¹ No,ngeasui go,hai sedue Israel,setup tegadi dodokgo ngano,nembut nemot no kenggenang sgo,genam motang no matalinggo motang nemogo takebali no sekeng,nga sgoso motang ma wali ngano motang madugut gono masuing negeri nganemot motang sno maiti TUHAN lo Waly Ayah mugo babu asi. ² Motang lo go ei kwa tebok Ago nembut pen nogo,nga motang sno itigo ngano nembut temung kwa itak/kwa tonggo itak,nganemot sgoso motang ta suei so ma mulok TUHAN go nembut pen no Waly Ayah babu asi mugo,nganemot sgoso genam mang pen motang nogo. ³ Motang go nemu logo moikum TUHAN lo nemogo tasam talinggo Baal-Peor sgo,TUHAN nemot,Waly Ayah mugo,tang ei mabuin motang nesip siksogo sedue kabung naklai nga Baal-Peor no kenggo. ⁴ Motang naklai nga TUHAN no kenggo Waly Ayah mugo,maning masuing ngeasuigono mapung. ⁵ Seduing,Ado talinggo tegadi dokgo ngano takebali smu,genang,nga genam no sgo kalikso pen TUHAN,Waly Ayah imgolo,motang nganemot kalikso se smu,mugo negeri so susuinggo,motang nga basno dugut go no masuing nganemot no. ⁶ Takebali nganemot dabui lo se smu,nganemot bano mot nogo duduing suei go mapung ngano kunala suei go ma wenggokok mataso,saula-sauala go nemukuno,nga kunganemot nogo motup go Ago tegadi dokgo ngano pugo,'Sniso saula kangok go nge nemotang go kunala kangok.' ⁷ Saula kangokgo nogo,nemotang allah imgo kalik go,daguso imgo TUHAN,Waly Ayah imgo,kuno-kuno imodo mot -Nemot sno usigo! ⁸ Saula nago mang nemogo nembut tegadi eigo ngano tap-tap klong genang sgo ei pengo kaiso,tegadi dokgo bano,ngenemot motang sno kabe tetaling ngeasui goku kuno motang blosno. ⁹ No,suei so seklong danggo-danggolo,motang tap masi keklong go nga mugo nemulo ikum go nemot kai ei go nganemot nega eigo,mugo duduing basiksgo yagui-yagui.Mugo duo nang nogo sepen,ngano mugo domba yap nogo nemogo duo nang nogo. ¹⁰ Ngeasui go imot TUHAN,Waly Ayah imgo mitno ipgo Horeb no,ku nga TUHAN no nemogo Nembut Wenggo genam no,'Pugo saula nganemot ngeno sepulep-Genam mitno,genam nemotang nogo maiti-Nembut kluim-Ago ,nga sgoso nemotang ma suali-Genam nogo,motang maning kuknan bloso susuinggo. ¹¹ Ngano motang dagu no seip ngano seip munduim masi bano,munduim nganemot koi ei blon go ut blo snogo ei klak kuklik balo,gum ngano kuklik. ¹² Ngano nembut TUHAN go mang weng nemot sno koi nemblong basikso,nembut kluin pen goei baisotup no,nemogo saisuk yakwa ikum,nembut kluim ya matup. ¹³ Ngano,Nemodo mangpen motang no tegadi dokgo-Nemogo pengo motno takebali nganemot sesmu,nganemot kesepuluh sam klaut ngano Nemodo klik godua loh batu/dmu loh namon ei gono. ¹⁴ Ngano kunganemot nogo,genam nogo TUHAN no pugo motang no taling nang sgo,tegadi dokgo ngano tap klong genang taling sgo,motang nganemot kalik sekeng motang go negeri so susuinggo,ngano motang nagono klonggo motang sip nga nemotso susuinggo. ¹⁵ Suei so sekeklong,motang kwa yukumgo nemot kunga TUHAN go nembut wenggo motno Horeb no koi blon go nesib basik sgo. ¹⁶ Motang tasam pugop go kwa smu,ngano motang patung/tasmu-tasmu takokong genang kwa smu,kabung kalikgo ngano sedue kalikgo, ¹⁷ nganemot no manai kuknan blolo keklonggo kalikgo kwa smu,ngano winok tabang ei go blolo plinggo klonggo kalik go kwa smu. ¹⁸ Menodali manai dabui katik go kuknan,,blologo,ngano dasi bu balo klonggo. ¹⁹ Ngano mot mugo nemu ut blo snogo kwa yalop mot woi moikum mo,banu,top plesedue ut blologo,mot ma sesat go nemot no susu bu mawit nemot sno,nga itigo TUHAN,Waly Ayah mugolo,saula nemo nogoso kuknan so susuinggo nogo,nganemot nemotang tite sgo. ²⁰ TUHAN lo motang Wawigo,motang wawigo punggo dapur peleburan besi siksogo,Mesir sikso,nemogo umat-Nemot titesgo,nga ngeasui go mang lemoi. ²¹ TUHAN go murka mang weng genam nogo nga mot sikso,ngano nemodo mang sumpah,genam bu Yordan yakwa suei,ngano yakwa dugut negeri suei go nogo,nga TUHAN,Waly Ayah lo iti go nogo,negeri suei go nogo,mugo so lemoi genang sgo. ²² Genam negeri ngano ma kebong bu Yordan suego nga snogo yakwa pung,no motang masue bu Yordan ngano sip suei gono mapung. ²³ Suei so se,motang kai ei go Nembut tegadi dok go TUHAN,Waly Ayah logo,nga-Nemodo mo dokgo modei,patung kwa smu,TUHAN,Waly Ayah lo sang motuigo kwa smu. ²⁴ Sesnung TUHAN,Waly Ayah mugo,nemot nga koi kalik yamso makuim,Waly Ayah nemot cemburu. ²⁵ Nagono mot duo motui ngano domdat yap motui ngano mot yamso sedue sni,kabung naloso molemoi mo mugo negeri no,modo tasam pegop ko mosmu ma ngano patung mosmu mo,ngano tasam piamgo mo smu mo TUHAN,Waly Ayah go nemu kuno,mugo tasam sikso-Nemogo dabui sadui tra eigo. ²⁶ Ado ut dei nan ei usigo saksi so malemoi mot no ngeasui,motang yamso tangei mabuin,nga negeri na gosikso motang wenggo,motang nganogo walong so yakwa suing kedaso ma kebong,ngano motang tang ei mabuin yamso. ²⁷ TUHAN no mot maiti saula-saula sno,ngano motang nangligei maitak,motang TUHAN no motang maitep. ²⁸ Ngano,motang Genam nogo dewi mapu,sinokgo talo smugo,dmulo,nga yakwa kwaikum go yakwa tupgo,ten yakwa damgo,ngano nemon yakwa dop go. ²⁹ Ngano motang TUHAN sewet,Waly Ayah mugo,ngano se-tugu ,modo usigoso nemot sgo dabui lo ngano mugo ikulo. ³⁰ Daklai-daklai imot no sgo-sgo lemoi eigo utep,napu nga sgoso mot ma uwet TUHAN sgo,Waly Ayah mugo sgo ngano nemogo-Nembut tupsgo. ³¹ TUHAN,Waly Ayah mugo nga Waly Ayah klum kangok go,nemodogo yakwa itak,ngano motang tang ngei yakwa buin,ngano nemot yakwa kai-Nemogo tegadi modok gonogo.Ngano sumpah ei mosnugo babu asi motang gono. ³² Usia ut sring no-ut sring temung no,banim go snong,mot kwa gonogo,Waly Ayah sinok kuknan blono smugo,mot kwa nganemot nogo sgo-sgo kangok go lemoi,meno dali sgo-sgo kangok go nga kalik go. ³³ Saula meno man tup ilahi go nembut,nga nembut pengo kok nesip basikso,nga modo tup go,mot kabe wali go tegoi? ³⁴ Ngekalik go mang lemoi allah meno wenggo mot nogoso yatrang itigo saula meno itigo saula temung nesip basiksgo nemogo tasam-tasam ei,tataling,mujisat-mujisat,ngano plepunggo,nemugo tadon kangok go ngano yalu don kangok go lo ngano takebali-takebali kangok go,nga TUHAN,Waly Ayah mugo lo smugo Mesir no,mugo nemukuno. ³⁵ Mot no itigo nga mot ikum nang ngano ma snung sni so TUHAN,Waly Ayah temung kwa Nemot klaya seguong. ³⁶ Ut blosikso-Nemodo nembut pengo motang kaiso tup nemogo Nembut kluim motang taling genang sgo kuknan so suingg go nogo,kuknan no-Nemodo koi kangok go ya mang iti,ngano-nemogo Nembut mot tup go  koi nesip basikso. ³⁷ Nemogo klum kangok imgo babu asi nogo,nga sogo nemogo tang ya kabe kuoi,nemodo goso kabe wawigo pung Mesir siksogo,-Nemogo yalu don kanggolo ngano-nemogo takangok golo. ³⁸ Nganemot sgoso saula-saula kangokgo ma itili ngasno ngano imot waijigo nemogo negeri no modugut ngano sip nga nemot mugo sip so malemoi,ngeasui go be negenemot kalik. ³⁹ Ngasgoso,ngeasuigo sesnung,ngano seduing sueiso sni seguong so TUHAN Waly Ayah ut blo sgo,ngano kusgo kuknan blo sgo,meno-meno kwa. ⁴⁰ Tase mulok nemogo tegadi dok gono,ngano nemogo-Nembut no nga Genam lo pengo ngeasui,nga sgose mot wali walongso maklong nan nga TUHAN nomot nogoso itigo TUHAN,Waly Ayah mugo,mot nogo yagui-yagui.