¹ Ngenemot kabe berkat Musalo itigo,Waly Ayah Abdi,nemot maning kwa kebong gono. ² Nemodo mangpu,"TUHAN maweng Sinai sikso ngano ma nemblong Seir sikso,Nemot maip nemblong ei,numduim Paran,ngano mawong sedue kabung puluhan ribu kudus nogo.Nemogo tasemla iji nogo,nemotang sno talinggo kei nemblong kalik. ³ Sni so,Nemogo sedue kabung sgo klum kangok,sedue kabung-Nemogo nga mo kudus go-Nemogo tabasa nemotang mugo masi blono nemotang suinggo,mang mulok sni nga-duguwo teguop siksgo. ⁴ Musa lo hukum Taurat imot nogoso itigo,nga Yakub go sedue kabung nego nangso. ⁵ Nemot Irayam so lemoi go Yusyurun no,ingkabui-ingkabui saula-saula wenggo puluep gono,naklai-naklaisedue kabung Israel tang nga sgo. ⁶ Ruben sewali ngano nemot kwa kebong,ngano nemogo sedue kabung nanggklik ei miyam kwa. ⁷ Ngano nge Yehuda sgo ngekalik,"Setup ya TUHAN Yehuda go nembut ngano nemot sewawigo klong nemogo saula sno,seusei nemot nogo-nemogo talo mot selemoi nemogo ije keba temung leknangso nemotso piam so duduinggo. ⁸ Lewi so nemodo ngekalik mangpu,"Ngano itak ga Tunum ngano Urim-mugo sedue kabung nga mofo klum trago nemot nogoso seiti,nga modo talinggo Masa no.Mot nando no waidang bu yelungpu punggono Meriba. ⁹ Nga pengo nemogo ayah sgo ngano nemogo unenso genam nemotang nogo yakwa tupwa,nemot moiso nemogo sat,trang nogo ngano ikum gopu kwa ikum nemogo duo nang nogo,nga sedue kabung Lewi nga tamulokgo-Deguwo teguop no. ¹⁰ Nemotang Yakub so mang nguok tap-tap klong genang sgo-Mugo Duguwo taguop,hukum-Mugo Israel no.Nemotang lo ukupan nemonsueigo tingin nang jano-Mugo nemukuno,ngano taiti puit nang sgo naklai-naklai mezbah blono. ¹¹ Ya TUHAN itiya taiti,don kok nang ngano tupba nemogo takebali smuklong gonogo,gualing ya nomogo smut no sedue kabung nga motno waidanggo ngano dabui piam ei." ¹² Benyamin so nemodo ngekalik,mangpu,"TUHAN lo moda dabui ijino kabe tui nga-Nemot baso susuinggo,tutuing kwa traso.Tuhan no nembut weuu matuguot kuno-kuno ngano yakotso masui gmuduim masi baso. ¹³ Yusuf so nemodo mangpu ngekalik:Nemogo negeri nogo TUHAN lo taiti kabe iti ngasuei go snia kabe iti u sikso,kubup bulo,ngano bu samudra kusno pipi golo. ¹⁴ Nga suei go,ga woi pligono sni smugo,ngano sueigo punggo ngabanu keklak gono sni smugo. ¹⁵ Ngano banimgo kumunduim siksogo,ngano suei suing muduim kalong siksogobanim-banim go sikso go. ¹⁶ Ngano suei go ku siksgo nemogo sni ei nemogo duduing no nga yakotso susuinggo wong diding basa nganemot nangklai seli Yusuf go ingkabui blono,ingkabui don blono nga dabui ijino nikgo nemogo entaton nang kalikso kwa. ¹⁷ Manai ponggo nok trang sgo lembu,sapi nga nemogo kege milangan ngano koiglang keba lembu duonbalogo.Nganemodo maluk saula-saula,kuknan sringno-sringno kuknang blongso,nganemot mang sedue Efraim nemotang puluhan ribu nganemot mang sedue Manasye nemotang ribuan yamso. ¹⁸ Zebulon so nemodo ngekalik mangpu,"Yakai sesmu hai Zebulon,mugotap keklong gonog,ngano mot hai Ishakar,mugo kemah-kemah nogo. ¹⁹ Saula-saula nemotang lo usi gono maweng munduim sno,ngano nemotang go taiti kop nangsgo maiti go klong nga negoso smei,nga sgoso nemotang nemogo sni kangokso matra nemotang banogo biap siksgo ngano kasgo lok basik sgo. ²⁰ Gad sgoso nemodo mangpu,"Nemot nogo taiti suei kabe pen nemogo dabui iwot go Gad sno.Singa unen nemot yakotso ngano nemogo yalugutgo,ngano nemogo ingkabui don. ²¹ Nemodo kuoigo nga blosgo,ngano tuigo panglima go tite.Nemot mang wang saula nga nemogo ingakabui no.TUHAN go kebali mang mo smu ngano dmun but nangsgo-Nemodo kerlam-kerlam so sedue Israel ei." ²² Ngano Dan songekalik mangpu,"Dan nganemot singa go nok kalik sipgo jasno Basan sikso." ²³ Naftali so ngekalik mangpu,"Naftali nutemoi ei perkenanan lo ngano damoi ei tram TUHan go taiti lo,mugo so selemoi tasik,ngano sip sada iji." ²⁴ Ngano Asyer so nge kalik mang pu,"Asyer nemogo duo sedue denok nang nogo taiti kabe iti,nemotang ikumgo nemogo sedue kabung nemotang sgo dabui dedon kwa ikumgo kotsnosuei mapu,nemogo masi minyak basno making. ²⁵ Nemogo yataput sibendi besi logo ngano tembaga logo,mot yagui-yagui susuinggo dan kabe iti." ²⁶ "Waly Ayah kalikgo kwa,hai Yesyurun,nemot otomo klakgo ut blosno klak.Mugo kebaije so kelgo ngano mugo kejayaan nogo gum blolo klakgo klong. ²⁷ Waly Ayah nemot abadi Nemot bama mot masuing,ngano mot kuiji lo nemogo yalu bata nga yakwa lek tandaligo/kekal.Sedue kabung piamgo duduing ei mot sgo mayat ngano nemogo Nembut maweng,'Nga sno tang ei sebuin' ²⁸ Israel yakotso masusuing ngano Yakub go bu yelung yakotso ma sedue kabung temung logo yakwa tong,negeri nga basgo gandum ei ngano anggur ei mang.Ngano utblo sikso kubup bu ma net. ²⁹ Dabui yakai ei sesusuing mot,hai Israel.Nando modei kerlam go?Saula nga TUHANlo go so taitakgo,perisai nemot yaiso susuinggo ngano tengang mot no donso kokgo,nga sgoso motsotruikgo kusno makut nembleng lo maiblon motsno,ngano mot magualing nemotanggo kumunduing kunumduim blolo."