¹ Mot moklong plebano,plepungso,sedue nga motang ei plepungsgo mitno,mot nemotanggo kuda ei,kretaa ei moikum mo,ngano nemotang plesedue motadegaso,motang goei kwa kerlam,motang suali kwa tra nemotang no,TUHAN,Waly Ayah mugo lo motang ma wawigoklong,motang mapung Mesir siksgo ngano ma wawigo klong. ² Ngano motang plemopungmo,smusung koiso pupuit go banimsebsi ngano sepen sedue kabung no. ³ Ngano nemotang no sepen ngkalik,'Setup hai sedue Israel,motang ngeasui go plemangpung sedue nga motang ei plepung genang sgo ei,motanggo dabui kwa malo,ngano suali kwatra,dabui bubong kwa,ngano tamasi bubung kwa king nemotang nemotang ikum goso. ⁴ TUHAN,Waly Ayah mugolo,nemot makeng motang no,nemodo plematui nemotang ei go,ngano motang lo ma menang. ⁵ Plesedue no nembut so pengo ngekalik sepen,'Nandolo yap imeninggo yaklil,no ngaba uleso?Nemot seklong nemogo yap no,nemot kebong eigo plebano nano sedue kabung temung lonemogo yapbano suing. ⁶ Ngano,usu anggur nandolo ya smu,ngano nemogo sni maningkwa tra?Nemot seklong ngasikso nemogo yasno sepung nemot tebali plebano kebong ei go ngano sedue kabung temung lo nemogo sni madam. ⁷ Ngano nando kabung ei bai nang mo puno?Nomaning kwa dok nemot nogo?Nemot punggo seklong nemogo yap no,nemot plebano kebong eigo,sedue menolo nemot maiti.' ⁸ Ngano plesedue no nembut so pengo,nemogo plesedue no nge kalikso sepen,'Nando suali kangok so tra,ngano dabui ei malo?Nemot punggo seklong nemogo yap no,neogo dabui,nemogo entaton nanggo dabui ei ma kerlam.' ⁹ Plesedue no nembut so pengo,nembut yamso pengo plesedue no,ngano sataling ingkabui-ingkabui,nemodo banim ma bisi plesedue nemot sno makeng. ¹⁰ Motang keklonggo kota nga motang plepunggenang sgono mo dodagumo,motang lo sepu namotang no,sgokalik imot suei ya ya smu. ¹¹ Kota nganemot siksgo moyang mo suei smugenang sgo,nemotang lo yataput motunuingmo motang nogo,motang nga sgo nakalai-naklai kebali rodi motang nogo ngano hamba so selemoi motang no. ¹² Menodali kota nganemot motang ei sueismu sgo moiso mo,nemotanggo duduing motang ei pleya pungso,motang nemotanggo sip nganemot setuguot. ¹³ Motanggo TUHAN,Waly Ayah mugolo namotang nganemot motanggo tasno itak gono,ngano motang lo nemotanggo sedue kabung nga sno setuk yamso,sedue mo tengang lo seduk. ¹⁴ No,kabung,denok,manai ngano sgo-sgo nga kota nganemot sgo,naklai-naklai motang lo ijok go nga TUHAN,Waly Ayah mugo lo motang nogo so ijok go mang mugoso selemoi. ¹⁵ Nganemot kalikso sesmu,kota ketsgo nogo kota-kota nganemot motang ei saula klaya kwa. ¹⁶ Kota-kota,saula-saula nganemoda mang TUHAN,Waly Ayah mugolo motang no iti go,motanggo milik pusaka so lemoi genang,manai sgo-sgonembuem nimbit eigo kwa itak go wali. ¹⁷ Nganemot,naklai-naklai setuk nga sno yamso,sedue Het,sedue Amori,sedue Kanaan,sedue Feris,sedue Hewi,ngano sedue Yebus,nga sgo kalik so pen TUHAN,Waly Ayah mugo lo,nganemot kalik so sesmu. ¹⁸ Nga nemotang lo motang no tasam suei kwago kekejian mataling,nga nemotang lo smusgo nemotanggo ilah-ilah no,nganemot kalik mo,motang kon masmu TUHAN,Waly Ayah mugo no. ¹⁹ Kota no plepungso moklong mo,motang ple walong so mo pungmo sip nganemot sgo di kwa tuwo,tengang katui logo,nemogo sni tagot go ya sebue go dam,no nemogo temoi kwa tuwo,di nga sedue kwa nganemot sgo so sikwa tuwo. ²⁰ Dinga mot snunggo,nemogo sni yakwa dam,nga ya setuwo ngasno,dinganemodo tema mang ya kalik go ma teguot kota nganemot,nga motang ei plepung genang sgo,kota nganemot don ma pudeng.