(Woy Wali Iram ngga Ki Wali Iram klayking dega) ¹ Woy Wali Iram lo pu go: “Genam go tamot hai Yakob, mot se tup, Genam go blung Genam lo mo kuoy go, hai Israel! ² Genam ngge, mot so lemoy go Woy Wali Iram gabe, mot so mia go sani ba no lemoy go, nggano, mot so tebok go, Genam gabe. Suali kua tra! Mot ngge Genam go tamot, Genam lo kuoy go blung, nggano, Genam lo mo klum go. ³ Seni so, nan lekuoy-lekuoy nogo, butuobu Genam lo mea pipi, nggano, butap-butap iwalom ku, bu kua go sono go, bu pung go mea koklong. Mot lo tui go duo nogo, Genam go don-a, Genam lo mea iti. Nggano, mot go duo-duomdat-yap nogo, taitiklum mea uweng. ⁴ Bu ketang no pung go neguen kalik, miam dega so nemotnang mea ke, bu ketang no di gandarusa pung go kalik so. ⁵ Nemottang-nemottang so mea pu, “Woy Wali Iram tete sogo, genam ngge gabe!” Nggano, Yakob go duo-yap ey weng go mea yaluim. Nemotgo-nemotgo ta temoy no mea klik-sing: “Woy Wali go atnang ngge, Ki Wali Iram go blung atnag ngge gabe!” ⁶ Woy Wali Iram, Don Iram, Wali Deguena, Israel yay so susuing golo, ngge kalik gabe: “Genam ngge, Ki Wali Iram, Don Iram, keduong sogo ey igi sogo ey, Genam-a gabe!” ⁷ Genam kalik go, nando-a mo? Pu go nemot nase wa! Nuey-a, nemot go tang genam sono nase pen! Sogo-sogo yansi lemoy genang sogo, nando lo mo pen? Keduong sik so iti go, e… igo no mo pung? Iblani nebut sogo ba nogo ayat ngge nemot go seni diding ba lo. ⁸ Motnang Genam go blung, suali kua tra! Suali kua tra, dabui bebong ey saduibong ey kua pling! Banim sik so iti go, e… nggeasui gono pung go, Genam lo banim temu no mo pen-ngu. Genam go saksi-saksi motnang-a gebe. Mot yay so susuing go, meno kua, Genam lo meno maning kua ikum.” Didemu no ta kokong go ngga tasam blong kua go ⁹ Didemu demat so ta lo semu go seduekabung ngga, nemotnang go seni kua. Nggano, nali-wabu didemu demat, nemotnang lo ta kokong go ngga, nemot go seni kua. Nemot gemang, ta lo semu go sedue, ngganemot, nemot go seni kua. Tasemu-tasemu ngganemot go seni kua. Duosana-sana, ngganemot no takokong go sedue kabung ngga, nemu mopung. Sogo sogo, nemotnang kua senong. Ngga tang sogo so, nemotnang suongsut mea tra. ¹⁰ Nemot go seni kua, didemu sik so duosana-sana ta lo semu gono, ida kalik nemot sono takokong ne. ¹¹ Seni so, duosana-sana no ta kokong go, nemotnang ngga, suongsut ey mea tra. Pu go nemotnang kerlam so ip-lak! Nemotnang, suongsut ey suali so mea. ¹² Se senong, besi so semu go sedue lo, besi kluip iti go, koy ba no duik go, ngga ey, nenedik go saysuk ey mea lasu, ten ey bu ey mea tra. Nggano, saysuk don mea wakot dali. ¹³ Di kebali so sesemu go sedue lo di iti go, yam tui go. Digit lo saysuk nemot lo klik gono, nemot go taut lo gemang ya pung-sing. Nggano, duosana-sana kangok goso gemang lemoy. Ngga ey, nemot go yap ba no gemang kong. ¹⁴ Se duing, nemot lo tuo go di ngga, Nali, di aru, di dawin eygo duen so tuo go. Nemot lo di salam kuali go sa so bubung, kango so babu go. ¹⁵ Yang, di ngga tuo go, nemot go temu tensuik genang koy so, muk duik genang so, dalip lemok genang so, nemot lo tra go, “a, ngge tom dato ey saysuk tom ey mo tra.” ¹⁶ Di ngga nemot temu menay duik genang so, duik go dam go nu ey temoy. ¹⁷ Nemot go temu itak go-a, duosana sana so pung gono, nemot no ta ne kokong. Nggano, gemang pu, “Ya, mot ngge genam go ida gabe!” ¹⁸ Nemot go temu itak go-a, duosana sana so pung gono, nemot no ta ne kokong. Nggano, gemang pu, “Ya, mot ngge genam go ida gabe!” ¹⁹ Duosana-sana ngga nemot so sesemu go nogo, nemotnang lo kua duing, “di ngga go temu, genam lo mo puit. Nggano, nemot go negu no, muk dui go mo dam, Nggano, menay so koy no mo duik, genam lo dam genang sogo so. Nggano, di ngganemot go temu-a, genam lo duosana-sana sogo abe semu. Ngga kalik go, genam lo ta kokong go ngge, ditebot no ta gabe kong-tugu!” ²⁰ Tasam ngga mo kerlam, sung dam go kalik. Sedue ngga, nemot go kunala puplu sogo lo, nemt go tap mo nega. Ngganemot nogo, nemot yakua tebok dali. Nemot logo yakua pu, duosana-sana ngga wamoy mlue sogo ida gemang. Woy Wali Iram, Ki Wali Kumam nggano Susuoy Iram. ²¹ v 21 Woy Wali Iram lo pu go, Ngge naklay se duduing, hai Israel, yang, mot-a Genam go tamot gabe, mot Genam lo mo lemoy, nggano, mot ngge Genam go tamot. Israel, mot nogo Genam ya kua kay! ²² Utkenuim kalik so mot go kuklue, Genam lo mo kerlok. Gum kalik so, mot go konkebamling, genam lo mo nega-sing. Tandali Genam sono se weng, seni so, mot Genam go ta lo, Genam lo ta mo itak. ²³ Yakay iway iti-a, hai ut, yakay iway iti-a, hai kukunan ba sik sogo! Sek yakay ey se iti, medium-meduim, nggano, duen ey ngga ba sogo di naklay ey! Seni so, WoyWali Iram lo Nemot go taitiklum me taling. Nemot lo Nemot go blung Israel mo susuoy go lo. ²⁴ Mot go, Woy Wali Iram, Susuoy Iram, mot so sani ba no lemoy golo ngge kalik gabe pu: Genam ngge, Woy Wali Iram, naklay-naklay ngge so lemoy go, ut so banom glung go, nggano, kukunan so semu go nogo, Genam nogo menoduo logo kua tebok. ²⁵ Tukang peramal lo pepen go nebut, Genam lo sak gabe kokok, Nggano, tukang-tukang tenun nogo rlam-rlam so Genam lo gabe esemu. Kunala sedue go kunala Genam lo gabe plesing, nemotnang go kunala Genam lo puplu so gemang lelemoy ²⁶ Genam lo, Genam go tamot go nebut don mea kok. Nggano, mot go atuia semu go Genam lo gabe pluok-klong. Genam lo pu go, Yerusalem nogo, blung tandali mea suing, Nggano, Yehuda go kota-kota Genam lo tandali mea buong-sing, nemot go kuin tandali Genam lo mea pali-sing. ²⁷ Biapbu kemle nogo genam lo pu go, “Bu se lek!” Mot go butuo-butuo Genam lo pang sogo, ²⁸ Kores nogo Genam lo pu go, ‘Mot lo Genam nogo so tameamlak!’ Nggano, Genam go duduing naklay mot lo mea pluok. Plenta semu go, Yerusalem tandali buong genang. Nggano, Woy Wali Yap go kutrui mea tui dali.”