1 Ku ngganemot nogo kabung taidinamon lo sedue klayaduo mea mlak, ngga ey mea pu: "Atnang go tendam atnang tang so mea dam, atnang go amka atnang tang so kok; no, mot go sui no atnag lo pu genang-a mot lo se iwat; atnang sik sogo atnang go kon-a mot lo se iti!" 2 Ku ngganemot nogo Woy Wali Iram go tron teguop dato so mea pung, seni tagot go, blung Israel nogo srem yakay ey goso mea lemoy, blung Israel susuoy go nogo so. 3 Yansi go Sion no itak go seduekabung nggano Yerusalem sogo sedue kabung temu, teguop go blung so mea pu. Yangga, Yerusalem no suing genang sogo so sui mo klik go blung. 4 Woy Waliiram lo sion kabung kaguit go kon bu ulu go, nggano Yerusalem go kin bu naklay suep go, nemot nesip waglo neneyboy eygo lo mea kuim. 5 Yang, meduim Sion naklay blo nogo Woy Wali Iram lo gumwau semo go wabedong go nggano kuklik go koy neblong eygo lo Sion sogo yao naklay blo nogo, nggano, nemotnang iyaluim go nogo senang so mea, seni so ngga naklay blo nogo Woy Wali Iram go blong lo mea kebet go gigit. 6 Nggano, woy kangok go pli nogo woy susli so saysuk kok genang bala mea klik dali. Sanamuing suali sogo saysuk kok genang bala mea klik.