¹ Banu nagglik no pung Israel go tang nan Mesir siksogo mangpung,ku nganemot seguong no nemotang padang belantara Sinai nogo mang pung dali. ² Nemotang Rafidin sikso wenggo padang belantara Sinai no mang pung,ku munduim dagu bano. ³ Ngano Musa mang klak Kiwali Iram mitno,munduim nganemot sikso TUHAN nembut mangpen,nge Yakup go duo kabung no sepen ngano Israel nogo sepen dali. ⁴ Motang moikum Atdo smugo sedue Mesir nogo atdo yalu kut gono rajawali go tabang blolo motang wawigo nam mitno pung. ⁵ Nganemot sogoso,ngeasuigo,motang sni seguong so yakeng mo atdo pengo nembut no,ngano atdo tegadi dok go yai suei sosesuing motang atdo taut sueigo kalik malemoi motang saula-saula ei yakwa kerlam kuknan sringno-sringno atdo tamlok go. ⁶ Motang bangsa khusus malemoi-imam go kerajaan. "Musa ngganemot se pepen saula israel no. ⁷ Nggano,Musa wenggo mang usi sedue-sedue saula nganemot no sam klaut nemot no pengo TUHAN lo nemotang damoi so. ⁸ Nemotang naklai-naklai wanenawon go no mang yang,Kiwali Iramlo pengo sam klaut nga genam nang makeng. " Musa tandali TUHAN sno mangpen nemotang go nembut pen nemot. ⁹ TUHAN mangpen Musano,ikuma,genam maweng motmitno gum kangok go balo sedue kabung israel tup sgo genam motdei nembut sepepen go nganemot sgoso nemotang makeng mot nogo,ngano Musalo saula nga nemogo nembut TUHAN sno mang pen. ¹⁰ TUHAN mang pen Musano," Seklong saula nga mitno nemotang go piam se suep ngeasui goei utep goei,ngano itak go nemotanggo amka nemotang so seulu. ¹¹ Ngano,seiplak lu nangglik sogo ku nangslik nemotno,TUHAN maweng munduim sinai sikso saula nga nemotang go nemudamoiso. ¹² Mot sang setui saula nganemot nogo nemotang mitlo setuguot ngano sepen,yaisesuing,motang munduim ngenemot nogo kwaklak ngano sang tuigonog kwa kling, nandolo sang tui gono kling nemot ma kebong. ¹³ Talogo kling nga nemot dmulo mabut kwago ple lo mabut,yakwa kuoi sedue kabung ngei menai ei,makwa wali,ngano trompet mo u walong so,ngano munduim nganemot seklak. ¹⁴ Musa mang li munduim ngablo siksogo nga nemotang mitno saula nganemogo konbu mangsuep,nga no nemotanggo amka bu mang ulu nemotangso. ¹⁵ Ngano,nemodo mang pen saula nga nemot no,Se iplak kunangglik no kabe pung,kabung ngei go sadui kwa knok/ka meakwasmu. ¹⁶ Ku nangglik no,wadi kwa sni,ku kluim ei,kujop bei,gum kangok so munduim nganemot blo nogo. ngano tup trompet kluim kangok dega sniso sedue kabung kema basogo bubong ngei tra. ¹⁷ Musa lo saula nga wawigo mangpung kema basik sogo Kiwaly Iram ei tugu sogoso nemotang munduim masibano mang iplak. ¹⁸ Ku nga nemotno,munduim Sinai koi ndop lo kaiso kibet ngano TUHAN mangli koi ndop balo yap tenso suisuik go basik so. Munduim bubungbaso. ¹⁹ Trompet ugo kluim seguai go sikso sekekangok,Musa lo membut Kiwali Iram sno penpen nemodo wai pendali Kukluim balo. ²⁰ TUHAN mangli munduim SInai no,Munduim kalong blono,nga sikso mang usi TUHAN. Musa klak sogo ngano Musa mangklak. ²¹ TUHAN go nembut kluim MUsa nogo,mmot ligono sepensaula ngane mot nogo,motang tangso kwa usie TUHAN ikum sogo sedue kabung mataso piam-piam go blono mabetep. ²² Nga dmusung sopuipuit ganogo pendali Kiwali Iram dagu sono kwa klong mugo konsuep go kwa goso mot TUHAN go koi lo kuim ei go. ²³ Musa lo TUHAN no mangpen,"Saula nga munduim nogo kwa idak motang so mopen gonogo atang no, Mugo nembut kluim, seikum nemogo sangmotuigo nganemot yai sesuing. ²⁴ Ngano TUHAN lo mangpen nemotno,Ligono seklak tandali, mot dei Harun nei kerlam so,saula nga dmusuing so puipuit goei nemotang so kwa usei TUHAN mitno wengsgo nemogo koilo nemotang kuim eigo. ²⁵ Musa mang li saula nganemot nang nogo penso tap-tap nemot.