Pasal 30
Yosua lo Masuing Musa go Sip dali
1
Musa klonggo mang pen nembut pen naklai-naklai sedue kabung Israel maklai-naklai blono.
2
Nemodo mang pen,nemotang sno,"Genam ngeasuigo yagui seratus dua puluh no kabe mopung.Genam sgo-sgo yakwa smu,TUHAN go nembut mo pen kabe genam nogo,'Bu Yordan nge motang yakwa sue.'
3
TUHAN,Waly Ayah mugo,nemodo banim mabisi,Nemodo matuk saula-saula mugo nembuem nemu kusiksgo,ngano negeri ngamot motang maitak.Yosua baninit mabisi,TUHAN lo pengo kalik.
4
TUHAN no nemotang no talingg genang sgo,nga Sihon ei,Og gei talinggo kalik masmu,Iryam-Iryam Amori yamso-Nemodo tangei buin go kalik,ngano nemotanggo negeri.
5
TUHAN nemotang mugo tano maitak ngano motang lo sesmu nemotang no,ngano motang lo smugo nga motang no pengo kalik sesmu.
6
Dousekok kangok so mugo dabui,suali kwa tra ngano mugo dabui seiti,ngano bubong kwa king,nemotang ikumgo,TUHAN,Waly Ayah mugo Nemot makwa itak banoma."
7
Musa mang usi Yosua sedue Israel naklai go nemu kuno,"Dabui don sekok ngano dabui seiti,mot madugut kerlam-kerlam so saula ngenmodei negeri nga Tuhan no penga nogo,nembut pen ei tuigo itak go motang go babu asino,motang no iti genangse modo wawigo keklong sedugut nganemot no.
8
Sesnung,TUHAN,Nemodo banim mabsi,nemotang so,motang mawawigo klong,Nemot motang makwa itak,ngano motang bamoma makwa itak,suali kwa tra,dabui kuki malo."
Yagui tujuno punggono Hukum Taurat Sepen
9
Hukum Taurat Musa lo klik go nga,ngano mangn iti dmusung koiso pupuit go bani Lewi,Tabut Perjanjian TUHAN nemotang lo mang lek Tuhan go,sedue-sedue sni Israel no.
10
Ngano Musa lo mang pu nemotang sno,ngekalik,"Yagui tujuno pupung banu yam no,ku nga mopugo yagui yamno masuep sedue kabunggo utang sesnung walop ku Pondok Daun,
11
Sedue kabung Israel naklai-naklai moweng go pung TUHAN,Waly Ayah mugo.Nemogo nemukuno si nga-Nemodo mokuoi gono modo hukum Taurat sepen sedue kabung Israel go nemukuno.
12
Saula nganemot naklai-naklai sepulep,sedue kabung,denokticat ngano sedue kabung sip meno siksgo ngaso susuinggo,nemotang sednung dali ngano ikumgo,talinggo,swali tra sgo,TUHAN,Waly Ayah mugo nogo,ngano dabui lo sesmu takebali ei.
13
Ngasgoso nemotanggo duonang,nga maning kwa snung go matup go,ngano talinggo snunggo ngano suali matra TUHAN,Waly Ayah mugo nogo,motang maning kuknna bloso susuinggo,motang nagono klonggo,bu Yordan snego ngano sesuing,
Usam Musa lo Smugo Banim
14
TUHAN go nembut mang weng Musa no,"Sni so kabe ku yamso mo dedagu mot ma kebong.Usi ya Yosua wisiso sip nemodei kemah bano sip namotang so tutugugo,Genam nemot no kebali smu genang sgo yapengo ngano Musa ei Yosua ei klonggo mang ip kemah nemotangso tutugugo bano.
15
TUHAN no nemogo saisak talinggo kemah bano gum wau balo.Gum wau nemot yataput kemah no wenggo wik yataput no,
16
TUHAN no nembut mang pen Musa no,"Sesnung,mot ma tugu perhentian kerlamso babuasi nang ei saula ngenemot maip wisiso ngano ma berzina makeng ilah asing no negeri nemotang susuinggo sogo,sip nagono nemotang modugut no,nemotang Genam maitak,nembut mopengo-Nemotang no ngano tagedi eidok go maitak.
17
Kunganemot no Ago murka maiti,koi kalik nembleng ei mablon,Genam nemotang maitak ngano Genam mason nemotang siksgo,nemotang tenkalik damgo makwa,ngano piam-piam blano maklak ngano kusadui lo.Kunganemot no nemotang mapu,"Imotangpiam-piam blono kabe tega go,imotang Waly Ayah omgo imotitso kabe besip so?
18
Ago-Nembuem nemu ngabano makok kunganemot nogo,nemotang go isong ikum gosikso,nemotang ilah menono takonggo.
19
Nga sgoso usam nge seklik ngano setaling nemotang no,sedue kabung Israel no,nemotang go lam bano sekinggo itak,usam ne sne motdo sedur Israel nogo.
20
Genam nemotang mawawigo klong nan nga mo mopengo nemotanggo babu asino,nan nga damoi ei tram go susu ei,masu ei go lo,nemotang dam go nu ei malemoi ngano saisuk makangokdega no,nemotang ilah temong no makeng,nganemot no tama kekong,Genam nemotang lo piamso mapu,Genam go-Nembut pen maitak.
21
Nemotang nogo kusagui kangok so maiti,ngano piam-piam go balo maklong,usam nge nemogo duono-duono nemotanggo lomno masubut.Genam lo nemotang no pengo nogo Nembut mang ei kinggo itak go nemotang no."
22
Musa lo ngenemot klik gono,usam ngenemot ngano mang taling sedue Israel no.
23
Yosua bin Nun no iti go nembut pen,duguo taguop,"Don sekok ngano dabui seiti,modo ma wawigo klong sedue Israel nga negeri nga Geman lo peng nemotang no Nembut pen ei tuigo itak go nemotang no Genam makeng nemotang no.
24
Musa yamso klikgo nembut hukum Taurat siksogo sambano sring sikso itigo sringlo tot.
25
Ngano Musa lo mang pu sedue Lewi no,Tabut Perjanjian TUHAN so lekgo uwetgo,ngekalik,
26
"Iti ya sam Taurat nge ngano satui tabut Perjanjian ketengno,TUHAN,Waly Ayah mugo ngano Nemot saksi so lemoi sgo motang no.
27
Genam moikum kedegilan ngano tegar tengkuk motang go genam nogo,ngeasuigo,genam nge motang ei kerlam-kerlam so susuinggo,motang lo kedegilan talinggo TUHAN sno,moikum mang,genam maning go motang lo ngekalik taling,genam mo kebong mo kwa snung motang sgo kalik ya smu.
28
Sedue-sedue sni tang mugo-mugo sepulep,motang mugo plesedue.Ngano Genam nembut memoma pen motang nogo,ngano utdei nanei saksi so malemoi motang blono.
29
Genma musnung,genam mo kebong mo motang tasam pe gop go mataling,ngano tandali maiwot tap nge genam lo pengo nogo yakwa keng.Nganemot kalik mo smu keto,yansigo motang tasam piam go smugolo motang piam-piam go blosno mabitep kaiso,tasam motang lo smugo nga TUHAN dabui-sadui kangokso trago,motanggo tasam sikso."
30
Ngano Musa lo mang pen jemaat Israel go kama no,usam nge pen situgugo yamsgo kabe.