¹ gge kalik so Ki wali Iram go nembut pen ; mot go mia aya ey tegan tong go sam tebot gemang? Sam ngga mlak gono genam nemot mea yat? Genam go nai mo idok, no drang maning kwa iti, mot genam lo mo nai? Seni so, motnang go kon sik sogo motnang nay go, mot go mia klong go ngga motnang go taibat-taibat tangso. ² Genam weng gono sedue kabung –a kwa? Genam lo usi gono si kabung kwa wa? Genam go ta tebut sogo so yakwa tebo? No, don kwa gono sogo so motnang yakwa ikum nggano plet? Ikum-a genam lo bebat go, Genam lo beabbu sip bu kwa goso mo lemoy, bu sip ey go genam lo iwalompay sip so mea semu dali, dasi bu balo mea kebong go pegop bu kwa gono bunu tangso ³ Genam lo ut kuklik golo mea lemoy ngga ey sedue kebong amblekeba lo mea lemoy ⁴ Genam go lom nembleng pen genang so segola denok so mo lemoy Ki wali Iram lo genam senong genang sogo nembut suey so pen genang ey sedue lasam kua gono. Nemot lo senang so genam wadikwa senglouk, Nemot lo genam go kama nglong go segola denok kalik ⁵ Genam go kama Ki wali Iram lo mo tenung, ngga ey kwa waidang; ngga tangso genam srong-a yakwa kong. ⁶ Genam go yalu-a sikabung genam but genang sogo no mea iti. Genam go segout-a mea iti tegotdondit pluk genang sogo. Ngleabu lo tua nang sogo genam go nembemsuk yakwa kok ngga bano. ⁷ Ki wali Iram lo genam no tebok tangso songsut kwa tra ⁸ Nemot lo genam seni ey go lemoy gemang dagu. Nandolo genam way ya semu? Ip-a imotnang way-way so iwot nembut sagu nandolo genam no ya pu? Nei-a mot-a weng genam dagu no. ⁹ Ikum-a kiwali Iram genam no mo tebok, nandolo genam nemudi so ya lemoi? Ikum-a, nemotnang naklai amblekeba sring so mea lemoy, segutmung lo mea dam. ¹⁰ Nandonang lo motnang siksogo Kiwali Iram no sualy ey tra, Nemot go tamot lo pen go nandolo mo keng, yang motnang kuklik go balo keklong, nggano nemblong kwa? Ney-a mot dabui-a se-iti Kiwali Iram go syuno. Nemot-a blo sono se-iti ¹¹ Ei ..motnang naklai koy so pupuit go, gano pleday koy e-go naklai semusing go, ngga ey nemot go koy blong tangso keklong, motnang lo blon go pleday koy nemblong ey baso. Genam go ta basiksogo ngge-a mea lemoy : motnang selek genang so sip koy wong balo”