¹ Genam no tup ya, e beap lo tong go sip, ikum ya, saula-saula kuet sgo! Sani ba sgo no Woy Wali Iram lo genam mo usi, miya witegan ba sgo no Nemot lo genam go sui mo pu. ² Genam go lomsuk, Nemot lo ple tengang kalik so mo lemoi, Nemot go ta lap bano, Nemot lo genam son smu go. Nemot lo tengang sebui kalong ei go so lemoi go genam. Nemot go tengang sebui so king go sip bano, nemot lo genam son go. ³ Nemot lo genam no pen go, “ mot ngga Genam go tamot, Israel. Genam mot lo blong blo sno mea iti.’ ⁴ No, genam mea pen, “ genam mo wakot gano smu geno smu go bano. No Woy Wali Iram lo genam nemudi so mea lemoi gano genam go taut kerlam so Woy Wali Iram ei. ⁵ Gano geasui go, wali nebut, Nemot lo genam miya go sani bano nemot go so mo lemoi. Ganemot so, Yakop tandali wawi genang nemot mit no gano nemot mitno Israel yaluim genang. Ganemot sgo so, Woy Wali Iram go nemu kuno genam go blong blo no mea iti, gano genam go KI don so mea lemoi genam no. ⁶ Nemot go wali nebut, " mot ngo idie kwa Genam go tamot so lemoi genang , saula- saula Yakop nglong genang gano tandali wawi genang sikabung Israel maning pupuong go. Genam lo mot blong so mea lemoi saula-saula ngo.Ganemot sik so, sesuoi kukenan sding no mea pung. ⁷ Wali nebut nggekalik, Israel so lek go pung go, swei go kon kwa tebok go Nemot sik sgo, nemot masi lo knok go ngo, saula-saula lo kwa duing go, sikabung kangok go koibu tasmu, iram-iram ip go mea ikum, sikabung sni ei go sekabem mea unuikWoy Wali Iram tup duke i go, sesuoi sgo Israel sik sgo, mot mo kwoi go sik so.Sesuoi ku ⁸ Wali nebut nggekalik, “ yang sgo ku Genam lo mot mo wa. Sesuoi ku gano mot mo iti go tegadi so dok go bloung sedue kabung ngo so, nan ngge swei so lemoi genang gano nemot nang lemoi go nemot nang go asi babu lo itak go kluim sgo-sgo kwa go ngga nemot nang no mea iti. ⁹ Pen ya nemot nang ta masi dok go ngo, pung ya ja sno, nemot nang kuklik ba sgo no, nunguon ya. Nemot nang ten tap blo lo mea dam, gano mea ikum woyo lo pung go sip, ku sang sip blo sgo blo no mea ikum. ¹⁰ Nemot nang ten bu mea kwa tra; e nebit nengkoi ei go gano woi iseng nemot nang ei glok go. Ganemot sik so, Nemot dabui kluim mea nemot nang ngo ei go nemot nang tap mea taling, gano bu min sno mea wawi. ¹¹ Gnam lo mduim genam go tap mea lemoi, gano tap kangok go blo no mea iti. ¹² Ikum ya, kuklue ngga kuet sik so ngga weng go, gano ikum ya kuklue ngga dun ei sadai ei go sik so ngga. Nemot nang nan Sinim sik so nggaweng go. ¹³ Dabui yakai smu ya ut! Nenem yakai smu ya, ku kenan! Rlam smu ya, kukenan! Yakai smu ya mduim-mduim, u sam balo! Woy Wali Iram lo Nemot go bloung dabui don kok go gano Nemot go bloung idekeba ei go no klum mea tra. ¹⁴ No, Sion lo gemang pepen, Woy Wali Iram lo genam mo itak , genam go Woy Wali Iram genam mo itak. ¹⁵ nando kabung lo, nemot go dwo nemot lo babu go ya kai, ganemot so nemot klum kwa dwo nemot go sani ba sik so li go ngo ? nmot nang mea kai, no Genam, nemot mea kwa kai. ¹⁶ Sni so, Genam mot ta dabui no klik go kalik so mo lemoi, mot go dmu tma-dmu tma sna so genam go nebuem kuno pung. ¹⁷ Mgo dwo nang kluim=kluim mea iti, no mot so ksuop go, gano mot so piam go mot mea itak go klong. ¹⁸ Nmu blo sno iti gno, gano ktang-ktang ikum; nemot nang naklai kerlam so yaluim go gano mot mit no uweng. Genam ngge wali go sik so.” Wali nebut, Mot nmot nang naklai gelang kalik so mea kok, nmot nang sasuik no mea dok kabung dok go kalik so. ¹⁹ Ganemot kalik go so, mot go sip-sip kbali temoi no itak go kalik gano kluim kwa, gano mot go nan mo trong sni, geasui go motnang kdik go so mea lemoi mgo bloung ngo, gano sikabung mot so gut go kuet sno mea ka. ²⁰ Mot go dwo yap takuduenso nega go mot no mea pen mot go kama bano, "sip ngge naklai kdik sni genam ngo! Genam no sip suing nang sgo iti ya!” ²¹ Ganemot sgo so mot dabui bano mea pepen, “ nando lo nemot nang naklai genam ngo so tui? Genam dwo nega go nang so mo lemoi gano dwo mea kwa tui, banom mea itak gano ketang sno mea tenget .nmot nang nando lo babu? Ikum ya genam banom itak go, nago sik so naklai weng! ²² Wali nebut KI lgo nggekalik, “ sni so, Genam lo ta blo sno mea iti saula=saula ngo, gano Genam lo ple blo sno mea iti saula tang ngo, ganemot sik so, nemot nang go dwo sedue dnok nang nemot nang lo dabui blo sno mea kwadok , gano kabung dnok yalui blo sno mea kwadok. ²³ iram-iram ayah mot so nguok go so mea lemoi, gano iram go snun nang miya mot so nguok go so mea lemoi, nmot nang mot sno susui mea bungnebuem suk nan sno iwot kno, gano mgo masi sung nembleng lo mea iblon. Ganemot no mot nang mea snong, Genam ngge Woy Wali Iram. Genam so boboung go suong ku no mea kwa itak. ²⁴ Sgokalik so ya taut ta ba sik so idok gosikabung don kangok go ba sik sgo tandali ya idok, ei sikabung boi basgo, ja sno ya pung swei so, sikabung yalui bang ei go ta ba sik sgo? ²⁵ Sni so, wali nebut nggekalik, sikabung don ei go lo yai mea suing no mea wawi go pung, gano taut sikabung yalui bang-bang ei go lo idok go no tandali suei so mea idok. Ganemot no sikabung mot so tu go, Genam ei mea tu, gano mgo dwo yap nang genam lo swei so mea wawi go weng. ²⁶ Genam lo mot nang so gualing go sikabung, nemot go kdong nmot tang so mea dam, nmot nang go kin lo nmot nang mea yane bu yengkabui ei idie go drop go kalik so mea lemoi, anggur bu lo. Ganemot sgo so sikabung Genam mea snong Woy Wali Iram genam nang go sesuoi ta mlak go ja sno wawi go pung go. Don kangok go Yakop sik sgo lo.”