¹ Ngenemot kabe nembut pen Musa lo dokgo sedue Israel ei nan Moab no,TUHAN lo pengo kalik,nembut pen nga munduim Horeb no pengo nga menodali. ² Musa lo usigo sedue Israel naklai mangpulep,ngano mang pu nemotangno,"Motang moikum mang naklai-naklai TUHAN lo smugo Mesir no motanggo nemukuno,Firaun no ngano naklai-naklai nemotanggo kebali sedue ngano negeri nganemot no naklai. ³ Tasam-tasam kangokgo nga modo ikumgo mugo nemulo,tanda-tanda ngano mujisat-mujisat kangokgo. ⁴ Ngeasui gono punggo,TUHAN lo mot nogo snung duduing kwaiti mot iguong plet genang,nemu ikum genang ngano kamasua tup genang sgo. ⁵ Yagui empat puluh yamso,genam lo motang wawigo wenggo padang gurun tap lo,mugo amka kwasring ngano mugo saisuk,ngano mugo masisuk kwatigek mugo masi nogo. ⁶ Roti mot kwa dam,anggur ngano subrop nangsgo temang nga modei yane go kwa durop,mot sesnung genam mugo TUHAN,Waly Ayah mugo. ⁷ Ngeasui go motang mopungsip ngeno,Sihon sepung Iryam Hesibon ei og ei,Iryam Basan,atang mit no wenggo plepungso,atang lo nemotang but go malo. ⁸ Nemotang sip imodo masuing ngano sedue Ruben sno maitak,Gad no,Manasye temung dali ya imotang nogo so. ⁹ Nga sgo so smuya nembut pepen nemot dabui lo,ngasgo so mot banim temung no mapung nga mugo takebali smu tegoi goi go banogo. ¹⁰ Motang naklai-naklai ngeasui go kabe up TUHAN,Waly Ayah mugo,nemogo nemukuno,motanggo ingkabui/ondoapi yakna nemogo-nemogo,ngano kosetrang ngano ingkabui-ingkabui pleso pupunggo nganemot naklai-naklai sedue Israel. ¹¹ Mugo denok ticat,mugo kabung-kabung ngano sip meno siksgo sedue kabung nga motang ei susuing go kemah baso,ngano diso titigekgo ngano buso guguluik go motang ei susuinggo. ¹² Sip suei gono dugut somo,TUHAN Waly Ayah mugo lo pengo itak ngano-Nemodo Walong ei luikgo itak motang no tagedi eidok TUHAN,Waly Ayah mugo lo ngeasui go kuno. ¹³ Nga sgoso Nemodo motang blosno maiti-Nemogo umat ngeasui go kuno,nembut pengo kalik-Nemodo motang no,ngano tap-tap talinggo kalik-Nemodo mugo babu asi nogo kalik,Abraham,Ishak ngano Yakub. ¹⁴ Motang seguong no kwa,genam lo nembut ngenemot pengo kaiso tagedi ei dok. ¹⁵ Sedue kabung ngesgo motang eigo ngeasuigo,ngeipgo TUHAN,Waly Ayah mugo,nemogo nemokunogo ngano sedue kabung temung kwwa wenggo ngeno,ngeasuigo kunogo. ¹⁶ Genam nang nge mosnung,sgo kalik ya genam nang nge Mesir so susuinggo,ngano sgo kalik ya genam nang saula ngenesip lo klonggo. ¹⁷ Motang nemogo dewa/nali wabu,keji,nemotang nganemot no ta kobonggo,dino,dmuno,emas no,perak no,nga nemot no nemotang tamulokgo mang susuing. ¹⁸ Nga sgoso motang mit sgo sedue,kabung,yap tengelam tang nga sgo nemotang TUHAN,Waly Ayah imogo no go kwa keng no,ngano nemotang klonggo dewa temung sno takokong saula-saula gono,ngasikso motang meno srang punggo ngasikso nemogo sni racun so malemoi ngano ipiuh so malemoi. ¹⁹ Sedue kabung nembut ngenemot tupgonogo,sumpah serapah nemotang lo duinggo,'Genam nang no berkat so kabe malemoi,'Genam suci seguong ngasikso nemotang kaiso taule seitak,nemotang go nan nekon,nan lukupigo,nan pai,nan wearom tauleso maitak. ²⁰ Sedue kabung nganemot kalok go,TUHAN nemogo piam yakwa suep no Tuhan go murka ngano cemburu nemot blono koi kalik so mablon kunganemot nogo,'sumpah serapah samngebano klik go nemot blono matui,ngano TUHAN no nemogo sui masuep kuknanblo siksgo. ²¹ TUHAN lo nemot sedue Israel mitsiksgo mayat ketsno ngano nemot celaka lemoi sgo,sumpah serapah ei klik go kali Hukum Taurat bano. ²² Nemogo duo nang,domdat nang yansigo ngano sedue kabung sip menosiksgo wenggo ketsiksgo negeri meno mepen,nemotang moikum nembutei takebali ei gono ngano maikum motang no kusadui tragoei motanggo negeri no TUHAN lo,' ²³ Nemogo nan naklai kuimgo belerang lo ngano geram kwa tega go,nganogo sgo-sgo kwapung ngano sgo-sgo tip nga nogo kwa pungsnigo,kerlam go Sodom ei Gomora ei,Adma ngano Zeboim,Tuhan lo iwot singgo nemogo murka ngano nengkei nemogo nemblong siksogo.' ²⁴ Ngano,saula-saula lo mapu,"Sgo kalik go sikso TUHAN tasam ngekalik go taling negeri ngenogo?' ²⁵ Ngano mapen sedue kabung lo,nemotang nga nembut pen wali keklong genang sgo guotgo,nemotanggo TUHAN,Waly Ayah nemogo lo motalinggo nemogo babuasi no banim pengo ngano tagedi eidokgo-Nembut nganemot kunganemot nogo wawi go-Nemodo punggo Mesir sikso. ²⁶ Nemotang ngasiksgo mopung,ngesuigo nemotang ilah menono sembah ngano sususbu wit,ilah nganemo tang kwa snunggono,ilah nganemot Tuhan lo kwa iti nemotang ta nganemot no kong nang so. ²⁷ Nganemot nogo mang TUHAN go muka wisisoipgo nemotang so negeri ngenemot no nemotang blono kutuk wenggo,sambano moklik gonogo. ²⁸ TUHAN menyentakan nemotang nemotanggo nensiksgo nemogo murka ngano sagui nengkei ngano gusar-Nya kangok dega,ngano nemotang ngasno ijokgo tega negeri meno sno,ngeasui go be lemoi nganemot kalik.' ²⁹ Sgo-sgo nemu kwa ikumgo nga nemogo TUHAN,Waly Ayah imgo,no sgo-sgo nga mo pengo,imot no ngano imgo duo ngang nogo nga yagui-yagui,ngano imot takebali ei sesmu klong nembut pen sam Hukum Taurat basgo nemot.