so Puitgo Amka Smugenang

¹ Amka biru,amka ungu,amka kirmizi,nemotang lo amka talosmugo amka nganemot amka nganemot kok gono dewi pugennag sip kon kwa gono,nga no Harun nogo tite ei masmu amka,dewi pusogo no makok,Tuhan lo skalik pen Musa no nganemot kalik masmu. ² Bezaleel lo amka efod smugo emas sikso,emas ul uik ngano susuop go yamso ibot nenawon go dan so lemoi nganemodo amka nang smunenawon,amka biru, ³ Amka ungu,amka kirmizi,ngano lenan taba-taba sgo,snung duduing kangok golo smugo. ⁴ Amka meno smu nenawongo yalu blosikso kutnang amka efod nemot blosikso,ngano nganemot temoi sno sbut,nemogo sring amka efod go sringei kerlam go mulokgono mang sbut go sring kaiso kerlam. ⁵ Kui Tegan sodokgo amka efod nemot temoi somang,amkaso semugo nemodo smu daligo,emas sikso,amka biru sikso,amka ungu sikso,ngano amka kirmizi sikso, lenan taba-taba sgo sikso sbutgo,Tuhan lo pugo kalik sni mang smu nenaton. ⁶ Permata Krisopras mang smu klai gono emas ei,ngano suiso mang sbut nenowon ikumgo meterai kalik kaiso Israel go suei-suei klik sing. ⁷ Nemotanglo nganemot amka efod go yalu blo sno mang tui menowon permata kalik nganemot no maikum gono,nemotang maduing,Tuhan lo skalik pen Musa no nganemot kalikso mang smu nenawon,

⁸ Ngano,Bezaleel lo dabui ijiso kukut go mang smu,snung duiduing kangok go sedue lo smugo,nemodo amka efod smugo kalik,emas sikso,amka biru sikso amka ungu sikso,amka kirmizi sikso,lenan taba-taba sikso nganemodo sbutgo. ⁹ Nemogo tebuem nangglikgei sbutgo,dabui iji kutnang sbut genang sgo nga namon so mang bisik,walong taplepong yamso ngano nemogo bata nemot kalik dali taplepong ngei tawinen nei pegat go.

¹⁰ Ngano nemotang lo amka efod lemoino dmu permata namon-namon yamso mang smu ne nawon tala-tala segueng so mangtor,blo sni logo,ngano nesip logo,ngano meno dali,ngano kusni logo. blosni logo permata yaspis bombom sgo,kriselit,malakit,tala-tala selot go nemogo blosnilogo. ¹¹ Ngenesip logo namon tite permata pirus,dmu sapir,gano dmu intan. ¹² Nangglik nesip kuiji lo permata ambar,akik,ngano kecubung. ¹³ Namon-namon nge kusni logo Permata pirus,krisopras,ngano nefrit,naklai-naklai nganemot sesbut kerlam-kerlam so emas ei nganemot kalik smugoso makwa plet. ¹⁴ 12 yamso permata nemogo tutup dada,permata klaya mewakili Israel go klaya denok. nemotang lo nganemot talo sueiso smugo mewakili Israel go danon nang. ¹⁵ Dabui ijino kutgo,nemotanglo tegan emas suei gosikso mang smu kuduikgo ikumgo tegan kalik. ¹⁶ Nemotanglo emas namon so smu nenawongo talo ngano tatuk smudali namon so nemogo sring namon dabui no kutnang. ¹⁷ Ngano tegan namon emaslo smu nenawongo tatuk namonn neigo balo mang kok nganemot nga amka dabui so kukut go nemogo sring sno mang kling. ¹⁸ Ngano sring namon emaslo smugo nemgo sring namon mang kuduik nenawon amka namon nei emaslo smugo ngano mang sbut nenawon amka efod sno nga yalu sikso kutgo nemogo dabui ijilo. ¹⁹ Ngano mang smu nenawon tatuk namon nei emaslo ngano mang sbut amka nga yalu blosik sedkutgo nemogo sring no dabui iji sikso, nemogo sring kuduik gono nemogo teglodon iji amka efod nemogo dabui ba ijino. ²⁰ Ngano tatuk namon nei mang smu emas lo ngano mang sbut nenawon amka efod nokutgo yalu blosikso nemogo dabui bajino,ngano dabui ijiso butgo nemot nemogo sring kuitegan so dodok go nemot bloiji sno maitak. ²¹ Nemotang lo nga dabui ijiso kutgo ngga tatuk lomang dok sing tatuk nga amka efod sgo temoi sno tegan ungutua nemogo ngakalik gigit ko amka temoi so nga kuitegan sedok go amka efod temoi sno nga sogoso nga dabuiji sgo makwa plet amka efod siksogo,skalik pen TUHAN lo Musa nogo nganemot kali sni mang smu. ²² Bezaleel lo amka efod smugo,sedue amka so sesemugo kunala kangok go,naklai-naklai amka biru lo smugo. ²³ Amka nganemot temoi nogo put klaya dato mang tebuo nesiplo amka sira kalik nemogo sring snogo yakwa unuik. ²⁴ Nemu eelam nangsgo didon kalik amka biru,amka ungu ngano amka kirmizi,nganolenan tabo-tabo sgo talomang smunenawon jubah nemogo sring-sring lo. ²⁵ Ngano nemotang lo kerincing smudali emas suei golo,ngano mang sbut dali delima go nesip-nesip putlo sringno pung jubah nganemotno. ²⁶ Kerincing kelaya sbut,delima klaya dali sbut,kerincing klya sbut,nganemot kalikso kaiso sring no pung jubah nganemot nembut suei go penang sgo,nga Tuhan lo skalik pen Musa no nganemot kalik. ²⁷ Nemotang lo amka walonggo lenan taba-taba sogolo subut go,sedue kunala kangok go nemodo smugo,Harun ei nomogo danon nang nemotang negoso smugo. ²⁸ Serban lenan taba-taba sgolo smudaligo,ingkabui nodok nemot dali lenan taba-taba sgolo smugo amka mubalo kokgo lenan taba-taba sgolo smudaligo. ²⁹ Kui teganso dodok go lenan taba-taba sgolo smugo,ngano amka biru,ungu kirmizi sedue amka nemot smugolo sbutgo,sgokalik Tuhan lo pen Musa no nganemot kalik sni mang smu. ³⁰ Nemotang lo ingkabui no kukut go nga mangsmu nemogo disam bumeno-bumeno nganemot emas sueygo nendik golo smugo,nemogo blono klikgo nga ikumgo meterai kalik,nga suey snigo nemogo Tuhan nogo nangso. ³¹ Nemotsng lo tegan biru kuduikgo ple kelaya samklik go nemotsno mangdok serban nei blosno,Tuhan lo skalik pen Musa no nganemot kalik mang smu. Konbuso suep Go Musalo Nemu wetgo

³² Nganemot kalik mang tenda konbuso suep go ba kebali smugo,sedue kabung naklai nganemot bano matugu yamso mosmu. Israel go tang naklai kebali nganemot smu newongo Tuhan lo Musa no pengo Kalik sni,yamso smu newon. ³³ Nemotang lo tenda konbuso susuep go nemot lekgo Musa mitno mangklong,tenda nemogo sego-segoei ngabasgo naklai: nemogo nemot sododokgo,dibata-batasgo,sbendi-sbendi,ngano kwoseigo. ³⁴ Ingkabui blono kut go nga donba go suk lo smugo kemsi ngano bombomso ut,ingkabui no kut go menodali dasi lumba-lumba go suk lo smugo,tirai ingkabuino kutdali nang. ³⁵ Tabut nembut sueigo smugo tuguoli-tuguoli leknang,dam pendamaian.

³⁶ Naklai-naklai mangta meja blono roti damnang. ³⁷ Masi dian emas suei golo smugo nemogo koipuit nang sgoci,pelita sueigo mang tanenawon,ngano wolong tmung,minyak koi blon genang. ³⁸ Mezbah emas,ngano minyak urapan utnang,dupa nemon sueigo,tirai yataput tenda konbu suepnang. ³⁹ Mezbah perunggu ngano jala perunggu,dinaklai lekgenang nemogo sego-segoei naklai,bejana nemogo kulo seimang sgo. ⁴⁰ Tirai-tirai nga nemot smugenang,wisisogo ngano kulo seigenang,tirai nemogo yataput ulong nang,tegan nei-tegan nei,sang-sang tuigenang,ulong nga nembut suei go pen nang tenda konbu suep nang,ngabe no motugu. ⁴¹ Amka nga talo smugo nembut sueigo nga konbuso sueo go sipno pensgo amka sueisnigo dmu sungso pui-puit konogo Harun go nemodei nemogo duonang ei nemotang sedue kabung no nembut sueigo pen nangsgo. ⁴² Israel go tang lo kebali nganemot naklai-naklai mang smunenawon Tuhan lo Musa no sklaik pen nganemot kalik sni mang smunenawon. ⁴³ Kebali smu nenawon go nemot Musalo nemu mang wet nawon,ngano mang ikum,kebali smugo nnga naklai suise smugo Tuhan lo pengo kalik,nemotang lo smugo nga,ngano Musa lo nemotang blono ta mang tui nawon.