Pasal 7
Waly sgo kalik yasuing nan Kanaan nogo
1
Ngano TUHAN,Waly Ayah mugolo,mot ma wawigo klong negeri no,nagosno motang klong,sip nganemot no suing nangso,Nemodo saula-saula yamso tigiligo,motang go nemu kusik sgo,nganemot,sedue Het,sedue Girgasi, sedue Amori,sedue Kanaan,sedue Feris,sedue Hewi,ngano sedue Yebus,saula nganemot taiji naklai ngano taiji glang namon,nemotang mataso ngano don kangok,motang eiya kwa kerlam.
2
Ngano TUHAN,Waly Ayah imgo,nemodo itigo nemotang motanggo tasno,nganogo motang lo mang but nemotang,ngasno setuk yamse.Mot nemotang eigo tegadi kwa dok ngano nemotang nogo klum kwa tra.
3
Ngano nemotanggo sefue kwaiti ngano kabung kwaitidali mogo duo kabung denok nemotanggo duo sedue denok no kwa dok ngano motanggo duo sedue denok memotanggo duo kabung denok no kwa dok.
4
Nemotang lo smugo mugo duo genam nogo makwa keng,ngano nemotang dewiilah menono makeng.Ngasikso TUHAN go Tademun matra nemotang nogo,ngano nemotang Ado tang ei mabuin kedaso.
5
Ngasgoso ngekalik sesmu nemotang nogo.Nemotanggo mezbah-mezbah nga sno setruong,nemotanggo tugu-tugu nga sno se remuk,nemotanggo yap di nali wa bu no glokgo nga sno se kusop,ngano nemotanggo patung-patung ngasno koi lo sepuit.
6
Motang nga TUHAN go kudus go mugo Waly Ayah nogoso,TUHAN,Waly Ayah lo motang ya kuoigo,saula-saula kwa,motang sgo-Nemot klum kangok.
7
Motang nge miyam kwa,saula-saula ei kwa kerlam TUHAN go dabui motang no iti,nga sgoso motang ya kabe kuoi,motang nge seguai,saula-saula ei kwa kerlam!
8
No,TUHAN motang no klum trago ngano nemogo-Nembut tegadi dokgono nga moikrar-go babuasi mugono,ngasgoso TUHAN no motang mang wawigo pung,nemogo tadon kangok go lo,ngano menebus motang yap budak siksogo,Firaun go tasik sgo,Iryam Mesir siksgo.
Nembut Pen Tuigo Itak go Taiti nang sgo
9
Ngasgoso,motang sesnung,TUHAN nembut,Waly Ayah mugo,nemot nga Waly Ayah,Waly Ayah tayakwa itak,nemogo Nembut penogo ngano nemogo klum kangok go ngano tase molok nemogo-Nembut pen no tamolok go nemogo duonang beribu-ribu turunan no goei mapung.
10
No,sedue kabung motang ngenemot dabui piam motra Genam sgo,tadmun mabut nemot nogo,nemot makwa ikum nga nemot sgo ei piam duinggo,nemogo tademun mabut sedue nganemot nogo.
11
Ngasgoso nemogo nembut pen no no tasemulok,nemogo tegadi dokgono ngano tap-tap talinggono,nga mopen go nemodo takebali nganemot sesmu.
12
Malemoi,motang motup go nembut pen tap klong genang,ngasno mokeng dabui lo mot nogo TUHAN,Waly Ayah imgo,tasemulok nemogo nembut pen no ngano taiti-nembut siksgo,nga mo ikrar go-nogo ngano tegadi dok,nembut pen ei babuasi no.
13
Nemot taiti maiti mot nogo,ngano klum kangok ngano motang ma miyam,mugo duo nang nogo taiti maiti ngano mugo usu,gandum,anggur,minyak,lembu sapi no,kambing domba,maiti nan nga motang no mopugo,tegadi ei dokgo motanggo babu asi no motang no iti genang.
14
Motang nogo taiti ma iti saula menoei makwa kerlam sedue kabung duo kwa go yakwa ikum,naklai-naklai duo ei nemotang manai nemot kalik.
15
Kusadui wenggo TUHAN lo ketsno maya motang siksogo,kusadui nga mot maning Mesir so susinggo no,mot trago nga kalik go tandali mot nogo yakwa weng no.Nemodo maiti/taling sedue kabung nga mot no piam so smugono.
16
Motang ngasno seyat saula-saula,nga motang sno itak go TUHAN,Waly Ayah mugolo,nemotang nogo klum kwa tra,ngano nemotanggo allahnogo dewi kwapu,nga motang so tegan mang kuduik mot kunung nangso nemot no.
17
Nagono modo mapu mugo dabui balo,'Saula ngenemot mata dega sgo be,genam nang kwa,genam logo nemotang sgo kalik ya yat?'
18
No,mot suali kwa tra nemotang nogo,seduing TUHAN,Waly Ayah lo sgo kalik smu motang no talinggo Firaun ei yakna sedue Mesir eigono.
19
Sesnung,tasam-tasam kangoko,nga motang go nemusui lo ikum go,tasam-tasam ngano mujizat-mujizat tadon kangok go ngano yalu wik go TUHAN,Waly Ayah mugolo snugo,saula-saula nga modo suali tra gono.
20
Ngano,TUHAN,Waly Ayah mugo,tama itak tabuhan lo nemotang matruik,yamso tang ei mabuin nemotang sedue kabung nga maning susuinggo ngano mot ikum ei goso nga banoson go.
21
Mot bubong kwa king nemotang ikum go sgoso,mugo TUHAN,Waly Ayah mot nesip baso mang Waly Ayah nemot kangok ngano dahsyat .
22
TUHAN,Waly Ayah mugo lo mayat saula-saula motanggo nemuku siksogo,seguai,seguaiso,modo nemotang mataso naklai kwa but,ngakalik go manai duen basik sgo mataso malemoi motang mata kwa go.
23
Nganemot kalik ma TUHAN,Waly Ayah mugolo nemotang mugo tano maitak ngano nemotang bano klasok-klasok smugenang sgo maiti,ngasikso nemotang tang ei mabuin.
24
Nemotang Iryam motanggo tasno maitak.Motang lo nemotanggo sui masuep kuknan blonogo.Nemotang tang ei mabuin.
25
Tasmu-tasmu nemotanggo motang lo koino sepuit,perak,emas,nemotanggo motangemu kwa ikum ngano kwaiti mot nogoso,mot nganemot sikso tegan dok geigo,tasam ngakalik go TUHAN,Waly Ayah mugo nemogo nemukuno go quisi relam ei.
26
Mot sgo-sgo quisirelom ei go yap bano kwa itigo dugut mot nemotang kalik so makwa yamso,mot sni-sni so nganemot sgo pegop go kalikso seikum,tasam ngakalik goso smugo nga yam ma luguot.