Pasal 37

1 Tabut smugo diakasialo nemogo walong namon taiji hasta ngano nemogo bata hasta klaya,taiji walong blosnogo hasta klaya taiji. 2 Ngano emas e mang tebok dabui basiksgo ei taiji siksogo ei,ngano bingkai emas mangsmugo keteng lo mang teguot. 3 Nemodo emas tugun namon-namon yamso puwongo ngano mang smu nemogo masi namon-namon no,tatuik namon ei tebuem menono ngano tatuk namon nei nemogo tebuem menono. 4 Ngano mang smuwon nganemot leknang sgodiakasialo ngano emas ei mang tebok. 5 Nemodo diputei tebuonganemot tatuk basono mang kluing/ketek tabut go tebuem-tebuem no tabut nganemot lek sgo, 6 Ngano nemogo dam perdamaian emas murni sikso mang smu nemogo walong hasta namon taiji bata hasta klaya taiji. 7 Nemodo semugo kerup namon emaslo,emas nendikgolo smugo nemogo dam pendamaian nga kut sgo. 8 Kerup klaya sring ngeijino,ngano kerup tmung sring ngatemung no,nemodo kerup smugo kerlam nemogo dam pendamaian nei nemogo sring ngatemung no,nemodo kerup smugo kerlam nemogo dam pendamaian nei nemogo sring namon no. 9 Kerup-kerup nganemot nemogo tabang namon mang klik blosno pendamaian go dam kipet sgo nemogo tabang lo,nemogo nembuem nemu wai-waiso seiwot,ngano nemotang pendamaiango dam sno seiwot.

Meja Taiti Tuigenang Mang smu

10 Bezaleel lo meja di lo klik wongo diakasia lo nemogo walang hasta namon bata hasta klaya,walong blosnogo,hasta klaya taiji. 11 Nemodo emas suey goei mang tebok ngano bingkai emas keteng-keteng lo mang teguot. 12 Ngano,nemodo keteng-keteng bata kalik mang smu won keteng-ketengno ngano nemodo bingkai emasmang smu nemogo keteng teguot nang sogoso. 13 Nemodo tatuk namon-nmaon yamso smugo emas lo ngano tatuk-tatuk nganemot tebuem tebuem ijino namon ngano ijino nammon dali nemogo masi namon namon yansgo nga nogo nang sgo.

14 Tatuik -tatuik nganemot meja keteng lo se ketok sing. tuguoli-tuguoli nganemot no mot kok gono malek meja nemot. 15 Nganemot lek nang sgo dilo smugo diakasia meja nganemot emas ei mangklai gono tebok. 16 Nemodo meja blono tagenang sgo naklai-naklai smu,nganemot piring-piring,sendok-sendok,mangkuk ngei kendi ei taiti curahan pigenang. 17 Bezaleel dian go masi smugo emas sueigolo ngano nemogo masa emas nendik golo smugo,nemogo kulo seigoei ngano nemogo kali-kali ei,nemogo tugun kelopak,nganpo nemogo un nganemot smugo nemodei se kerlam. 18 Dian go masi nga nemogo tuturuwo taiji taiji so klaya nganemot yamso,nemogo tebuem-tebuem blosno mapung,nemogo masi nangglik dali tebuem ijisikso,dituturuo nanggelikgei dian go masi tebuem ijisikso. 19 Mangkok tugun nangglik gei diankalik mang smu nemogo sui badam nemogo tuturuo balo,nemogo-nemogo kelopak klaya duim klaya,nganemot nemogo tuturuwo taiji naklai taijiso klaya sring ja sno mang pung dian go masi basik so. 20 Dem nemogo masi basogo tugun namon-namon yamso nemotang lo tegun nemot diun badan kalik mang smu nemogo kelopak gei ngano nemogo un nei. 21 Kelopak klaya nemogo tuturuwo baso mang banimgo,kelopak meno tuturuwo namon tite baso mang blosno punggo nemogo masi basikso,kelopak meno dali tuturuwo nanglik geigo baso nemogo sring ja sno punggo. taiji saklaya nemogo tuturuwo nemot walang so mang lek nemogo masi siksogo. 22 Nemogo kelopak gei nemogo kali ei so kerlam nemotdei,nemogo nganemot naklai sebong lo mang smu emas sweigonendik go. 23 Bezaleel lo pelita taiji naklai taiji so namon nemogo subuso kok go emas suei go sikso smugo. 24 Dian lo mlak go talenta klaya emas suei golo smugo diango masi smu genang so nga naklai sueiso mang smu. 26 25