Piewo Keklasok Sikabung Basan ey ¹ Ngga sikso,Tmot tandali iwot gano basan sno mea klong. Og tram basan kerlamso nemogo blung ey pung go naklay way kong nang tmot dey pleno pung so ediey no. ² Kiwali gemang pen at no, Suali kua tra nemot nogo atlo mea ti nemot kerlam so nemogo blung nang ey gano nemogo kuduen ey motnang negoso nase semu kerlam sungong nemotnang nagoso,motnang lo mo semu go kalik so Sihon nogo so,iram Amori Hesybon so suisung go. ³ Imgo kiwali,kumam og moiti,iram Basan. nemogo blung ey naklay iwotlo nemot nang don kua go so mo semu,gaey kua itak klaya nang waii suing go. ⁴ Ku ngga nemot no tmot lo mea sengan naklay nemogo kota,klaya nang kua itak ga sogo kota nang,bokota gemang nan Argob sogo,tap Og,Basan sogo. ⁵ Kota naklay ge nemogo tema demu walong degasni,yataput kangok ko ge nemogo sebendi daguin kangok,kabuit nggalo,kota miam miam dega so go ngga tema demu kua. ⁶ Imot nase tuk blung naklay Sihon no semu go kalik sos iram hesybon. Imotlo naklay setuk gano sedua dnok ngga ba dali sogo ey,kabung-kabung nemot dali ga ey duo yap. ⁷ Gaey naklay menay,nembo,isuali gano luong guluik kota-kota sikso ngga iwotlo idok ko twet nang tangso nego. ⁸ Ngga kalik so gemang tmot lo nan guluik iram nawon Amori sikso. Imot mo iti nan butuobuYordan nggadinogo sikso,butuobu AMon sikso. Medium Hermon sno. ⁹ Sidon sedue lo Medium ngga nemot so pugo SIryam nggano sudue Amori, ¹⁰ KOta-kota degut daligo degut daligo ga butuo blo logo gaey naklay glied,Basan,sego,tap walong so klong go e salkha ey edrei,nego,ngga kota-kota teguep tap Og ko Basan sugo. ¹¹ Og sengong,iram Basan ya nemu ki so sikabung refaim temung nang sikso,sip srek nemogo besi lo sewugo, nemogo walong taidi namon-namon hasta so gano nemogo ba ta nawon-nawon hasta. sipsrek ngga maning gemang kota Araba so,sip suing sikabung Amon go. Yordan Timur sogo Nan ¹² Ngga sogo so,nan ngga imotlo mea pedot,Aroes sikso butuobu Armon sogo e, sip metuik Gilead ko kota-kota ey. At lo mo iti nan ga sedue Ruben ey Gad ey go sno,ngga temung dato go sikso sip metuik Gilead sogo. ¹³ At lo gemang iti temung dali itak ko Gilead sikso gano naklay nan Basan tang Menasye temung nogoso. Basan ngga Og ko tap tegoup. sip-sip Basansogo ngga Argob gemang pu Gay=ey nan Refaim so gemang pu dali. ¹⁴ Yairnmlena Manasye,gemang naguluim kuduen Argob e sang sedue Gesur gaey maakha. Sip ga nemogo sui pugo Yair go sui so e.. Nggeasui go ku nogo ey Basan sedue lo pugo hawot Yair so gemang. ¹⁵ Atlo gemang iti Gilead Makhir sno. ¹⁶ Tang Ruben sno gano tang Gad. Genam lo iti nan ga sikso e. Gilead nggano baga dega so butuobu arnon sikso e. butuobu yabak no,ngga palom kuduen Amon go. ¹⁷ Butuobu Yordan nemogo sang gemang. Blubu kineret gano beapbu betey ga ey Medium Pisga Timur ngga idi. ¹⁸ Ku nggano atlo mo kuong ge mot nogo so atpu,kiwali,kumam mga kabe moiti nan nggadi butuobu Yordan. nmot ngo so,no, sikabung naklay saisuik temoy kangok-kangok dega sni motnang basogo yangga sekabung-sikabung playnang eyge, nase keng Butuobu,Yordan suenang nemuku tang-tang saula Israel temung nang nego. ¹⁹ Noga mgo kabung-kabung gano mgo duo-duo ga ey mgo menay nok so kua ngga,nemotnang gigit kota-kota atlomoiti motngo so segot. ²⁰ Nase klong e, nemotnang nan mo guluik go kiwai lo mo iti nemot nang ngoso butuobu Yordan nggadi sgo e. kiwai moiti ngengam yakai nemotnang nogo ngga sogo no,nemot kalik so motnang lo ge so tra go kalik,ngga nemotno,motnang nase klong mgo nam at lo moiti motnang nogo so ngga. ²¹ Nggaey,atlo pu Yosua ngo,motrang sang moikum sogo-sogo ngga Kiwali go kumam mgolo semgo nogo iram namon nang ngga. Kiwali nemot dali lo mea semu tap tegoup motnang lo nung nang. ²² Suali kua tra iram-iram ngga nang noge,ngga Kiwali,kumam mgo,mea plewo motnogo so. Kwa Sak kok Kanaan no Degut nang ²³ Ku ngga no,at mea wadong Kiwali nego. ²⁴ Oh Kiwali kumam,mogo koybutasemuno Motlo motaliing mgo wagloblong ga ey mgo saysuik don,Nando ida dega ut blosgo gano kukenan ba sogo lo ya semu tasam-tasam kangok ko dega gano sikso ey Motlo semu go kalikse? ²⁵ Nuey ya genam butuobu Yordan ya ya suey go ngga ey ikum nam suep go butuobu Yordan nggadi logo. sip kumeduim suey ngga ey Lebanon. ²⁶ Mo,Kiwali genam igon go motnang sikso gaey nemot ku ua genala lo pugo nembutno. Kiwali gemang pen at no,Nemot wah! nembut ga tandali go kua pen ey, ²⁷ Klong nga neguet medium Pisga sne. Nemu yarap nebit tap barat sno,nebuit utara sno,nebuit tap selatan sno,gano nebit tap timur sno. Mgo tangso se ikum naklay mgo nemu sni lo, no mot ya kua sue butuobu Yordan. ²⁸ Mot nase kuong Yosua no. don e,se gano dabui demu so se ngga sikso nemotlo nase itigo pung saula ge sue nang sogo butuobu Yordan gey nase iti nan ngga mot lo ikum go. ²⁹ I yo,imot butuo so mea got Bet-Peorngga idi so.