Pasal 32

Musa go Usam

1 "Kama setui motang,hai ut,genam pensyo,ngano tuknan setup,ago lomba sikso pengo. 2 Genam lo nguok tugugo nge sa isi yagon kalik nembut pen kutub bu kalik,sa ninet go tip pupung go blosno,sa wawai nenetgo sgo-sgo punggo go nan blolo gono. 3 Tuhan go sui genam lo mapen,susubu sewit imgo Waly Ayah nogo! 4 Mundum dmu lo smugo,Tasmu-Nemot sniso mang tap keklonggo-Nemodo go nga wamoi kwa,Waly Ayah nemot keng,ngano duk,wamoi kwa nemot basgo. 5 Tasam pugop go smugo nemotno.Nemotang nemogo duo kwa,nga piam go smugo,tang kuoigo ngano kuoi siungso keklonggo. 6 Nganemot kalikso mang,modo waitalinggo Tuhan sno,hai saula bebalgo motang bunei kwago?Motangkwwa snung nga mogo ayah nga motso lemoi go?Mot so lemoigo ngano motso wisiso ipgo. 7 Mot banimgo kuno ei seduing suei seduing yagui-yagui nga sa nyumgo,se usi mugo aya no,nemodomapen motnogo,sedue-sedue sni banimgono,nemotang lo mapen mot nogo. 8 Nagono sang Mahatinggi wasei klong milik pusakan saula-saulano,ngano nemodo makuoi sinok,ngan nemodo sang matui saula-saulago nemogo duonang Israel sikso maiti. 9 No,Tuhan-Nemogo tite,Yakub nga-Nemogo tite. 10 Moikum nang-Nemot nogo negeri padang gurun no,sip tandus go nesip no ngano auman padang belantara no.Yamso so teguot-so ngano yai mosuing-so Nemogo nemu tugun kalik. 11 Wikangok go ulei wulai,nemogo ut ulego nga basik so iplak go suing nemogo du nang ei ngasno ule ngesno ule,ngano tabang kik go,klaya nik nga blono,ngano mang tui tabang bano. 12 Nganemot kalik mang Tuhan nemogo tangso maiti go klong,ilah asing nemot nogo yakwa keng. 13 Ngalik smugo-Nemodo oto blono suinggo kalik so makap kumunduim kangok-kangok go blolo,ten nemogo ususiksgo ya madam.Nemot nogo so smugo,madu nemodo durap go ku mundum siksgo ya,ngano minyak munduim nemot ba siksgo ya mang don ei. 14 Dadih nga lembu,sapi nemot siksogo ngano minsikgo kambing domba siksogo ngano binga domba nok-nok sik sogo,ngano domba-domba kemsi Basan siksogo ngano kambing-kambing kemsi,gandum suei goei,ngano kin anggur go sni siksgo nga nemogo magon ei klak go mot se durop. 15 Ngano nemot kangokgo Yesyurun,ngano sedak masi lo taton sno,seisuk tandali kangok dega ngano tambbun.Ngano Waly Ayah ngasno itak nganemot so smugo,nemodo munduim nemogo nemunogo seguai wa,dmu nemot suei pung genang sgo. 16 Nemotang sip meno siksgo ulah no kenggosikso-Nemot no dabui biteso lemoigo,dabui dabui solemoi-Nemot no,neli wabu saisuk ikle ei gono. 17 Nemotang go taiti nganemot sno itigo klong,waglo waglo iseng kangok gosno nganemot Waly Ayah kwa nga ilah nemotang nganemot sno mang keng,ula nganemot imeninggo,nemotang nganemot kwa snung. 18 Kumunduim dmulo smugo lo nemotang tuigo,motang lo ngakalik itak,nga motang lo kaigo itak Waly Ayah nga motang so tuigo. 19 Tuhan tasam nganemot ikum go,nemotang ngasno tunguwo,Nemot dabui saduiei,motanggo suo sedue denok ngano kabung denok. 20 Nemogo Nembut mnag weng,Genam go-Nembuem nemu ngabasno mason,nemotang mit siksgo,ngano maikum sgo kalik ya samu nemotang nga emot nemotang nga kuoising-kuoising so keklong go,denok tiea nga nembut pen yakwa tup,ngano ya keng. 21 Nemotang sikso Genam go dabui dasadui kabe klak nemotang menono kenggo Waly Ayah no kwa keng nga sgoso Genam go dabui sedui wisiso maip nemotang nali wabuno takekonggo,nganomot sgoso Genam lo ma senglok nemotanggo dabui-dabui,sip menosiksgo ei nemogo umat ei kwa,nemotang lo nemot nego dabui sadui wai mataling saula nga bebal go. 22 Koi bonggo Genam go dabui bite sikso,bubulon klong nan sring no pung ngano sedue kabung kebonggono pung kusni sgono,koinga nemodo kuknan samgo,nemogo sni ei,ngano munduim masiba yamso kuim. 23 Genam lo mata piam-piamgo nemotang blosno,Genam go pledainaklai-naklai matuk nemotang sno. 24 Nemotang mo wakot mo ten lo ngano matuingo wet sadui trao bubong ei making ngano sadui sampai.Genam lo ma pluk sabung manai iseng eigo nemotang negoso,ngano racun lema dabulo katik go sung blolo. 25 Ple jano setui,bubong dugu bano nga negoso manogo teruna ngano darah,duo minso susupgo ngano sesue kabung buto bulonggo. 26 Nga sgoso Genam mapen.genam lo nemotang ma ugo nemotang banogo duduing makwa sinok sikso go.' 27 Genam dabui ijeei,Genam go dabui sadui trago,musuh lo.nemotang sgo duduing piam go ei go tebali maduing,ngano nemotang lo mapu,'Genam nanggo ta ngeno,naklai-naklai nge TUHAN kwasmu.' 28 Nemotang nga saula nemotang banogo sueiso yakwa duduing,ngano kunala sueigo kwa nemotang basgo. 29 Nemotang lo duinggo,nemot wa nga sgoso nemotang masnung,maikum yamnogo sgo kalik ya lemoi. 30 Nagoso mogo klaya duo lo sedue seribu yamsgo ya truik,ngano namon duo sikso sepuluh ribu yam sgo sedue kaiso kap kwago munduim dmu don nemotang ei nemotang ei wai-wai so duoiso maiti,Tuhan lo nemotanggo tasno moiti. 31 Munduim dmudon kalik kwa,imot nge munduim dmudon nganemot,sedue kabung imot so piam so duinggo se itak go pepen. 32 Sni seguong so anggur nuik nemotanggo nga Sodom siksgo,nemotanggo usu Gomora siksogo.Nemotanggo anggur don nga racun eigo,bite ei nemogo gugusan. 33 Bu anggur nemotanggo lemago racun,lema tedung sgo bisa nga daguin ei ngano iseng ei. 34 nganemot naklai-Genam baso kabe,termeterai-genam go perbendaharaan so? 35 Genam lo mataling wai,nemotanggo masi bubong eigono,kupiam go nemotang nogo modagu,walong kwa maweng nemotang no taling genang sgo dali mota mang.' 36 Tuhan no mataling nemogo umat nogo,ngano klum matra nemogo-Nembut no kenggo nogo.Nagono ikim go nemotanggo don mo kwa,nagono nemogo hamba ngano sedue kabung tamo itak go/merdeka.Mo kwa yamso. 37 Nemogo Nembut maweng,'Nagoso motang ilah munduim nga motang susuinggo baso, 38 Motanggo taiti tigo kopgo nemogo binyaso dedam,ngano anggur motanggo taiti tigo sikso go nemot sikso?Itak go,nemotang ip nemotang yalu kut sgo,nganemot bano nemotang dugut sgo. 39 Ikuma ngeasuigo,Genam Genam nge nemot se.Waly Ayah kwa kecuali Aku.Genam lo smugo kebong ei wali ei,Genam lo mogu aling,no Genam lo sadui masuei,ngano sedue kabung klaya duo,Genam go tasik sgo yakwa plet. 40 Sni seguongso Genam go takabe iti blosno utsno,ngano kabe pepen deguo teguop.Genam nge wali yagui-yagui. 41 Nagono Genam lo mo git tenggang kalong ijop-ijop,ngano-Genam go tano mulok go penghukuman,ngano Genam go dabui piam wai maiwot-Genam no waidanggo nogo,Genam no piam smu go nogo waima iwot. 42 Genam lo smugo ma yane-Genam go pledai kin lo,ngano Genam go pledai kedong madam,kin nga sedue kabung lukgo kebonggo ngano sedue kabung nga dokgo bitep go,ingkabui-ingkabui ikle eigo nemotangso,nemotanggo buto walong.' 43 Sek setugu eng,hai saula-saula-Nemogo sgo Nemodo wai talinggo kin-Nemogo tamot-tamot go-Nemogo dabui bite waiso talinggo ngano suei mas smu nemogo nan-nemogo sedue kabung nogo."

Musa go Nembut Pen Yamsgo
44 Ngano Musamang kerlam so Yosua bin Nun ei ngano mang pen saula nga go kamano nembut pen ei ngano usam ei. 45 Musa yamso pengo nembut pen sedue kabung Israel naklai go blono, 46 Ngano nemodo mang pu nemotang no,"Suei so seikum nembut pen genam lo pengo ngeasui motang no.Ngano sepen motang lo mugo duo nangno ngano takebali ei sesmu dabui lo hukum Taurat ngenemot. 47 Nembut pen mugo hambalo kwa pen kabe,no nga mugo wali,ngano nembut ngelo mot walong so maklong nan nga mot susuinggo sgo,nagono mot klong,bu Yordan suesgo ngano suing genang sgo.

Musa Kwageng ku Mo Dagu
48 Kunganemot no Tuhan go nembut mang weng Musa no, 49 "Seklak munduim Abarim,munduim Nebo,nga nan Moap sgo,yerikho nesip so.Nga sikso nan Kanaan nga Genam lo utigo sedue kabung Israel no nemotang go sipse lemoi genang so. 50 Nganomot ma kebong munduim nga mot klak go nga blono,mot klonggo klaigono mugo kaum leluhur ei masuing,Harun kalik mogo trang nemot menduim Hor no kebonggo ngano mo klonggo nemogo kaum leluhur ei mo suing. 51 Nga nmotang mo iwot Genam siksgo sedue Israel nesip siksgo,buyelungpu punggo Meriba sgo nganemot Khadesh somnag padang gurun Zin,nga ngekalik motang susubu kwa wit Genam go ku kudus nogo sedue Israel nesip nogo. 52 Motang seikum negeri nganemot motang mit so mang temio sopegoi,nomotang ngano go kwa dugut,negeri nga Genam lo sedue Israel no itigo."