¹ Saulakuon ngga ikum go, seni so, meduim blo sik sogo, Musa kedaso kua lili. Yang, Harun mit sono nemotnang yaluim go, gemang pu: "Ba weng-a, imot nogo so, ida ta lo ya semu-eyon go. Banim temu no, nemot-a koklong sogo be. Ngge, Musa kua uweng go. Nan Mesir sik sogo, imot nemot lo wawi go pung go. -- atnang kua senong, sogo-a, nemot nogo mo lemoy." ² Ngga ey, nemotnang no Harun lo pu go: "Motnang go kabung-yap go kama nogo emas, mot go duo sedue denok ey kabung denok eygo kama nogo se sok-sing, nggano, ikak go genam seno se weng-a!" ³ Ngga ey, saulakuon ngga go emas kama nogo, tebuo-sing go, Harun sono ikak go gemang yaluim. ⁴ Nemotnang go, ta sik sogo iti gono, pahat lo semu gono, sapi nok so emas ngganemot gemang pi. Ngga ey, nemotnang lo pu go: "Hai Israel, ngge mot go Ki Wali Iram, motnang so nan Mesir sik so, wawi go pung go gabe!" ⁵ Harun ngga kalik so ikum-nawon go, sapi nok ngga go nebuemku no, demusung gemang semu dali. Harun lo pu go: "Utep go Woy dem nogo walop ku!" ⁶ Nggano, ngga utep wadiku go, taiti koyno puit genang, taiti suey waliwali sogo, nemotnang lo iti gono, saula ngga tendam budrop. Nggano, ip-lak go rley yakay gemang pepla. ⁷ Musa sono, Woy Wali Iram lo pu go: "Klong-a, li-a! Seni so, mot go saula tang, nan Mesir sik so, wawi go pung go ngga, wali naklay mo waluk. ⁸ Gnam lo taling go tap sik sogo, keda seni so pay-sing go be. Sapi nok emas sik so nemotnang lo pi gono, nemot sono nemotnang lo takokong go, nggano, taiti iti puit gono, gemang pupu: Ai Israel! Ngge, motnang so nan Mesir sik so wawi go pung go, mot go Ki Wali Iram gabe." ⁹ Ngga ey, Musa sono Woy Wali Iram lo pu go: "Saula tang ngge, Genam mo ikum, seni so, nemotnang ngga, dabui wengkabui demu kalik go saula tang. ¹⁰ Ngganemot sogo so, Genam no se itak! Genam go dabui piam deg lo, kekay so, nemotnang suep-sing so gemang! No, mot-a saula tang babu goso, Genam lo mea lemoy!" ¹¹ Ngga ey, Woy Wali Iram, Musa go Ki Wali Iram sono, Musa lo pu go: "Sogo tang so, Woy Wali Iram. Mot go dabui piam, Mot go blung nogo ne ip-to? Seni so, nan Mesir sik so Mot lo wawi go pung go, don ey, Mot go tadon dega eygo lo wawi go mo pung? ¹² Sogo tang so, sedue kabung Mesir lo ya pu: Nemotnang no, dalu iti genang sogo so, nemotnang, Nemot lo wawi go pung go. Nggano, nemotnang kaseglok pay no but go leguot genang sogo so, kukunan sik sogo nemotnang kua genang so? Koy nebleng kalik so boblon, Mot go dabui piam sik sogo teguey-a, nggano, dabui klum-a tra go, Mot go dabuipiam, nemotnang no dalu iti genang sogo ngga. ¹³ Seni so, Mot go tamot-tamot Abraham, Isak nggano Israel nogo ey, Mot se duing! Seni so, Mot tang so, nemotnang nogo tegadi dok, Mot tang go tang so ta mo nat go, ngga ey, nemotnang pu go: mot go duo-yap, Genam mea semu uttop kalik so. Nggano, nan ngge naklay, tegadi so dok go, ngge naklay mot go duo-yap sono, mea itak. Nemotnang tete sogo nan, duo no-duo no senang so gigit genang." ¹⁴ Nggano, Woy Wali Iram dabui ba u tra go, Nemot go blung nogo kudalu so duing go tang so ¹⁵ Ngga temu ey, meduim sik sogo, Musa iwot go li sogo so, demu pap namon ey iti go. Ki Wali Iram logo demu trui, nemot go ta no iti go. Demu pap nemot temoy no, sam ey gemang klik, idi-a idi klik go. ¹⁶ Demu pap namon ngga, Ki Wali Iram go kebali, nggano, sam so klik go ngga, Ki Wali Iram tang golo pung-sing go, demu pap ngga temoy no. ¹⁷ Ngga ey, suruakuon ngga go sek tup gono, Musa sono, Yosua lo pu go: "Bala sogo, ple pupung go klui, ngge tutup go!" ¹⁸ No, Musa lo pu go: "Ple pung go don ey suing go kluim kua. Nggano, ple don kua go sogo sek kua dali. -- sedue kabung lo way-way so kukluo go uusam, yangga genam lo tup tu go." ¹⁹ Nggano ku nemot dedagu se bala ngga sono nggano ikum sapi nok nggano ikum seduekabung usre so wata go, yang Musa go dabuipiam kangok so tra go; demupap namon ngga nemot go ta sik so betep go nggano meduim kemledon ngga no gemang kusuop-nawon. ²⁰ Ngga ey nemotnang lo pi go sapi nok ngga iti go, koy ba no puit go mesuop go yam so sung so lemoy, ngga ey blo sono bluim go nggano naklay-naklay ngga sedue kabung Israel lo gemang drop. ²¹ Ngga ey Harun sono Musa lo pu go: "Suruakuon ngge lo sogo kalik so mot nogo ne semu, ngga ey mot memotnang nogo kukluekon kebamling kangok go mo weng ne?" ²² No Harun lo wa go: "Aya dem sagui kua kong sang; mot tang go senong, seni so saula tang ngge tabat-a nemutegun. ²³ Nemotnang pu go genam no: Semu-a atnang n ogo ida, yangbanim temu sono nemot-a koklong sogo ngge Musa kua uweng go, imot nemot lo nan Mesir sik sogo wawi go pung go -- atnang kua senong sogo-a mo lemoy nemot nogo. ²⁴ Ngga ey genam lo pu go nemotnang no: Nando go emas gemang go nase sok-sing. Nemotnang lo genam sono iti go nggano genam lo koy ba sono betep go, nggano sapi nok-a gemang pung." ²⁵ Musa ikum go suruakuon ngge betu ba sik so pung go kuda nok kalik so -- seni so Harun lo nemotnang betui ba sik sogo mo plet-dak, e lemoy nemotnang go plesi go nebut pen so mo lemoy -- ²⁶ yang Yap bala yataput no Musa ip gono gemang pu-tenawon: "Nando Woy Wali Iram nogo sogo genam mit sono se weng-lak!" Ngga ey sedue tang Lewi nemot mit sono gemang yaluim-lak. ²⁷ Nemotnang sono nemot lo pu go: "Nggekalik so Woy Wali Iram lopu go, Israel go Ki Wali Iram: Ngge suey motnang nemotgo-nemotgo mengikatkantengan nemot go kui no se dok-sing nggano nge sono ngga sono se klong-weng kema yap ngga lo yatap meno sik so yatap meano sono, nggano itak go nemot go ntaton lo ntato adua-si yap dagu sogo se but-sing." ²⁸ Sedue Lewi lo Musa lo pu go kalik so gemang semu nggano pada hari itu tewaslah kira-kira tiga ribu saula ngga sik sogo. ²⁹ Ngga ey Musa lo pu go: "Nggeasui go ku sik so iti go mot Woy Wali Iram no kebali sesemu, nemotgo-nemotgo ey duo sedue denok ey kukunu-yap eygo lo seguot se iti -- yangga motnang nogo taiti iti genang nggeasui." ³⁰ Ngga utep go Musa lo saula ngga no gemang pu: "Motnang ngge kuklue kangok go mo semu, no nggeasui go genam lo mea klak Woy Wali Iram tegu sogo, kuklue konkebamling ngga sogo ngengam genang sogo ya usi balu." ³¹ Ngga ey tandali Musa Woy Wali Iram sono gemang klong nggano gemang pu: "A, saula ngge lo kuklue kangok go mo pluok, seni so nemotnang mo semu ida nemotnang nogo so emas lo me semu. ³² No nggeasui go, Mot lo nemotnang go kon ngga ya suep -- nggano kua go, genam go sui mot go sam ba no Mot lo klik go-a nase suep." ³³ No Woy Wali Iram pu go Musa sono: "Nando lo Genam nogo kon mo semu, sedue ngganemot go sui-a Genam go sam ba sik sogo mea suep. ³⁴ No nggeasui go se klong, saula ngge wawi go Genam lo mot no mo pu go sip ngga sono wawi go se klong; mea koklong Genam go tamot mot go suong temu nogo, no way iti genang sogo ku no nemotnang nogo mea iti nemotnang go kon sogo nemotnang no." ³⁵ Ngga kalik so Woy Wali Iram lo saulakuon ngga nogo dalu mea iti, nemotnang lo Musa pu go sapi nok emas lo semu go tang sogo so.