¹ Ngano Musa mangklak munduim masi basik sgo Moab munduim Nebo sno,mundum kenokgo Pisga,nga Yerikho iji snogo,ngano Tuhan lo nemot no mang taling negeri nganemot,'Sip Gilead go sikso itigo Dan napung. ² Naftali naklai,nan Efraim ngano Manasye,Yehuda fo nan naklai sringno-sringno biap no pung woi sut iji. ³ Nan Negeb ngano nan Yordan,lembah Yerikho,kota ai kurma sip nganemot,ngasikso Zoar no pung. ⁴ Ngano TUHAN go nembut mang weng nemot no,"Ngenemot kabe negeri nga adomotang no pugo ngano Nembut penei pengono itakgo Abraham no,Ishak ngano Yakub,'nganemot kalik mang,'Mugo duo nang no maiti negeri ngenemot.'Genam lo pugo tangso kabe mot nogo taling negeri ngenemot mugo nemulo ikum sgoso,no mot ngasno go yakwa sue." ⁵ Ngano Musa mang kebong,TUHAN go tamot nemot,ngano nan Moab no,TUHAN go Nembut kluing uweng go kalik. ⁶ Ngano mang-Nemot Tuwet lembah nan Moab sgo,ditentangan Bet-Peor,ngano sedue kabung kwa snung nemot nagono tuet,ngeasui gono kabe pung. ⁷ Musa yagui seratus dua puluh tahun no nemot mang kebong,nemogo nemu maning kwa saligono,saisuk maning don ei gono. ⁸ Sedue Israel ukangokso kluogo Moab no suinggo nemotang tiga puluh hari yamso uluogombuei ngano mang itaksung. ⁹ Yosua Nun bin waglolo damoi ei-tramgo kebijaksanaan Musa lo nemogo tamotuigo,nganemot sgoso sedue kabung Israel nemot no setup ngano takebali nga Tuhan lo Musa no pengo kalikso sesmu. ¹⁰ Musa nganemot TUHAN mosnung Musa nemot dei nembuenm nemu daguno ikum go,Israel sgo dmusung koiso pupuit go nglonggo kwa. ¹¹ Ngano sgo-sgo smugo banogo tanda ei,mujisat ei nga taling go TUHAN no pugoso mataling,Mesir nogo mang Firaun ei nemogo kebali sedue ei ikum sgo. ¹² Ngano nganemot kalik go nemogo tasam ngano nemogo kedahsyatan kaugok go Musa lo smugo sedue Israel go nemu kuno.