¹ Yagui tanamon masi idi so namon-namon Iram Hizkia lo engkabu so lemoy go, sanherib Iram Asyur, Yehuda yaknadega go demu tema truk go gano ta ba so iti go. ² Ngga no, Iram Asyur bu engkabu lakhis. Sik sogo mang pugo klong Yerusalem no ngga Iram Hizkia tegu genang so, plesedue dala kangok go ey. Nemot lo gemang ip bumu tab blo so, tap kangok go pay penatu seno keklong go. ³ Ngga nemot sik sogo Elyakim Hizkia go dou pung go engkabu Iram yap sung so mang lemoy, drang yai so susung go engkabu ngga sebna, sam so klik go engkabu ngga Yoah, Asaf go duo Nemot lo engkabu bu so iti gono gemang tegu. ⁴ Engkabu bu so iti go nemotnang no gemang pepen: Hizkia no pen, Iram Asyur sik sogo ngge kalik so gabe pen nawon : Motnang lo sogo kalik so dabui naklai tetebok? ⁵ Motnang lo sogo kali so dung nembut pepen ngga klaya ey don ey plepung nang sogo? Ngga su go, motnang lo genam nogo wayang go nandolo motnang ya ikum? ⁶ Seni so. Motnang wali ingok pudeng gono dabui ey kwa kidik yang ngga Mesir, Nemot no mo kidik mo ingok ta balo mea lu go idi no mea pung. Sedue kabung naklay dabui ey mo kedik Nemot ba nogo Firaun Iram Mesir Nemot go kunala ey tasam mea kerlam. ⁷ No motnang lo genam no mea pepen Genam nang Ki Wali Iram no dabui mea kidik, “ No Hizkia lo Nemot go dewi sip nang mo beteb, nggano Yerusalem ey yahudi no gemang pen” mot masi se unuk Altar ja jo”? ⁸ No ngga su go, Weng –a imotnang kebali kerlam so ya genam go Iram, Iram Asyur ey : genam lo 2000 kuda motnang no mea iti, no motnang lo kuda so iti gi wet go sedue ya wet dali. ⁹ Sogo kalik go tasam lo motnang genam go kebali sedue klaya dato but go tegui nemotnang basic sogo no motnang dabui mo kidik go Mesir nemot go kereta ngga ey plesedue ey? ¹⁰ Ngga sogoso, no sogo kalik genam weng go ngge Woy Wali Iram lo genam no nemot go nembut pen go; klong ya nan ngga ey plepung sogo nggano setrong. ¹¹ Nggano, bu so iti go engkabu lo gemang pen Elyakim, Sebna, Yoah lo; pen- a genam nang mot go koibu ta semu nembut Aram sik sogo-a genam mea tub, no Ibrani go nembut so kwa pen nemotnang demu tema bloso susung golo mea tub dali” ¹² Ngga nemot nogo bu so iti engkabu gemang pepen; genam go engkabu lo pu go genam nggeno gabe weng nembut pen genang mot nogo, mot go engkabu nogo-ey, no nemotnang temu tema bloso sesung go-ey genam yakwa pen, ngga mot nemotnang ey nasrok so dedam go nenbu so dedrop go ¹³ Nggano, bu so iti go engkabu ip go nembut gemang bega nawon Ibrani nembut so “ Tup-a ngge blosono iti so Iram, yangga Iram Asyur! ¹⁴ Nemot lo pen go ngge kalik: Hizkia lo motnang wamoi so kwa mule Nemot motnang banon ta yakwa itak. ¹⁵ Hizkia no kwa tub go keng, Ki wali Iram nogo tubduk ey nemot lo motnang ta mea kwala yakena dega ngge Iram Asyur go ta ba sik sogo ¹⁶ Hizkia no kwa tub ngge Iram Asyur go nembut so gabe tratu “ Pung-a genam ey tugu-a dabui-a ta ey Nemot go anggur usu lo mea dam, di ara sik sogo mea dam dali, bu nang mea drop motnang go bumu sik sogo ¹⁷ Ngga nemot kun ego genam lo mea weng motnang naklai mea wawu nan idino motnang go nan kalik so mea lemoy dali, anggur, nan amble yen lo mea damoi, nan sip seni ey goso mea pu anggur usu ey amble ten lo damoi go sip. ¹⁸ Hizkia go nembut pen no sang kwa keng, sasyuk yai a se susung, Ki wali Iram lo Imotnang sesoy genag sogo” Iram Asyur go taba siksogo nan naklai demat no ta kokong go kay mop let nemotnang banom so mo susung? ¹⁹ Nagoso Hamad, Arpad ey nemogo demat? Serfarwaim nemot go demat nagoso? Nemotnang lo genam go ta mo kuala Samaria sik sogo? ²⁰ Nan-nan ngga nando go demat-a genam go ta basiksogo ya plet? Ngga nemot tangso Ki wali Iram lo Yerusalem at go ta sik sogo ya iti? ²¹ No ngga nemot no, nemotnang go Iram lo mo pu gono ngga tangso nemotnang lo nembut way kwa pen dali. ²² Nggano, Elyakim go dou Hilkia engkabu so maning Iram go sipsyung yai so lemoy gono,darang yai so ngga Sebna, Yoah go dou Asaf amaning sam so klik engkabu kebali so maning susung gono, nemotnang Hizkia tegu so gemang klong nggano amblekeba naklai gemang tegek nawon no mang pen sawon nembut atu-a bu so iti engkabu logo nembut tandali nemotnang lo gemang pe nenawon.