Taiti Puit Nang

¹ Mezbah taiti se puipuiy go di penaga lo smugo,hasta taiji namon walong,bata hasta taiji,walong kerlam bata kerlam dali namon namon hasta nangglik nemogo walong blosnogo. ² Nemodo nemogo tandule-tandule nemogo tebuem namon-namon yamsogo nga nemot yamso tanduk nemot semugo nganemot kalik sni,ngano mang tebok perunggu ei. ³ Nemodo nemogo wulong kaiso smu mezbah nangse,blanga,sekop,bokor,garpu,kaiso puit go,nemodo ngane mot nang perungu lo smu go. ⁴ Ngano,nemodo terali mang smu jala-jala perungulo mezbah keteng lo kuiji sno ngano e mezbah nesip sno. ⁵ Ngano,mangpi taruk namon-namon yamso trali tebuem-tebuem namon-namon yamso trali perunggu nga sip nemot lekgenang sgo. ⁶ Nemodo nganemot lekgenang sgo mang smu diakasia lo ngano mang tebok perunggu ei. ⁷ Nemodo ngalek genang sgo nemot tatuk balo mang kok sing nga Mezbah go tebuem-tebuemlo nga nemodei gose Mezbah molek,nemodo mezbah nga nemot smugo berungga nga nemot papan sikso. ⁸ Nemodo smugo bejana masa bu uluge nang nemogo kulo seigo tembaga sikso smugo,nganemot kabung kaguit nanglo nembuem nemuso ikumgo nga nemot lo smugo,ngano kabung kaguit nganemot nang nga se uso sui-suik go,ngano kabung kaguit nganemot nang nga tenso sui-suik go sedue kabung nga tenda baso mata so suinglak go nemotang nagoso. ⁹ NGano Bezaleel nemog mang smu nawon, tebuem teloge iji,tirai go mang amka tabu-tabu sgo nemodo sbut go nemogo walong hasta 100,nemot linen halus lo smugo. ¹⁰ Yap di masi namon tanamon yamso,ngano kulo seimang sgo tanaman masi namon yamso. ¹¹ Utara no, tirai tibem iji hasta 100,nemogo yapdi masi namon tanamon yamso kulo seinang tirai sgo,gano 20 alasnya perunggulo smugo,tebuem tegloiji,nga tirai nemogo walong. perak dali smugo. ¹² Taton iji,tirai go walong 50 hasta ,yapdi tanamon,kulose nang tanamon dali,yap di menosik so menosno kluing go nga perak lo smugo. ¹³ Dabuiji,no nemogo walong 50 hasta. ¹⁴ Tirai-tirai nga yataput smu genang klaya. ¹⁵ Tebuem namon tite yataput dagu so ijisikso ngano taton iji sikso yataput nemotno layar mang smu hasta tanamon masiiji nangklai,ngano nemogo yapdi nangglik ngano kulosei go nangglik yap diloseigo. ¹⁶ Nganemot naklai layar lo mang teguot,amka teba-teba segulo smugo nganemot talo sbutgo. ¹⁷ Yap di nganemot nemogo kulo seinang sgo tembaga lo smugo,yapdi nganemot kluing nang sgo menosno dok nga sikso meno sno dok dali nga perak lo smugo,nemogo ingkabui blonokutgo perak lo smugo,ngasikso sedok perak sno nemogo yapdi naklai. ¹⁸ Yataput nga tirailo smugo wulang ta genang sgo nga amka so sesusubut golo smugo amka biru,amka ungu,amka kirmizi,amka taba-taba sgo talo sbut go. walong tanamon masi namon hasta bata hasta taiji,kerlam mang tirai ei. ¹⁹ Diglok nang namon-namon kulo seinang namon-namon perunggulo smugo,yapdi meno sno kluing nga perak lo masmu,blo iji menoei matebok kuiji logo nemot kalik dali menoei matebok nganemot perak lo smugo. ²⁰ Yam tui genang tenda konbu idu genang sgo ulong ngenemot naklai perunggulo smugo. ²¹ Ngeno maikum ulong nagoyam so tenda suei go nemot so klak go,nganemot tenda nembut sueigo pen nang,ngenemot maikum nagoyamso Musano matup nemot nembut suei goso pepengo tanglewi siksogo,ingkabui meno itamar,Imam Harun go duo. ²² Bezaleel Uri go danon,danon Hue,Yehuda go tang Tuhan no pengo nga nemotang lo kedaso smugo Musa no. ²³ Nemotangei kerlam-kerlam sgo Aholiab,Ahisamakh go danon,dan go tang, sedue nga tasmu-tasmu kangok go,nemodogo sgoikum nganemot kalik sni, ma smu,amka masmu bumeno-bumeno amka biru,amka ungu,amka kirmizi,ngano amka lenan taba-tab sgo. ²⁴ Emas naklai-naklai nemogo kebali ganemot sesmugo,naklai nga yap nembut suei go pen nang so klik go ngaei mai,emas nga taiti suei gose itigo nganemot nangei mai igo kabe 29 talenta gano 730 syikal, kon kwago sueigo. ²⁵ Perak igo sedue kabung logo 100 talenta ngano 1.775 syikal,sip dewiso pupugo so klikgo. ²⁶ Beka klaya klaya duo nogo,syikal,temoi tang,sedue-sedue nga nemogo sui moklik go,nemogo tuigo sikso igo tanamon masi namon ngasikso blosno, nemogo miyam 603.550 yamso sedue go miyam. sedue klaya nemot setengah syikal perak itigo,ga ukuran syikal kemah suci kalik. ²⁷ Seratus talenta perak dewi pu genang sio nemogo kuseseigo nganemotdei tirai eis kulo sei go seratus nga talenta siksogo,klaya alas go nga talenta klaya gosik sgo. ²⁸ Bezaleel nemodo 1.775 syikal perak yapdi tutung yakwa tra genang sgo ngenemotlo kabe dok,ngano mang tebok blo sik sogo,ngano mang kluing. ²⁹ Taiti unjukan perunggu ya mang iti 70 talenta ngano 2.400 syikal. ³⁰ Nganemot lo mang sei yataput tenda ngano puluep nang sedue kabung mezbah perunggu,ngano jala-jala perunggu,ulong naklai mezbah basogo. ³¹ Perunggu nga kulo seigo ulong tagenang sringlopai sringlopai,kulo seigo yataput nangsgo uluong tagenang,sring tui genang,tenda konbu suep nang ngano sang-sang rui genang ulong tago ketenglo setuguot.