Pasal 24
Sedue lo Kabung Itak go Moi sgoso
1
Sedue kabung itigo mosuing yap klaya gono,no wali kwa kerlam nga sgoso mang itak,nga sgoso sam mang smu itak nang sgo,sam nganemot kabung no itigo,kabung nganemot mang klong nemogo yap no.
2
Ngano kabung nganemot yap ngesikso punggo klonggo,nemogo yap no,nemot sedue menoei iti sedue nemogo sunun so lemoi.
3
Sedue nge nemodo itigo ngeasui go moiso dali kabung nganemot sgo,nga sgoso sam itak genang sgo mang smugo iti go,ngano pugo mangklong nemogo yap sikso,ngano nemot sedue meno itigo nganemot kebong.
4
Nemogo kinin banim itigo,nemot kwaiti tandali go,kabung nga mo cemar,tasam nga kalik go nga keji,Tuhan go nemuku nogo,mot sikso kondugut ei go negeri ngeno,nge TUHAN Waly Ayah mugo lo motang itigo milik pusaka se lemoi nang.
5
Imening sni kabung itigo,nemot plepung sgo kwa klong plebanogo,menodali,nemot no pugo kebali ide eigo smugo.Yagui klaya nemot nemogo yap tenyelam nogo kebali smu sgo,nemogo snun eigo namboi suing gono,nga sgo so nemot dabui sadui makwatra.
Nemot modei kerlam go mang klum setra
6
Mot kilangan kwa iti menodali dmu kilangan gadai sedue kabung go nyawa gadai go.
7
Mot moikum mo,menoduo culik go,nemogo tang klaya go lo,nemogo Israel basiksgolo,sedue nga nemot so culik go nga sebut,ngasgoso tasam suei kwa go nga kalik go sesuep.
8
Sieisose,sadui kusta,ngano takebali sueisose sulu dumusung koiso pupuit golo talinggo sedue Lewi lo talinggo motang no,genam sgo kalik pen motang no takebali nganemot kalik sesmu dabui lo.
9
Seduing TUHAN sgo kalik smu,Waly Ayah mugo lo Miryam no kunga nemot nogo motang Mesir sikso punggo klonggo.
10
Sedue kabung go sgo-sgo modo moiti namboi,ngano dugut go nemogo yap baso gadai kwa iti nemogo yap ba sgo.
11
Nemogo sni-sni,mot jano se ip,sedue yap nganemot lo madugut go gadai itigo jasno mapung mot mitno.
12
Nemot nga sedue ulong kwa go,nemogo gadai mugo yap no kwa srek walongso.
13
Nemogo ulong gadai nga tandali seitigo klong woi maning kwa sutgono,nemot usune nemu sreksgo,nemogo amka ya kokgo,ngano mot nogo berkat so ma lemoi.Tasam nga kalik go suei ngano sni ei TUHAN Waly Ayah mugo,nemogo nemukuno.
14
Modo kangokso kwa iti,kebali smugo sedue sgo-sgo kwa golo,nemoto ten iti,kebali smugo sedue sgo-sgo duo meno ngamotang ei sususinggo negeri ngeso motang mitso.
15
Kunganemot no kaiso seiti nemotanggo kebali duoi,woi maning kwa sutgono,nemogo kunala nganemot no mang,nemot go yap ba sgo-sgo kwa;Nemodo TUHAN sno walong luik go mot sgo.
16
Ayah kwa kebong duogo piam sikso,ngano duo kwa kebong ayah go piam sikso,sedue kabung nemogo pegop lo se kebong nemogo-nemogo.
17
Sedue kabung yatim ngano kabung deguop ngano sedue kabung sip menosiksgo ngano kabung deguop go amka kwa gadai.
18
Mot seduing,motang banim go koibu tasmuso lemoi go Mesir nogo,motang TUHAN Waly Ayah mugo lo goso tebus go ngasiksgo;nganemot sgoso genam motang no pengo takebali sueiso sesmu.
19
Mugo usuno wasma moijok,ngano kai seberkas usuno,mot tandali go kwa iwot iti sgo;nga sedue sip meno siksgo nemot no seitak,donsawon ,kabung duguop,ngasgoso TUHAN Waly Ayah mugo lo mot nogo taiti maiti,modo nugo takebali smu klong go nogo.
20
Mugo Zaitun sni go mo bubomo,ngano bubutmo,mot nemu kwa tong nemogo kali nogo tandali;nga,sedue kabung meno nogo,duon sawon ngano kabung duguop nogo tite.
21
Mugo usu sgo anggur go sni buogo,tandali go kwa buo;nga sedue kabung meno nego;sedue asing,duon sawon,kabung deguop.
22
Mot seduing,mot banimgo koibu tasmu Mesir so sususing go nogo;nganemot sgoso genam lo talinggo motang ngekalik so se smu.