Pasal 19

Kota-kota Yaimo Suinggo

1 Nagono mugo TUHAN,Waly Ayah mugo lo saula-saula yamso motuk mo,nga namogo negeri motang sno moitak go,TUHAN,Waly Ayah mugo lo,ngeno motang mo suing mo nemotang go sip no ngano nemotang go,kota-kota no,ngano nemotang go yap bolo mo suing. 2 Ngano,motang lo kota namon ei seitak,kota nga motang suing genang sgo,TUHAN,Waly Ayah mugolo motang no itak go,motang suinggo genang sgo. 3 Tap smu so mo ketsno se smu,ngano nangglik yamso se tigek,yakna nga TUHAN,Waly Ayah mugolo motang no itigo nemot,nagono sedue but go mo,nemot nga sno makap. 4 Ngenemot kalik kabe pengo,nogono sedue but go be,nga sno makap,ngano nemot ma wali,nagono nemodo sedue but go,kwa snung go nogo,nemot nga sagui kwa smu nanodeigo. 5 Menodali ngekalik,sedue namon duen bano klongfo ditigekso,nemot takonggo tikangok go tuwoso,tengang katui nemogo sui sokgo nemogo disiksgo nemogo andua ge seisuk no kapgo nemot kaiso kebong,nemot sekap kota menono nga so sesusuing. 6 Sedue kebonggo nga,nemogo blung yap logo nemot truikgo,nganno tugu go sgo kalik ya nemotang maning dabui piam ei susuinggo,tap masiket no sekap but dei go,nemoda nemot kalik go ya kwa but.Denok nganemot nap nemot dabui piam kea,ngano nemodo deiga sagui kwa smu. 7 Nganemot sgo so genam mang pepen motang nogo,ngekalik,kota nangglik gei segigit. 8 Ngano mugo TUHAN,Waly Ayah mugo lo,mugosip suing batasos mo smu,nga pnego kalik-Nemodo nembut ei pengo itakgo motanggo babu asino,ngano naklai motang no moitak negeri naklai-naklai nga mopen go kalik-Nemodo mugo babuasi nangno. 9 Motang lo dabui lo itigo mo keklong ma nempen ngenemot,TUHAN,Waly Ayah mugo nogo klum kangok so setra,wali keklon,ngasgoso nemodo kota nangklik dali matebok. 10 Ngasgoso,sedue piamkwa smugo,nemogo kin piei go,negeri nga TUHAN,Waly Ayah mugolo motang no itigo mugoso lemoi genang sgo ngano kin tebok geigo mot nogo,nga utang so malemoi. 11 Motang sedue kabung menono piam so moduing mo ngano so ngo nemotso mo bubung mo,ngano punggono mot nemot ipgo butgonemot kaiso kebong,ngenomot kaiso kapkota menono. 12 Sedue-sedue kota nganemot sgo pugo,nemot semlaksewawigo weng,nemotang nemogo kin wai pusgo,ngano nemotbutgo makebong dali. 13 Mot nemot nogo klum kwatra,nganemot kalik mang nemogo kin wai sesuep,nemot piam kwa smugo sedue Israel nesip siksgo,ngasgoso motang sueiso masuing."

Mansene Kwa lelo
14 Nansang tuigo kwa lelo nga tuigo sedue-sedue banim golo,nga mugo pusaka mang nga motang nogo mang negeri TUHAN,Waly Ayah mugolo motang no iti mugo soselemoi."

Sni Pen Genang
15 Sgo kalik piam mo smu mo,klaya duo seguong lo ikum gono pengo yakwa,namon ei,nangglik geigo lopengoso,numpen nganemot wamoi muleno makwa dugut,sedue nganemot so mulego iseng sedue,nemodo tebali klonggo saisuik kuokgo wamoi muleno. 16 17 Sedue namon nga plesagui nemotso smugo,nemotamon TUHAN go nemukuno seip,dmu sungkoiso pupuit go nemukuno ngano hakim-hakim mitno kunganemotno. 18 Hakim-hakim nemotang lo plesagui nganemot sueiso seikum,ngasgoso masnung,nemu soluikgo nge sniso pen,nge wamoi so mulego,ngano,masnung ngenemot wamoi so mulego, 19 ngano motang namogo nembut pen sikso maikum nemot sgo kalik yasmu nemogo entaton nemot nogo.Nganemot kalik mang,modo sepu,iseng ngekalik go tandali kwa smu,ngeno seyam. 20 Sedue kabung temung tupgo nemotang suali matra,nemotang tandaligo tasam piam gonemot makwa smudali. 21 Motnemotang nogoklum kwatra,nga malemoi nyawa ganti nyawa/modo sedue mobut mo,motmabut dali duo meno lo.Mata ganti mata,gigi ganti gigi,tangan ganti tangan,kaki ganti kaki/nemu,nemudalia setui wasrang dalia setui,ta,ta dalia setui,masi,masi dalia setui."