Pasal 5

tanamon Yamsgo Sam Kalut

1 Musa sedue kabung Israel naklai-naklai pengo mang pulep ngano mang pu nemotang no,"Setup,hai sedue Israel,tegadi dokgo ngano tap klong genang,ngeasui kabe pepen motang tup genang,motang seikum go snung sgo,tap masi nganemot keng sgo dabui lo. 2 TUHAN,Waly ayah imgo,nemot nembut Tegadi modok imo dei Horeb no. 3 Imgo babu asiei kwa TUHAN Nembut nga dokgo,imodei 4 TUHAN nembut pengo imgo nemukuno mapen munduim no ngano koi nesip no. 5 Kunganemot no genam ipgo TUHAN motang nganemot nesip no ipgo TUHAN go nembut pen sgoso motang no,motang koi sgo suali eigoso ngasgoso munduim nogo kwa klak ngano nemogo Nembut nge kalik, 6 "Genam nge mogo TUHAN,Waly Ayah mugo,ga motang so wawigo punggo Mesir sikso,sip nganogo,motang kebali kangokso smugo. 7 Kwa smu motangllah meno-Ago nemukuno go. 8 Kwa smu sedue di logo,dmulogo,susuwit nang.Ut blosgo ngano kuknan blologo,ngano buba logo. 9 Nganemot no susu bu kwa wit,ngano nemot no dewi kwa pu,genam nge,TUHAN,Waly Ayah mugo,nemot Waly Ayah cemburu tasam wai ei wot,ayah go piam nemogo du nangsno maiwot.Ngano nemogo tang nagglik titeno ngano nemogo tang namon-namon titeno nga sedue kabung genang sgo dabui piam kangok go. 10 No genam lo motang no talinggo klum,takwa itak,sedue kabung beribu-ribu nogo,nganemot sedue kabung nga genam nogo klum kangok go,ngano-Ago Nembut pen no ta mulok go. 11 Kwa pen TUHAN go sui,Waly Ayah mugo,tebali-tebali TUHAN no mot nogo piam so maikum,sedue kabung nga Nemogo-Nemut tebali-tebali pengo. 12 Kwa kai jaesesuine sabatku,nga mugo TUHAN,Waly ayah mugo lo pengo. 13 Ku taiji naklai ngano taisijo klaya motang kebali smugenang,motang go kebali naklai-naklai. 14 Ngano kutaiji naklai ngano taijiso glang namon,nganemot kusabat TUHAN,Wa Ayah imgo.Ngasgoso mot kebali kwa smu,mot,duo sedue denok,ngano mugo duo kabung denok,mugo hamba kabung .Ngano sedue mugo lembu,ngano mugo keledai ngano mugo hewan nago kalik go,ngano sedue ketsiksgo nga modei susuiggo.Ngano hamba sedue kambing nemotang jasesuing mot kalik. 15 Mot kunala seduing,mot banimgo Mesir sgo budak mot ngasikso wawi go punggo TUHAN,Waly Ayah mugo lo mot sno pengo kusabat jasesuing. 16 Mugo Ayah mia nogo susu bu sewit,sgo kalikso pen mot nogo TUHAN,Waly Ayah mugo lo,nga sgoso mot mogo wali walong so maklong.Ngano mugo wali suei so masuing kuknan TUHAN lo mot no itigo nogo Waly Ayah mugo lo mot sno: 17 Sedue kwabut. 18 Kabung iti itak so kwa smu. 19 Wom kwa smu. 20 Sedue kabung menosgo nembut iwot kwa pen. 21 Sedue nemogo sunen sgo dabut kwa ijob,ngano nemogo yap sgo kwa hasrat,nemogo usu,ngano nemogo hamba sedue ngano hamba kabung,ngano nemogo lembu,nemogo keledai,naklai-naklai. 22 deguo teguop TUHAN lo pengo,nemogo sedue kabung naklai-naklai blono.Nemogo Nembut kluim kangokso munduim no,koi nesip basikso gum ngano kuklik balo,meno kwa tebok-Nemot nogo.Nemodo klikgo naklai demu lo namon no ngano kabe iti genam sno.

Sedue Israel Suali Kangok TUHAN Weng sgo
23 Motang nembut motup mo kuklik go nesip basikso ngano munduim ngablo sgo koi maning bubulon,no mot,mugo ondoapi ngano sedue-sedue sni genam mitno seweng. 24 Ngano sepu,"Sni seguong so TUHAN,Waly Ayah imgo imotsno talinggo nemogo nemblong ngano-Nemogo kuasa ngano nemog-Nembut,imot koi nesip basiksgo ei tup go,ngesui genam nang kabe tup,Waly Ayah sinog gei go nembut pengo,ngano sinok waliso mo susuing. 25 Nongeasuigo,sgo kalik goso imot yakebong! Nga koi kangok go ngalo imot makuim,imot walong so TUHAN go Nembut motup mo,Waly Ayah imgo imot ma kebong. 26 No,sinok nagoya ngalikgo mang Waly Ayah go nembut kluim ei tup go Waly nemodo nembut pengo koi basikso,imot be wali go? 27 Dagu sno se motang ngano setup sgo-sgo pen genang TUHAN,Waly Ayah imgolo,ngano modo sepen genam nang nogo,nembut sgo-sgo pengo motno TUHAN,Waly Ayah imgolo,genam nang tupgo ngano makeng. 28 Ngano TUHAN tupgo nemotang go nembut pen nemot,modo sepen genam nang nogo,ngano TUHANgo nembut mang weng genam nogo,'Genam motup saula ngego nembut nga nemotang lo pengo mot sno,naklai-naklai nemotang lo pengo nga suei. 29 Nemotanggo dabui nganemot kalik seguongso se,Genam nogo suali setra nganoAgo-Nembut pen nota semulok,nga sgoso motang suei so sesuing ngano nemogo duo nang nogo yagui-yagui. 30 Klonggo nemotang no pu tandali klong kemah sno. 31 No motang wisisoip ngano genam mang mitno,no genam motang sno kabe pen nemogo nembut pen,sniso,tegadi dokgo,tap talingg genang,genam lo ma taling nemotang no,nemotang nganemot no keng sgo,negeri nga Ado nemotang no itigo nemotang go sipso lemoi go.' 32 Takebali nganemot sesmu dabui lo,nga motang no sgo kalikso pen TUHAN,Waly Ayah imgo,motang masi masi takali.Tasemelea ijisno kwa gualing. 33 Tap masi naklai,nga sgo kalik pe motang nogo TUHAN,Waly Ayah mugo lo,nganemot kalik so se smu,ngase motang ma wali,ngano motang wali walong so masuing,ngano genam lo motang no iti gonogo.