(Woy Wali Iram go blung susuoy genang sogo) 1 Kaseglok pay ey ku lekuoy ku eygo dabui yakay ey mea, kuduen ey sek iti go nggano un mea pung-lak; 2 mawar un kalik so mata dega so nemot go un mea but-sing, mea sek ey mea iti, yang sek ey mea iti nggano sek mea tegueng. Libanon go blong nemot sono mea itak Karmel ey Saron ey yakay ey mea; nemotnang ngga mea ikum Woy Wali Iram go blong, imot go Ki Wali Iram mea yakay. 3 Don sekok mot go ta don mo lasu go nggano isegabuem bubong eygo don se kok. 4 Sedue kabung dabui mo tawar go nogo se pen: "Don sekok dabui, suali kua tra! Ikum-a, mot go Ki Wali Iram mea weng ey susuoy ey nggano ey Ki Wali Iram go demu ngunguok ey. Nemot lo tang go weng susuoy genang motnang!" 5 Ngga ku ngga sedue kabung nemu pung go mata so nemu mea pli, nggano kama sedue kabung kama wik go mea tenuing. 6 Ngga ku ngga seduekabung jambi mea sip rusa kalik, nggano lomsuk seduekabung mawo mea sek mea tegueng; seni so bunemu kaseglok pay nogo mo pung go nogo, nggano butuo iwalom ku nogo; 7 nan kaseglok kokoy gygo bumu so mea lemo nggano ku lekuoy-lekuoy bu min bu so mea lemoy-sing; serigala sesrek go sip no mea min ey wala eygo-a mea pung. 8 Ngga nogo, kim tap mea kebo, eygo mea Teguop go tap so mea pu; seduekabung kon eygo meakua pung ngga logo, nggano sedue kabung pandir meakua mea uwet ngga blo logo. 9 Ngga nogo, duen uduo meakua pung, menay iseng eygo ngga logo meakua uwet nggano, meakua ikum ngga nogo; sedue kabung eygo susuoy-sing mea koklong ngga logo, 10 nggano, sedue kabung eygo Woy Wali Iram lo itak go mea klong-lak nggano, Sion sono sek ey yakay ey mea degut, senang yakay kango golo nemotnang mea tram; dabui yakay ey yakay kangok go eygo lo nemotnang mea tram, sikubong unebu ey dabui sadui eygo ket sono mea kap.