Pasal 18
Dmusung Koiso Puitgo Ngano Sedue Lewi Nemotang Nogo taiti
1
Dmusung koiso pupuitgo sedue Lewi,sedue Lewi naklai-naklai,nemotang,milik pusaka kerlam-kerlamso sedue Israel ei kwa,taiti koino puit nang sgo TUHAN nogo ngano nemogo tite nemotang seiti nemogo rezeki.
2
Nemot milik pusaka kwa iti entaton nang daguno,'Nemogo milik pusaka TUHAN,nga-Nemodo mo janji go Kalik.
3
Nge dmusung koiso puit go tite,ngano kaum awam,nga nemotang nemogo taiti pupuit gonogo,lembu,domba dmusung koiso pupuit go nogo iti genang sgo kubum,teguot ngano teguwe yan kangok go.
4
Ngano,gandum usu imeninggoso buo go,anggur ei,ngano minyak ei,ngano domba go dit kuden so ibot go,nganemot naklai-naklai modo seijok koklong nemotang mitsno.
5
Nemoda mang TUHAN,Waly Ayah mugo lo kuoigo motang go tang siksgo,nemodo kuno-kuno TUHANgo Nembut ma pepen gono dewi mapu sui-Nemogono nemogo duo nang ei.
6
Sedue Lewi sip meno siksgo moweng mo Israel no,sip meno nogo,nemot nga ketsiksgo,nemot nemogo dabui lo wenggo madugut sip nga TUHAN lo kuoi geno.
7
Nemodo sembayang smugo TUHAN,Waly Ayah go sui no,nemogo sat,ngan trang nemot kalik dali,sedue Lewi TUHAN go nembut sepepengo ngaso.
8
Nemotang rezeki kerlam goya maiti,yakwa ikum nemot sgo iti,nemogo ulong duoiso itigo nemogo bau asi logo.
Bertenung Ngano Maning kwa lemoi go Pengo
9
Nagono mot modugut negeri TUHAN,Waly Ayah lo motno itigo no,mot kwa snung tasam pegop-pegopgo nga saula-saula nemo kalik.
10
Motang ba sgo ikum eigo sedue kabung nemogo duo sedue denok,kabung denok itigo koibano puit eigo,taiti nangso,buleso pengo,wamoi muleso pengo,penela,penyihir.
11
Sedue nembut tadabui no wamoi so pepen go,ngano sedue kebonggono pepenggo,ngano lap sno pepengo menodali sedue kebong gono mapukota ling.
12
Sedue kabung tasam ngakalik goso tetalinggo,nga TUHAN go Nemukunogo keji,ngenemot kalik go sikso TUHAN,Waly Ayah mugo lo motang matinget nemogo nemuku siksogo.
13
Motang wali keklonggo tasam piam gono yataput kwa tunuing,TUHAN,Waly Ayah mugo nemogo nemukunogo."
14
"Saula-saula ngamotang nemogo sip no suinggo nganemot no ikum go,tupgo peramal ei petenung eigono,nemoda mot nogo kwapu,TUHAN,Waly Ayah mugo logo tasam ngakalik go smusgo.
15
Dmusung koiso pupuit go motang nesipso mang,genam kalik go nemot motanggo sat,trang nga baso mang,genam kalik go,TUHAN lo nemot Waly Ayah mugo lo,motang nemot no setup.
16
Motang lo munduim Horeb no wadonggo kalik banim,TUHAN,Waly Ayah mugo no,kumotang pulepgono ngano ngekalik mang pu,'Genam nang moiso nembut TUHAN,Waly Ayah go tup sgo ngano koi kangok go,genam nang ikum sgo moiso!'
17
Ngano TUHAn lo mang pu genam no,nembut nga nemotanglo pugo nga suei.
18
Dmusung koiso pupuit go Genam lo mapugo ip motang nesip sikso mot kalikgo,'Genam logenam go-Nembut nemogo lombano matui,dan nemodo mapu nembut naklai-naklai nemotno pengo nga motang no mapen.
19
Sedue kabung nga Ago Nembut kwa teyap go nga dmusung koiso pupuitgo,genam lo motang nogoso pugo ipgo nemot da pengo nogo-Ago suino,Genam lo motang tang mausi motang sueiso sepen.
20
Dmusung koiso pupuit go nemot bubong kwaso nembut-Ago sni no pengo,nembut nga Genam logo kwa pu ilah-ilah menogo suiya pen,dmusung koiso pupuit go nganemot makebong.
21
Motang lo mugo dabui balo moduing mo,'Genam nang sgo kalik ya snung nembut nga TUHAN lo kwa pengpo?
22
Nga,ngekalik mang,dmusung koiso pupuitgo nemodonembut pengo TUHANgo sni no,bubong kwaso ngano nembut pen nganemot sni kwa lemoi,ngano nembutpen nemot nogo kwa pung,;nganemot no seikum nembut nga TUHAN siksgo kwa,Dmusung koiso pupuitgo nemodo daguin ei pengo bubong kwaso,motang suali kwa tra neogo nembut no."