Ki Wali Iram lo Yerusalem tameaitak ¹ Buong-a, Yerusalem buong-a! Mot go dabui don kok-a! Mot go srem walopnang sogo kok-a! Hai Yerusalem, yakena teguop go, sedue piam go mot go yakena yataput logo tandali go ya kua degut. ² Sung ba sik sogo ip-a, hai Yerusalem, mot no tebok go sung ngga sono teglik-a. Mot go blindon no dok go lante ngga sono plet-a, hai Sion seduekabung boy ba sogo! ³ Woy Wali Iram lo Nemot go blung no pen go, "Motnang ngge, tebadali nay-sing go, nggatang so nggeasui go tebadali dali tagabe itak. ⁴ Banim go motnang Mesir no klong go, ngga so amble kalik so mo suing. Nggano, Asyur lo tebadali dali ne idok. ⁵ Nggeasui go ngge nogo Genam go urusan sogo piam? Sedue Babel lo motnang ngga kalik seguong so ne tawan. Nemotnang lo motnang o ide taling golo, dabui blo sono iti go, genam so kuno-woyno Genam so uwayang. ⁶ Ngga tang so, Genam sogo motnang lo yang genang, seni so Genam ngge Ki Wali Iram, nggano, ku ngganemot no motnang mea senong, ngga ku nogo Genam lo motnang nogo nebut pen go gemang." ⁷ Dabui yakay dega ey,ikum go tamot mot-dak go uweng go; nemot lo kumeduim blo lo klak go uweng go nggao, deguo teguop iti go uweng go, yakay deguo, susuoy wali deguo Sion sik sogo; nemot lo pu go, "Mot go Ki Wali Iram ngga Iram gemang!" ⁸ Tup-a, yakena yay so susuing golo se key yakay ey iti go, nemotnang kerlam so sek iti go! Yang, nemotnang go nemutegun tang golo mo ikum Woy Wali Iram tandali Sion sono weng go. ⁹ Sek ey yakay ey se iti, Yerusalem yakena kuin, seni so, Woy Wali Iram lo Nemot go blong nogo mlatueng go nggano, Yerusalem taitak go. ¹⁰ Woy Wali Iram lo Nemot go don taling go, saula-saula go suongku no. Kukunan naklay lo mea ikum suey wali-wali imot go Ki Wali Iram sik sogo. ¹¹ Klong-a! Yakena Babel ngga sono itak ya, hai motnang Ki Wali yap go taut so idok go klong go! Taut kon eygo no kua tuing: taut kon eygo: Taut kon eygo agama go demu sik so ikum go. saysuk teguop so bu se lu maning kua klong gono. ¹² Motnang keda-keda so kua klong, nggano, sedue suali so kap go kalik so kua. Woy Wali Iram lo motnang uwawi go nogo; Israel go Ki Wali Iram lo motnang yay nago-nago nogo suing go nogo. Tamot iseng ey tetra go ¹³ Woy Wali Iram lo pu go, "Seni so, Genam go tamot lo seni ey mea lemoy; nemot blo sono mea iti, nggano mea glung. blo sono iti nggano blo sono glung kua go: nemot blo sono iti go mea glung dali. ¹⁴ Banim go seduekabung mata so ikum go saduibong ey pling go nemot ikum go nogo, nemot go suk mo waluk sedue denok suk so kua. ¹⁵ No, nggeasui go, saula tang mata so ikum go tawasrang-a mea glok, raja-raja yam so mawo go tawasrang-a gemang goglok. Nemotnang ikum go no mea senong, maning go nogo menotnang kua senong go."