¹ Ngenemot kabe nembut kuden so tegadi dokgo,tapklunggenang,takebali smugenang TUHAN,Waly Ayah mugo,takebali nemot no sekeng nemogo negeri nogo,sip nogo no motang klongso mo ngano nagono suingso mo. ² Ngano matang yagui-yagui susuinggo mugo duo nang domdat yap eigo,TUHAN,Waly Ayah mugo no motang setup nemogo nembut kluim tegadi dokgono-Nemodo tap talinggo nga imotno mopen go,ngaso imgo wali walongso maklong. ³ Ngasgoso setup hai motang sedue Israel,takebali nganemot kalikso sesmu dabuilo,ngasgoso motang sueiso maklong,ngasgoso motang ma miyan,ngamtang no TUHAN,Waly Ayah imgo babu asi lo,imot nogo,imgo negeri nga susu ei madu ei golo damoi ei tram go. ⁴ Kama setup,hai sedue Israel.TUHAN,nga imgo Waly Ayah,TUHAN nga Esa! ⁵ Klum siti/setaling TUHAN,Waly Ayah mugo nogo dabui lo seiti ngano mugo yuku ei,ngano mugo saisuik basgo don naklai. ⁶ Ago nembut pengo motang nogoso,ngeasui go kuno motang sueiso seikum. ⁷ MOdo nemotang senguok tandali-tandali mugo duo nang nogo sepen yapbano jaso susuinggono,nagono mot nagono mot usne basikso bonggo nogo. ⁸ Nganemot mugo tano sedok tataling nangso,ngano nganemot lambangso selemoi mugo suong don no. ⁹ Ngano seklik yataputno,ngano dinyataput so tegakgono. ¹⁰ Nagono mugo TUHAN,Waly Ayah lomot mo wawi,go klonggo negeri nga Nemodo pengo itak go,tegadi yakub,no iti genang sogo kota-kota kangok ngano suei go,nga motang logo yakwa klik. ¹¹ Yapba naklai-naklai,wulong suei-suei sgo seguong ya mata,modo makwa ta,bu mu-bumu modo makwa tuet,usu-usu anggur,usu-usu zaitun,modo kwa kwaligo,ngano mot madam mo kaiso nuei matemoi. ¹² Ngasgoso sueisose,mot TUHAN,kaieigo,nga motang so wawinggo punggo Mesir sikso,yap nga motso budak go siksogo. ¹³ Mot suali setra TUHAN,Waly Ayah nogo,nemot sno dewi sepu ngano nemogo-suino mot se sumpah. ¹⁴ Motang allah menono kwa keng,allah saula-saula nga motang dagusgo. ¹⁵ Nga imgo TUHAN,Waly Ayah imgo,Waly Ayah nemot cemburu motang nesip so mang,TUHAN go dabu piam so kwa smu Waly Ayah mugo,motang mugo baso mang,tangngei ma buin kuknan blono. ¹⁶ Dabui piam tasam kwa smu TUHAN nogo Waly Ayah mugo nogo nga motang lo tasm masa no smugo kalik go Nemot no. ¹⁷ Motang tasemulok nemugo nempen no,ngano tegadi dokgo no TUHAN,Waly Ayah mugo lo,nga mopengo-itak go motang no. ¹⁸ Takebali nemot sesmu nogo suei go TUHAN go nemukunogo,ngasgoso mugo sueiso maklongnga motang madugut go ngano masuing negeri nganemot nogo,TUHAN no,mopengo yakwa-kwa motanggo babu asino. ¹⁹ Nga sgoso mang yat yamso,sedue kabung nga motang sgo dabui piam eigo,TUHAN no,Nemogo pengo kalik. ²⁰ Nagono yansigo mugo duonang lomo usimo motang no.Nagono snungnang sgo,tegadi dokgo ngano tap klong genang nga mo pengo motang no,TUHAN,Waly Ayah imgo lo?' ²¹ Mot sepen mugo duo nang nogo:Genam nang nanimgo Firaun go budak Mesir nogo,no TUHAN lo genam nang kabe wawigo pung Mesir siksgo nemogo tadon kongokgolo. ²² TUHAN no tasam-tasam talinggo ngano mujizat-mujizat kangok go talinggo,Mesir ei piam blosno tegago,Firaum nogo,ngano nemogo yap tengelam nogo,genam nanggo nemukuno. ²³ No genam nang ya kabe wawi go pung nga siksgo,ngano imot wawigo dugut go ngano imot no maiti negeri nga mopengo tegadi ei dokgo imgo babuasino. ²⁴ TUHAN,Waly Ayah imgo,mopengo imot nemogo nembut no kenggenang,ngasgoso mot sgoso imgo suali matra Waly Ayah imgo mogo,nganemot sgoso imgo wali suei so maklong,wali so ngeasui go kalik . ²⁵ Ngano imot suei so malemoi,omodo nemogo nembut kluim nemot suguong no naklai mokeng mo sueiso,TUHAN,Waly Ayah imgono,nga nemogo-Nembut penga kalik imot no."