¹ 1 Nggano, nemotnang lo way so pu go, "Atnang mo tup-etu go ngge nogo, nando-a dabui lo mo keng? Woy Wali Iram go ta don dega eygo nando no mo taling? ² Woy Wali Iram go duduing, Nemot go tamot ngganemot ditron kalik so mea wo nan lekuoy-lekuoy gono pung go kalik. Nemot go suk imot lo ikum go nemublup kua; nemot so imot go nemukum genang sogo kua. ³ Imot lo wayang go, ket sono nemot mea ka-sing, iseng ey kangok so tra go sedue, sadui-sadui-a kukuok go. Klayaduonang go logo nemot sono go yakua yalap, nggano, it logo nemot soogo kua tup go keng dali. ⁴ Nemot-a, imot go kusadui so nemot lo lek go, imot go ide ey bete eygo so nemot lo lek go, imot-a pu ngga nemot lo iseng lek go ngga, Ki Wali Iram logo kisebui nemot tang go nogo. ⁵ No, demun but go kuo ey pung-sing go, imot go kuklue, piamkonkebamling tang sogo so, nggano, imot go taybat tang sogo so demun suey go. Imot suey so wali-wali so pung genang sogo so, nemot no idekeba iti go, nemot go, kinbunatun demla logo tang so imot go sadui gabe pali-sing. ⁶ Imot naklay domba kalik so tap mo nega, nemotgo-nemotgo tap lo mo koklong. Nemot blo sono Woy Wali Iram lo idekeba mo pui imot go taybat naklay. ⁷ Nemot no taybat kuasemi go don ey mo taling, no, nemot lo tom-tom so mo lek go klong sang. Nemot go lom kua ngang donba nok tong genang sip sono wawi go koklong go kalik so domba unen nemot go dit ibot genang so wawi go koklong go kalik. ⁸ Nemot mIak go gemang neyboy, nggano, sedue kabung mata sogo lo wawi go klong go idekeba iti go gemang kebong. Nemot go wali sogo klayaduonang go logo kua duing sang; imot go saula tang go kuklue piamkonkebamling tang sogo so nemot kebong go. ⁹ Taybat eygo sedue ey kerlam so nemot gemang tui simu nogo; sedue taut mata sogo simu ba no nemot gemang tui, nemot-a, nemot tang go logo taybat kua pluok go, nggano, wamoylue kua semu go." ¹⁰ Woy Wali Iram lo mo iwat, nemot iseng eygo lek genang sogo, nggano, nemot go saysuk, kuklue piam konkebamling suep genang sogo so iti go. Yang, namot go yagui walong so mea suing, nggano nemot go duo-yap mea ikum nemot logo tang so, Woy Wali Iram go duduing gabe ya lemoy-ayun. ¹¹ Nggatang so, Woy Wali Iram lo pu go, "Iseng eygo yam so lek gono, nemot nebuem nebit lek go yakay ey gabe. Ngga, Genam go Tamot, Genam go dabui dalip/dabui iwat go, sedue kabung miam eygo nogo sogo idekeba mo lek; nemot tang sogo so, nemotnang genam lo mea susuoy-sing. ¹² Nemot go wali nemot lo dabui lo mo iti nggano, sedue taybat eygo ba no mo degut. Sedue kabung miam eygo kuklue piamkonkebamling nemot lo mo lek nggano, dewi pu go, nemotnaang go kon nggano kay genang sogo. nggano, dewi pu go, nemotnaang go kon nggano kay genang kua go: nemotnang go idekeba lek go. Nggano, Genam lo nemot sono sedue mata sogo taiti so gemang itak, nggano, sedue kabung senieygo ba no klay gono gemang degut."