Pasal 25
Iseng lo Kwa no Sueiso sepen
1
Sedue kabung mata sgolo plesagui mo smumo ngano nemotang klong pengadilan no,ngano maikum piam nando baso,nando piam kwa smu.
2
Sedue nga piam so smugo dumun kwa smu hakim lo mapu dabu kusno kruguok dumun masuei ngano dmun mabut,sedue kabung nesip no masuei nemogo tebat siksogo.
3
Empat puluh yamso mabut,mataso kwa but yaduing mata degaso butgo.
4
Mot kwa memberangus lembu go lo tenso sengamgo.
Kabung nalo Entaton Kebong go logo
5
Sedue kabung nga entaton nang mata sgo ngano yap klaya goso susuingngo,ngano meno mang kebong nemogo snun itak naloso,duo kwa tui,kabung nalo nganemot sedue yap meno sgo kwaiti,nemogo enton lo seitigo nemogo snun so selemoi.
6
Kabung nganemot duo motui mo trang sgo nemogo entaton kebong go nogoso,nemogo sui suep eigo sedue Israel nesip siksgo.
7
Nemotang nga entaton kebonggo snun sgo moisomo,nemogo snun nalo nganemot sepung yap ba siksgo,klonggo sedue-sedue mit no sepen,'Sedue go entaton nnag moiso,nemogo entaton go sui sedue Israel nesip nogo,nemotang genam sgo moiso.'
8
Ngano sedue-sedue lo nemotang usigo nembut mang pen nemotang ei,ngano nemotang lo mang pu,"Atang moiso nemot itigo kabung so lemoi sgo.'
9
Entaton go sunun nemot seweng nemot mit no sedue-sedue go nemukuno,seitak nemodogo kasut nemogo masiksogo,nemogo nembuem nemuno melabui tuya gono ngano sepu,'Ngekalik so sepu sedue nga entaton nogo duo yakwa smugo.
10
Ngano sedue Israel nesip nogo nemogo sui sepu,'Motang nga kaum kasut itakgo sedue kabung logo.
Biadad kwa smu
11
Sedue namon sagui mopung mo ngano meno duwo go snun lo,nemogo kinin klum sgoso sedue nga nemogo kninso bubut go nemogo nen ei huiei go talo mulok go.
12
Nga sgo so modo kabung nga nemogo ta ngasno setong,klum kwa tra nemot nogo.
Sukatan Ngano Timbangan Sni
13
Motanggo pundi-pundi basgo namon ei no menosam meno sam so,kangok go ei seguai go ei.
14
Mugo yap ba sgo efa namon ei menoso menosam sgo,kangok go ei seguai go ei.
15
Dmu timbang nang sgo utuh ngano tepat,ngano ef mugo nemot utuh ngano tepat,nga sgoso mot susuinggo yagui-yagui matebok Tuhan,Waly Ayah mugolo.
16
Sedue kabung tasam nganemot kalik goso smugo,sedue kabung tasam curang smugo nga keji Tuhan,waly Ayah mugo nemogo nemu kunego.
Amalek Ngasno Sesuep
17
Sedung tasam sedue Amalek lo smugo nga motang punggo klonggo Mesir sikso.
18
Motang,nemotang lo tapno bunggo ngano sedue kabung don kwago taton nogo,nemotang butgo taton sikso,motang don kwa ngano seisuk lo som mokwa.Ngano nemotang Waly Ayah nogo suali kwatra.
19
TUHAN,Waly Ayah mugo lo motang yaisuing gono taton dabui kling-kling,mogo negeri nga Tuhan,Waly Ayah mugo lo motang no itigo motang go milik pusaka so lemoi genang so,ngasgoso motang se kai kunala bsik sgo sesuep duduing Amalek sgo kuknan sgo,ngano kwa kai.