo tegannang walong so se ta dali, nemotgo di-a suey so se glok. ³ Ngga nemot sogo so, nemotnang ta kalik di ey ta semela di lo mea wasey, motgo mlenawarasrang nan-nannang mea nagluim ngga ey syung genang so yakena-yakena tebung balo. ⁴ Suali kwa tra, motnang songsut yakwa tra, kwa taplu, motnang ku sono mea yakwa syung. Ngga tangso, tap masi unggot go kuno kekelong go ey mot mea kekay, ngga ey mot banom-a nalo so susung go songsut mot lo yakwa dung dali. ⁵ Ngga nemot tangso, mot ey kelam-kelam so susunggo ngga nemot lo mot mot gemang semu, Kiwali Kumam ngga Nemot so syu; ngga kon kwa goso susung go Israel go king. Nemot go su kukenan go Woy Wali Iram ⁶ Ngga nemot tangso mot usi Woy Wali Iram lo, kabung sedue kap go kalik so lemoygo dabui ide ey trago, kagut demening sedue dok kalik tandali tengougo, Wali nembut. ⁷ Demening ta memelak genam lo mot itak go, no genam go dabui klum kangok so mot nogo, Genam lo motnang mea yalum. ⁸ Dalu balo kalik damoi gono nggano gemang tandali pi go, Genam go soungku namboinya gemang kok mot siksogo, no Nemot go dabui klum ey mani wali ta suey balo mot nogo mea semu, nggano Wali nembut king. ⁹ Ngge yagui Nuh nogo kalik, ngga kunogo kalik Genam lo Nembut tegadi Nu hey mo pen yagui nggano kalik kukenan bulo kenokgo ngga tandali yakwa lemoy; ngga nemot-a Genam go nembut tegadi, Genam tangso dalu yakwa iti motnang nogo, ngga ey nembut bebat yakwa pen. ¹⁰ Mendum naklai pay sing gono, demu menduim naklai usre so, no Genam go taiti –ey kengduk motnang siksogo yakwa pay. Genam go ngengam tegadi ey dok go yakwa pay mot siksogo “ Wali nembut dabui lo mo iti motnang nogo”. ¹¹ Ei..motnang masili gluik go ngga ey nembit bu alu kalik lo pu singgo nggano dabui ta ey suey kwa pung gono. Seni so, Genam lo mot go sip demu sogo blono setui demu Safir lo demu kubutu tu dali. ¹² Genam lo mot tema-tema bloso demu suey seni lo mea semu, nggano yatap put kangok go blo sono Kristal lo mea semu dali. Ngga ey demu-demu suey logo tema ngga mea kilik . ¹³ Motnang go dou naklai Woy Wali Iram nogo nembut-a mea nguok, ngga nemot no maotnang go dou naklai dabui yakai lo mea tetram. ¹⁴ Motnang banogo seni ey golo me ip, nggaey masi lo gluik go ngga ket no mea klong ngga tangso mot suali kwatra; no kwa seni sini siksogo, kwasini siksogolo dagu no yakwa sung. ¹⁵ Ngga nemot no nandolo sagui mot no yakong, ngga genam siksogo kwa. Nandolo mot nogo way ey mo semu nemot-a mea kenong. ¹⁶ Seni so, Genam lo sedue tengang ko gemang semu ngga-ey koy nugu so u –go gemang, nggano pelay semu go suey so gemang lemoy menbut so nggano genam lo tang ey bun genang gemang semusing nemot mesop genang. ¹⁷ Tengang koy lo semu go mot no way semu genang so yakwa seni, nemotnang nemogo nembleng lo pen go motnang si nembut sni kwago nemot-a piam so mea ikum. Ngge taut itak go Wali Iram go tamot-tamot naklai gono ngga nemot go seni Genam siksogo pung go Wali Nembut.