Pasal 30

Dabui Tegak gono masnung

1 Ngenemot naklai motang blono molemoi mo,sesnung berkat,kutuk nga genam lo motang sno itigo nemot,nganemot no mot se sadar mugo dabui lo,saula-saula nesip siksgo,TUHAN,Waly Ayah mugo,ketsno mot matinget. 2 Nagono mot tandali TUHAN,Waly Ayah mugono,ngano nemogo-Nembut no tandali mokeng nga,Nemogo-Nembut pengo kalik ngeasui go kuno,motang ngano,mugo duo nang,dabui kaiso seiti ngano iku ei. 3 Ngano TUHAN,Waly Ayah mugo,mugo wali sueiso ma iwot ngano motnogo klum matra.Nemodo motang tandali matagom saula menogo sip siksgo,nagosno TUHAN,Waly Ayah mugo lo motang toga. 4 Motang tega go nemot temung utsring so susuing go,ngasikso TUHAN,Waly Ayah mugo lo,motang tandali matagom ngano ngasikso tandali ma wawi go weng. 5 TUHAN,Waly Ayah mugo lo,wawi go wenggo motang ma dugut negeri no nga moitigo mugo babu asino,nga motang no itak genang sgo sip nganemot,ngano motang suei so msmu nemodogo ngasikso motang ma miyam,babu asi kalik kwa. 6 Ngano,TUHAN,Waly Ayah mugo lo mugo dabui masunat ngano mogo duo nanggo dabui kebe mo sunat dali,nganemot sgoso duo nang Tuhan,Waly Ayah mugo no motanggo dabui ya seiti,ngano mugo yuku ei nga sgoso mot ma wali. 7 TUHAN,Waly Ayah mugo lo maitigo bitep sumpah serapah nga sedue kabung mot so kunala piam goei susuinggono nemotang ya matruik. 8 Mot tandali matup TUHAN go nembut takebali ei masmu naklai-naklai Nembut-nemodo pengo motang no ngeasuigo kuno. 9 TUHAN,Waly Ayah mugo lo maiti kangokso imot nogo maiti dabui klum ei mugo takebali modo smu klonggo bano,bua kandung banogo,manai ponggo ngano usu kwali go nogo,TUHAN,Waly Ayah mugo dabui yakai ei tandali mot bano sni mo lemoi go nogo,Nemodo yakai smu go mugo babu asi nang banim go kalik. 10 Mot sni seguong so TUHAN,Waly Ayah mugo,nembut mo tup mo ngano tamulok nemogo Nembut pen no,ngano tap-tap taling gono,nga sam taurat no klik go ngano mot moiwot mo TUHAN,Waly Ayah mugo no,mugo dabui lo ngano mugo iku lo sekeng suei so.

Sekuoi Kebong Ei Wali Ei
11 Tap talinggo nga,genam lo pengo ngeasui,ije kwa mot nogo ngano ket kwa. 12 Nemogo sip suing utblo kwa,nga sgoso modo pu,'Nando lo ya klak ut blonggo,nemotang wawi genang sgoso,ngeno weng,imot mitno ngano imot no pen sgo,ngano takebali nemot masmu. 13 Biap bu suego ngaijiso kwa,ngaso modo pu,'nando lo ya sue biap blo ngaiji nogo,ngasikso itigo weng genang nge sno imot nogoso,nemot sikso imot matup,imotang takebali nganemot kalik smu sgo?' 14 Duguo tuguop nge motang dagu sopse,mugo lom ba sgo ngano mugo dabui baso,takebali nemot da smuya. 15 Seduing,genam motang sno kabe taling ngesuigokuno wali klong genang sgoei,sni lemoi nang sgoei,kebong ei ngano piam go blo lo klak genang sgo ei. 16 Ngeasui go kuno genam mot no kabe pepen,dabui lo seiti TUHAN,Waly Ayah mugo,tap-talinggo bo lo seklong ngano tase mulok Nmebut pen no,tap talinggenang,takebali smu genang,ngaso mot ma wali ngano mataso malemoi nga sgoso TUHAN,Waly Ayah mugo lo mot nogo berkat maiti negeri nga mot suinggo nogo. 17 No,mugo dabui moiwot mo ngano mot tup sgo moiso mo,mot tap menono kengsomo nganemot no takokongso ngano susubu wit so mo imah menono, 18 Genam kabe pepen motang sno ngeasui go kuno,mot ma binasa,mot wali walongso yakwa suing kuknan blonogo,sip nagono mot klonggo,bu Yordan suego ngaji no suing genang so. 19 Genam kabe usi utdei nanei saksi so lemoi nang mot no ngeasui,mot sno kabe tetaling,Wali klong genang sgo ei ngano kebong ei,ngano berkat,kutuk waling nang sgo ya sekuoi,mot walong so masuing ngano mugo duo nang domdat nang. 20 TUHAN,Waly Ayah mugo no dabui moiti,Nemogo-Nembut motup-mo,nemomot no dabui moiti mo,nga mugo wali mang mot susuinggo yagui-yagui tenok go mot walong so maklong,mot sesuing nan nga TUHAN lo pengo nemot blonogo,mugo babu asi nang no,Abraham,Ishak ngano Yakub motang no itak nang sgo."