¹ Mot negeri nga nemotang no itigo TUHAN,Waly Ayah mugo lo motang nogoso mugo milik pusaka so lemoi nangso,motang nganemot so susuinggo. ² Mugo usu so wasma snigo buogo mugo nan siksgo ngemotang no iti go TUHAN,Waly Ayah mugo lo,nganemot seking bakul bano,ngano seitigo klong sip nga TUHAN,Waly Ayah mugo lo nemot nogoso kuoigosip nemogo sui ngano suing nang. ³ Dmusung koiso pupui gono seiti nemot no kunganemot nogo,ngano sepu,'Genam ngeasui kabe pu TUHAN,Waly Ayah mugono,genam modugut kabe negeri nga Tuhan no janji go imot nogoso tagedi eidekgo imgo babu asino,imot no iti genang.' ⁴ Ngano dmusung koise pupuit go lo ngane mot maiti nemogo talo,ngano mezbah no matui,TUHAN,Waly Ayah mugo nemogo nemukuno. ⁵ Ngano mot sepen TUHAN go nemukuno Waly Ayah mugono,ngekalik:'Ago ayah banim go sedue Aram sedue pengembara,nemot Mesir no klonggo miyam kwa nanglik ei.Nemotang ngaso suinggo sedue asing kalik nemotang ngano go don kangok,masaso,kangok dega. ⁶ Sedue Mesir lo nemotang butgo,masi lo gukuik go,kebali ije kangok go itigo. ⁷ Ngano genam nangmot kabe usi TUHAN Waly Ayah imgosno ngano TUHAN ikumgo genam nanggo dabui sadui,kebali ije kangok go,genam nang gualinggo masi lo. ⁸ Ngano TUHAN lo genam nangmang wawi go klong Mesir sikso punggo nemogo tadon kangok golo ngano dalu don kangok golo,nemogo kedahsyatan tanda-tanda,mujizat-mujizat. ⁹ Nemodo imot ngesno kabe wawigo wenggo no ngano negeri nge imot no kabe itak,negeri susuei masu ei golo damoi ei tramgo. ¹⁰ Nganemot sgoso,genam maijokgo weng wasma ususiksgo nga modo genam nangno itigo ya,Tuhan ngano ijok go seklonggo ta TUHAN,Waly Ayah imgono,motang susubu sewit TUHAN,Waly Ayah imgono. ¹¹ Ngano mot,sedue Lewi,sedue asing,ngamotang ei kerlam-kerlam so sususinggo dabu yakai sesmu naklai-naklai suei nga TUHAN Waly Ayah mugo lo itigo,motno itigo naklai mugo yap tengelam nogo. ¹² Yagui nangglik no punggono,yagui taiti persepuluhan,mot maijok taiti persepuluhan,nemogo taiti nemogo nan siksgo nga sgoso sedue Lewi no seiti,sedue asing,duonsawon,kabung duguop,nemotang tendanu nganemot sikso madam go nu temoi. ¹³ Mot sepen nembut TUHAN,Waly Ayah mugo nemukuno,'Taiti kudus,ngesiksgo moitigo klong ago yap sik sgo,nga sedue Lewi no moiti,sedue asing,duonsawon ngano kabung duguop,modo genam no pengo kalik mo smu mang.Genam kwa kai ngano masi lo kwa guot naklai-naklai mugo-Nembut pen. ¹⁴ Genam berkabung go nogo,genam ten kwa dam taiti kudus siksogo,genam mo najis mo,sgo-sgo genam lo ketnogo yakwa tui,nganemot siksogo genam logo taiti nangso yakwa tui sedue kabung kebong gono,no genam Nembut TUHAN,Waly Ayah ago,genam lo nge smugo modo pengo kalik genam no. ¹⁵ Ikum ma-mugo sip kudus siksogo,surga sikso ngano sepu sedue Israel,ngano nan nga modo itigo genam nang no,nga modo pengo kalik genam nanggo babuasino negeri nga susuei madu eigolo damoi ei tram go.