¹ Musa ei sedue-sedue sni Israel sgoei mang pen saula nganemot sno,tase mulok nembut pen nga genam lo mopen gono ngeasui motang no. ² Ngano kunga motang bu Yordan sue sgono negeri nga notang no moitigo motang no goso TUHAN,Waly Ayah mugo lo,suei so setui dmu dmu kangok go ngano mengapurnya. ³ Ngano dmu nganemot no seklik,motang bu sue gono,ngasgoso motang madugut negeri nga TUHAN,Waly Ayah mugo lo motang no itigo nogo,negeri nganemot susuei madu ei golodamoi ei traingo mapengo go kalik TUHAN,Waly Ayah babuasi muop no. ⁴ Motang bu Yordan sue gono ngano dmu-dmu nga Genam lo motang no moitigo dmu nganemot setui sueiso mundun Ebal no ngano se kapur. ⁵ Ngano ngenemot no seklik dali Mezbah TUHAN,Waly Ayah mugo nogo,ngano Mezbah dmu lo sesmu,nga mugo talogo yakwa smu ulong besi. ⁶ Dmu lo smugo,yakwa pep talogo ngane modo sesmu TUHAN,Waly Ayah mugo nogo nga nemot blono motanggo taiti sepuit Tuhan,Waly ayah mugo nogo. ⁷ Ngano se itigo kop dali taiti yai suingge nang sgo,ngano sedam ngano yakai sesmu TUHAN,Waly Ayah mugo,nemogo nemukuno. ⁸ Nga sgoso motang seklik dmu temoi sno Hukum Taurat siksgo sueiso ngano nugu wonso. ⁹ Ngano Musa ei sedue Lewi ei dmusung koiso pupuitgo ngano sedue Israel naklai,'Yakot se ngano kama setui,motang sedue Israel.Ngeasui go kuno motang umat TUHAN,Waly Ayah mugoso kabe mo lemoi. ¹⁰ Nganemot sgoso motang setup Nembut TUHAN,Waly Ayah mugo lo pengo,ngano Nemodo-Nembut pengo,tap-tap klong genang sgo pengo,ngeasui go kuno." ¹¹ Kunganemot no Musa lo nembut mang pen saula nga, ¹² 'Nemot no motang bu Yordan suegono,nemotang nge nemoda seip munduim Gerizim nogo,saula nganogo taiti iti sgo nganemot,Tang Lewi go,Yehuda go,Ishakar ,Simion,Lewi,Yusuf ngano Benyamin. ¹³ Nemotang ngenemoda seip munduim Ebal nogo kutuk penso ngano,tang Ruben go,Gad go ngano Asyer,Sebulon,Dan ngano Naftali. ¹⁴ Sedue kabung Lewi siksgo nembut sepen,ngano sepen sedue Israel naklai-naklai blono nembut kang kangokso sepen: ¹⁵ Kutuk kabe pepen sedue kabung nga patung pahantan ngano patung tuangan se smugo nogo,TUHAN go nemu kunogo keji,sedue lo smugo talo yakotso.Ngano saula nganemot naklai-naklai se Wa nemotang go lom basikso,Sni!' ¹⁶ , Kutuk kabu pepen,sedue kabung nga nemogo unen ei ngla ngin ei nemu keteng golo ikum go,ngano saula nganemot naklai-naklai sepu,'Sni!' ¹⁷ Mot makutuk,nan sang tuigo modo mo le lo sangtui gonemot,saula nganemot naklai-naklai sepu,'Sni!' ¹⁸ Mot makutuk,sedue nemu punggo modo tap suei kwa golo mowa Wigo klong mo,saula nga naklai-naklai sepu,'Sni!' ¹⁹ Mot makutuk,duo menogo plesagui lo kwa gluik,duon sawon go,kabung dugu wapgo,saula sgo naklai-naklai sepu,'Sni!' ²⁰ Makutuk nando ayahgo kabung ei mosrek mo,ngamodo mugo ayah go puncak kain singkap go,saula naklai-naklai mapu,'Sni!' ²¹ Makutuk,mugo kabung nga manai ponggo ei srekgo,saula naklai-naklai sepu,'Sni!' ²² Nando nemogo demanon ei srek makutuk,ayah go duo,mia go duo,saula nga naklai-naklai mapu'Sni!' ²³ MOt makutuk,mugo kabunggo unen ei mosrek mo,saula nga naklai-naklai mapu,'Sni!' ²⁴ Motang makutuk,sedue yakotso butgo no bitap go moitak mo,saula-saula naklai mapu sni!" ²⁵ Mot makutuk duoi moiti sedue but nang sgo,sedue nganemot piam kwa smu.Saula-saula naklai sepu'Sni!' ²⁶ Mot makutuk,nembut nga Hukum Taurat bano klik go kwa kengmo ngano takebali kwa smu mo.Saula-saula naklai sepu'Sni!"