Mang Snun go nglanginlo Pengo

¹ Jitro dmusung koiso puipuitgo Midian no,Musa nemogo snumgo nglangin,tupgo Kiwaly Iram lo smugo Musa ei Israel eigono nemot no konggo,TUHANlo Israel wawigo pung Mesir siksogo. ² Jitro,Musa nemogo snungo glangin nga,nemogo snun Sipora ei wawi go nemot dei wenggo,banim wawi go klonggo. ³ Nemogodanon namon ei,meno go sui Gerson,Musa lo mang pen genam nge ket sikso wenggo duo menogo sip so kabe suisuing. ⁴ Danon menogo sui Elieser,ngano mangpu, Kiwaly Iram Ago Ayah nemodo genam tap mia taling genam maplet Firaun geplekalong siksogo. ⁵ Jitro,Musa nemogo snungo nglangin,Musa nemogo danon namon nei nemot namon go sunun nang nemot ei mang weng padang belantarano sip nga nglangin kema gono Kiwaly Iram go munduim dabui bano. ⁶ Snun go nglangin lo nembut mang betep Musa no,Genam Jitro,mugo kabung go Ayah.mot sno mangkeklong mugo kabung nemotdei ngano mugo duo sedue dnok namon nemodei. ⁷ Musa mang pung glangin siomasi tugu sgo,ngano tugu go susubu wit go ngano nembuem kuong mang tebok,ngano mang usi motang suei sosuing mot nge sogo suei so suing dali,ngano nemotang wawigo tenda bano mang dugut lak. ⁸ Musa lo mang pen Jitro sno,sunun go ngla ngin sno,TUHAN lo tasam-tasam talinggo Firaun nogo Israel sogoso,ide keba kangok so trago nemotang lo tap masi TUHAN logo tangso nemotang sueiso kabe pung. ⁹ JItro dabui yakai kangok somang tra sniso TUHAN go klum kangok Israel nogo nemodo Mesir go taba siksogo kabe wawigo pung. ¹⁰ Jitro lo kabe pu,"Taiti suei TUHAN nemodo matang taitakgo Mesir go tasik sogo ngano Firaun go tasik sogo saula nge sang wawi go punggo mesir go siksogo. ¹¹ Ngeasui go,genam kabe mo snung tu TUHAN nemot kangok dega ilah ei kwa kerlam,nganemot kalik gonogo,nemotang waidong kangokso yakwa rup. Kiwaly Iram smu kabung Mesir go tasam angkuh kabung Israel no. ¹² Jitro nglangin sgomasi,nemogo taiti itigo puit nangsogo Kiwaly Iram nogo ngano,Harus mang weng sedue sni-sedue sni Israel siksogo ei nemotang Roti kerlam-kerlamso Musa nemogo snumgo Ayah ei Kiwaly Iram go nemukuno madam. Kuoigo

¹³ Ngawiteo,Musa suinggo saula nganemot mang adili,nemotang Musa mitno ipgo wadi kwa go sikso kaiso woi asut. ¹⁴ Ngano nglangin siomasi ikumgo nemodo tasam nga talinggo saula nga nemot nogo,nemodo mang usi, 'Mot sogo kalikgo tasam taling tegoi saula ngenemot nogo? saguso mot seguong nga kuno suing ngano saula nga motda pugo nemotang wadi kwa gosikso ipko woi yasut?

¹⁵ Musa lo mang pu ngangin somasino,saula nge genam mitno wenggo Ki Wali Iram wet so. ¹⁶ Nemotang nembut sagui mosmu mo,genam mit sno maweng genam lo nemotang ma hakimi,ngano genam mapen Kiwali Iram go nembut kluim ngano sang-sang nemodo tuigo mapen nemotang nogo. ¹⁷ Nglangin siomasi lo mang pu Musa no,mmodo tasam nga smugo suei kwa. ¹⁸ Mot sai sukgei ma lasu,saula nga nemot dali,nge ide kangok mada banom ga yakwa smu. ¹⁹ Ngeasuigo mot genam no setup,genam mot nogo tap mapen silu,Kiwaly Iram modei kerlamso maklong,mot nemodei sekeng nemotang Kiwali Iram mit no klongso mo saula ngenemot nemotanggotasam piamgo nemotangso mapen. ²⁰ Ngano mot nemotang no sepen tap-tap klong genang ngano sang-sang tuigo. ²¹ Sedue kabung suali kangok so trago Kiwaly Iram nogo,ngano kedaso makeng nganemotda sekuoi saula nganemot,sedue kabung dabui sueigo,wem kwa go,temung kuoi go ingkabui nangso seribu yamso,nemotanggo ingkabui seratus yamso,ingkabui lima pulu yamsoma,ingkabui sepuluh yamso. ²² Kunagono nemotang mahakini nemogo tangso. Plesagui kangokgo semu goso seweng mot mitno,nembut sagui go nemogo tangso seadili. ngenemot kalik mo smu ide keba ngenemot kerlam so malekgo kelong. ²³ Motang lo ngenemot kalik mosmu keta Kiwali Iram go nembut maweng motang nogo nganemot kalik,motang kebali ngene mot suei so masmu kelo motang mogosip-mogosip nago dabui yakai ei maklong. ²⁴ Musa lo kebali semu wongo nemogo nglangin somasilo pengo kalik sni. ²⁵ Musa lo sedue Israel kunala kangok go seguonga mang kuoiwon ingkabui nangso; ingkabui seribu yamso,seratus yamso,lima puluh yamso,sepuluh yamso. ²⁶ Ku nagono nemotanglo saula nganemot mahakimi. tabat kangokgo smu gono ma wawigo klong Musa mit sno,nembut sagui seguai go nemotang so mapen. ²⁷ Walong kwa,Musa nemogo aiso masi mang kelong,Jitro mangklong nemogo negeri sno.