¹ Bong a! Don iti a ai Sion.Yam keba suego serem yakena kon kuago! Yerusalem, no,sedue ngga kuwi teben kuwidut ngga no suedue-suedue ngga pyam go suey kua go nemot nang yakua degut ² Mogo sasuek temoi sung se tegue!Yerusalem bong go ipya dabue yakay ey !blindon sik sego na ha tebue, ai kabung Sion ey mang suesung! ³ No, ngge kalikso Wali sam kelaut,"Motnang lo tebali-tabali tago, ngga nemot sego so mea deguet sego-sego kuaso." ⁴ No, ngge kalikso sam Wali nembut kelaut," Banini nego, blung yao mekelong Mesir no mea sueng lak, no nan Asyur baso sego-sego kua." ⁵ No nggge suego, sesogo nggenam nggesego? "Ga nembut pen Wali Aya go," me ikum blung yap ijok go tanawon sego-sego kua?"Nemotnang lo pen menawon blung due yap no," Wali Nembut pen Wali Aya sik sego. No genamgosuekuno kuno me pepen. ⁶ Ngga nemot sego so, blong yap genam go sue mesenong. Ku ganemot nego, nemotnang mesenong no genam mepen, "ngge nemot genam." ⁷ E...ngge ku medue-medue ngge blo sik sogo suey seni masi-masi suedue ngge nembut so iti go wenggo, sepepen kelong Wali nembut, Sion, Siksego "Ki Wali Iram sik sego!" ⁸ Kotup !Nemot ngga yaiso suesung nembut ngga ijok natun go dabue yakai ey keram-keram mea ikum nemo go nemu lo Wali Aya lo tandali mea iti sion. ⁹ Dabue yakai e karam-karam so, ia Yerusalem !No, Wali Aya nemot lo nemogo blung blo nogo tametue Yerusalem no. ¹⁰ Wali Aya nemogo ta kon kuago ngga nan-nan, sering no sering no mea ikum Wali Iram seni so mot lo Wali nuek. ¹¹ Kelong nga - kelong nga !ngge sikso nasepung !Mot tandali peam semu ego! Mot ne sip ngga nemot sik sogo nasepung.Mot nogo konbu lu, ia motnang suedue-suedue Wali Aya Wali yao blono iti. ¹² Motnang ngga sik sego keda-kedaso, no motnang ngga kalik yakua kuek.No, Wali Aya genam go nembuem ku me keklong.Ngga no Wali Aya Israel go yatam put so mea uik. Peam Baso Tamot Ki Wali Iram ¹³ Seniso, genamgo tamot dabue yakai kebali mea semu. Nemot nemogo sue blosno mea iti, Motno ta mea kong mogo sue ay melek. ¹⁴ Seni so suedue kabung mata degaso kui-kui nenawon. Nemot nemogo sasik temoi taling won go nemot tendali won. ¹⁵ No nemot makelai mata degaso nan-nan yamso. Dugena-dugena lon ta mea uik. ¹⁶ Genam lo mot go lom ba no, Genam go nebut gabe kiking, nggano, Genam go ndengtabang ba no mot gabe kok, Genam tandali ut kebet dali genang, nggano, kukunan kutrui tui genang, nggano, Sion sono pu go: Mot ngga, Genam go blung gabe! ¹⁷ Buong-lak-a buonglak-a, buang-a, hai Yerusalem, hai, mot Woy Wali Iram go ta sik so bu mo druop go, Nemot go daysruk dabuipiam eygo se sre-sing, mot mo drop, yam so mo lek, daysruk ba sik sogo seni, memawo eygo! ¹⁸ Denok-tiat nemot lo tui sing go sik sogo nemot so uwawi go kua, nggano, nemot lo babu go denok sik so nemot go ta no mlak go kua ne. ¹⁹ Tasam namon ngge mot no mo lemoy, nando-a, mot eygo u kerlam so ya kukluo? Pipiam go, nggano togut go, tenday go, nggano tengang -- nando lo, mla ya pui? ²⁰ Mot go duo-yap yam so mo srek, lasu go nogo tap-tap sring lo sapi blim tegan no glung go kalik so; nemotnang Woy Wali Iram go dabuipiam nengkoy lo mo teguot nggano, mot go Ki Wali Iram lo yat go. ²¹ Ngga tang so, se tup ngge, hai mot ide eygo, hai mot eygo mawo go, no, anggur lo kua! ²² Nggekalik so, mot go Woy Dem, Woy Wali Iram, mot go, Ki Wali Iram lo, Nemot go blung go tasam so uusey go: "Seni so, Genam lo mot go ta sik so iti go dayruk nemot go seni ey memawo go ngga, nggano, daysruk seni Genam go dabuipiam nengkoy mot meakua drop dali, ²³ no, Genam mea iti sedue mot so ide iti go ta sono, seduekabung eygo banim so pu go mot sono: Se kenuong, atnang koklong go motnang blo lo mot masi lo gualing sogo be! Yang mot nan blo lo srek go dabui nan sono kedik go, nggano, sedue nemot blo lo koklong go tap kalik so ne lemoy."