Lo Tenda Nembut Sueigo pen nang Klik Go
1
Ngano,Tuhanlo Musa no mang pen,
2
Kuklaya banu nganemot bano,tenda nembut suei go penang sgo seklik moda.
3
Tabur nembut suei goso pepengo ngabano setui ngano tabut nganemot tirai lo sekibet.
4
Modo meja selek go dugut nga basno nganemot blono sgo-sgo seta,ngano nemogo tatakan lampu lek go kemah no gano lampu-lampu ga mang susun nawon.
5
Mezbah emas dupa nang sgo tabut nembut so pepengo dabui ijino setui,ngano tirai yataput no dudugut tenda nembut sueiso pengo banogo.
6
Motang nga mezbah taiti tuigennag sgo ngano mapuit yataput tenda nembut sueigoso pengono.
7
Motang bejana tuiso mo nesipno kema nembut so pepengo ngano mezbah nga nemot no setui ngano bu sesre nganemot basno.
8
Motang nemogo taut se smu keteng lo ngano tirai seglung ngatemoino nemogo yataput no.
9
Ngano motang minyak urapan seiti ngano tenda temoi lo seut uluong ngabasgo se ut dali,nganemot kalik smu goso nga basgo naklai kon mang suep.
10
Mezbah se utdali taiti koipuit nang ulong ngaba sgo seut dali,ngasgosgodo nganemot naklai-naklai mezbah nganemot ma suei sni.
11
Nga buso srego nga seut dali nemogo klimeso siseigo seutdali konkulo goso ma lemoi sueise.
12
Harun ei nemogo duonang sewawi yataput tenda dagu sno,ngano nemotanggo masibu suelu bulo.
13
Motang amka sueigo dewiso pupugo ngane moda sekok Harun nogo ngano nemot minyak lo sepi ingkabui sikso ngasogoso nemogo kon ma suep mang ngano nemot ago nembut ma pen klong nemot dmusung koi sopupuit goso malemoi.
14
Nganomenotang klonggo nemogo do nang sewawigo wenggo ngano amka walonggo sekok nemotanggo saisuk sno.
15
Ngano minyak lo sepidali nemotanggo ingkabui sikso,nemogo ayah skalik smu danon nang nganemot kalik sesmu dali,nemogo ayah nganemot kalik smu gono dmusungkoipuit-puit goso mang lemoi,ngasgoso nemotang ago nembut da mapen klong ngano nemotang dmusung koiso puit-puit goso malemoi dali nemotang minyak lo pigo ngenemot dabui lo kabe wa ngasegoso ngenemot kaiso nemogo duono-duono kabe iti.
16
Tuhan lo skalik pen Musa no;nganemot kalik sni mangsmu nawon.
17
Banu klaya yagui namon tite,banu nganemotno kuklaya,tanda nembut suey goso pepengo mangklik nenawon.
18
Tenda nembut suei goso pepen go kabe moklik,nemodo kulogo mang seinawon,dibata-bata sgo mang smu nawon,sbendi mang smu dali,ngano nemogo yap di mang smu dali.
19
Ngano tenda mangkut nawon nemogo nemot se kukut golo ngano blosikso kukut go seguaigo nga mang kut dali,Tuhan lo skalik pen Musa no nganemot kalik mang smu nawon.
20
Nembut suei go nganemot itigo mangtui Tabut bano,ngano nemogo di mang sueiso kluing nawon nemot lek genang tabut nemot,mang kibet nemogodam pendamaian.
21
Ngano,nemodo Tabut nga lekgo tenda konbuso susuep ko basno mang tui,ngano nemogo tirai mang smu nemot kibet nang Tabut nembut sueigo,nemodo smugo nga Tuhan lo nemot nopengo mang.
22
Nemodo meja lekgo mangklong tenda nemotang lo nembut sueigoso pepengono tenda klik go nemogo teglo ijino,tirai jaijino tuigo.
23
Nemodo roti dam nang sgo nganemot blono mang tui,Tuhan go nemukuno nemot no skalik pen Tuhan lo nga nemot kalik mang smu.
24
Nemodo tatakan lampu kemah pertemuan bano tui go,tenda iji no,meja ei nemu wai-wai so.
25
Musa lo lampu-lampu tatakan blosno blongo Tuhan mitno,nemot no skalik pen Tuhan logo,
26
Ngano,nemodo mezbah emas tenda nga nembut suei goso pengo bano mang tui,tirai daguno.
27
Ngano dupa mang puit nemon suey,nemot no sklaik penTuhan lo.
28
Ngano,nemode Tirai mang smu yataput Tenda nembut sikgoso pengono.
29
Ngano,nemodo Mezbah itiso tutuigo puitgo yataput Tenda baibuso susuepgo,Tenda nembut so pepengo ngano taiti nemot mapuit, ngano dam nang sgo ma tadali,Musa lo nganemot smugo nga naklai Tuhan lo nemot no pengo.
30
Ngano,nemodo bejana tenda nemotanggo nembutso pepengo nga,ngano bu ngane mot bano mangsre masri bu ulu genang.
31
Musa ei Harun ei ngano nemogo duonang tabu,masibu nang ulu ngane mot bano.
32
Ngano nemotang mang dugut konbuso susuep banogo,ngano nemotang mezbah daguno mang ip,ngano nemotang masi bu mang ulu dali,skalik Tuhan lo pen Musa no nganemot kalik mang smu.
33
Ngano,yapdi mangsmu won nganemot mitdo kema konbuso lulugo ngano mezba ei,ngano mangglung yataput Tirai ulunhso tetago Musalo takebali smu wongo ngano yam.
Go Nemblong
34
Ngano,Tenda nembut so pepengo mang puk ngano Tuhan go nemblonglo tenda konbuso suep go ngaba mablong so itak.
35
Musa yakwa dugut tenda nemot banogo,ngaba gumle kaiso semu saguip ngano Tuhan go nemblong kaiso tenda ba mablongso itak.