¹ Piam mea pung Ariel, nogo, Ariel ngga Daud go bal sip, yagu-yagu nogo neya , Nemot walop mea sesunu. ² No seni so Genam sik so , Ariel koiwong mea tugu. Ngga sogo Unumbu nebeum bu a mea luik, no Ariel ngga Genam go gemang. ³ Genam bala klik go , mot nang teguot go sagui mea ,sesumu, ngga no mot nang wok teguot go ,kebleng mea klik sing. Genam kibleng klik go wok teguot go mot ey sagui mea sumu. ⁴ Yang mot ku sono mea suing, ngga no nan basik so nebut mea pen; Mot go nebut pepen go karlap a,mea tutup sung basik sogo kalik. Mot go nebut nanba sik so mea pung, ngga nemot iku go nebut nanbasik so, seguiai so sungba sik so mea pepen. ⁵ No, mot go ple sedue mata sogo sung so mea lemoi, ngga no sedue kabung sagui so susumu go, ut kalik so nebit lo mea pling. ngga nemot keda so mea lemoi mot ya kua senung. ⁶ Kiwali Iram mea weng mot nang mit no,ku ijop ey kusyu ey kuknan bubong,kluim kangok dega, biap alui nebit kayem ey mea iti, ngga no koi lo mea kuim. ⁷ Ngga no ple sedue saula-saula Ariel ey ple sagui so semu go, naklai ple sagui so Ariel ey , tema klik go yai suing genang, ngga nonemot ey kua ngge nggam go sidi so sidek go kalik so, ngge wadi kuklik no taling go. ⁸ No ngge nemot , sedue kabung ten tra go kalik so mea tra sidi srek sogo, nemot ten so dedam, no nemot bong go ten ey mo tra nu kua temoi, ngga nemot sedue kabung bu nutra go kalik sidi sidek sogo mea tra dali nemot bu so dededrop no bong go sasyuk don kua bunu tra go yakua kua. ngga nemot kalik dali so mea lemoi plesedue saula-saula nang sik sogo Sion ey ple so tuk go. ⁹ No yakot-yakot so nggano susu ey mang nglok, nemot tangso dabui nemu sup go ngga nemot nemu kli goso gemang lemoi. Nemotnang bu derop go mea puplu no anggur bu kua drop, nemotnang mo puplu no bu puplu nang sogo kua drop. ¹⁰ No Wali Aya lo motnang blosono Kiwalinunguet Klaut motnang usene nemu temoi kalik mea selek nemu mea sup, ngga nemot tamot-tamot, ngganemot engkabu mea kud ngga ey nemusum so ikum go. ¹¹ Naklai mot lo nemu ikum go ngga nemot nembut pen so sam bano mea klik no ngga no mea kebet. No ku ngganemot nogo mea iti seduekabung go mea truk go ikum, nggano mea pu, tandali ngge pe sedue ngganemot lo mea pu Genam logo yakua pen sam sam ngge mo kebet ¹² Ngga kalik go sam ngge nemot sedue sam kua senong nogo iti-a, nggano se pu, sam ngge nemot ey pen, sedue ngganemot lo gemang ya pu genam sam kua senong go ¹³ Kiwali Iram go nembut Kluim kuntun go saula ngge weng go tebok go nemot go lomsuk lo, nggano Genam nogo su iway lek go lom suk lo, nggano dabui ket sono beteb go Genam sik sogo, nemotnang susubu yakua wik genam nogo, kukunan sedue kabung go demu tru-a mea nguok ¹⁴ Ngga nemot sogo so, Genam lo tasam kangok go mea taling saula ngge nemot nogo, ngga nemot nemotnang kua senong go tasam. Kunala sedue kabung, kunala ngga nemot mea bun, sedue kabung senong dudung ey go ngga nemot ngga bano mea kok ¹⁵ Motnang piam mea tugu senong dudung ngga bano kok go Wali Aya go nembemnemu kuno, nggano nemotnang go tasam-tasam kuklik go baso, nemotnang lo pu go nandolo imot ya ikum, nandolo imotnang ya senong takebali peplok go ¹⁶ Motnang lo naklai-naklai iwotsing-iwotsing so pu, saula so sesemu go imot logo ya pu mot nan kuensi kalik, ngga sogo so nemot mo lemoy go gemang pen Nemot so sesemu nogo "Nemot lo genam yakua semu" nemot go ta semugo gemang pen Nemot sono gemang pen " Nemot sogo-sogo kua senong" Ku suey go dato Gemang Weng ¹⁷ No ku nemot maning kua dedagu, nggano Libanon go sip suey goso mea lemoy, usu ngga nemot seni mea tetagot nggano ku duen demening so mea lemoy ¹⁸ Ku ngga nemot nogo sedue kama ketok go mea tub nembut pen sam konkua sik sogo, sedue nemu pung go nemot mea ikum nggano nemot ta mea itak kuklik go basik sogo mea pung ¹⁹ sedue ije keba ba ey go nemot yakai kangok mea semu Wali Aya nogo, nggano sedue taut kua gonemotnang nesip basik sogo nemot yakai mea semu blong dou Israel Engkabu ²⁰ No sedue ple sagui ey go nemot mea yam nggano nembut semu sogo pepen go sedue nemot mea kua, sedue kabung naklai nemotnang go dudung takebali piam go so peplok go yam so tang e mea bun ²¹ Ngga nemot lemoi go sedue klaya dou nemot no ije keba iti go nembut pen klaya go ngga nemot siksogo tegan no dok go demu tru yataput no gemang usi nenawon ngganemot iwotdak go sedue suey go iwot-sing iwot-sing so gemang pen nenawon ²² Ngga nemot tangso Wali nembut Ki Wali Iram sik sogo kun tun go Abraham no Yakub go tang nogo, ngganemot nenot go seni ngge kalik " Yakub suali yakua tra nembem nemu nggabanogo yakua kok ²³ No ku ngganemot nogo nemot mea ikum nemot go dou yap, genam go takebali motnang nesip ba nogo nemotnang At go su iway e... mea lek nggano mea pu klaut Yakub go tang sik sogo susubu mea wik Ki Wali Iram Israel go ²⁴ Sedue kabung kunala tebot go nemotnang kunala mea senong, sedue ikley-ikley semu go nemotnang nogo mea iti nggano mea ngouk.