Pasal 17
1
Taiti Tuhan nogo,manai lemoi lembu,domba suei kwago kwa iti,TUHAN,Waly Ayah mugo ikumgo kekejian.
Nali Wabuno Ta Kokonggo make bong
2
Nagono sip nga motang mitsgo sip meno moiti TUHAN,Waly Ayah mugo lo,ngano kabung sedue mot ikum go tabat piam go smugo TUHAN,Waly Ayah mugo,nemogo-Nembut pen itak goei guotgo.
3
Ngano klonggo dewi allah kwasnung gono pupu susu bu wit nemotno,menodali woino,bamuno ngano plesedue ut blo logono,nga nemodo pugo kwasmu!
4
Nganemot pengoso ngano nemotang tupgo mot sueiso sewet.Nganemot sni seguong somo,nga piam-piam go sni seguong so sedue Israel lo smugo,
5
Modo sewawi go pung kabung ei sedue ei nga tasam piam go so smugo nemot,ja sno yataput no sewawigo pung,ngano sedue ei kabung ei go nemot modo demu lo bubut sekebong.
6
Sedue namon,nanggklik sekeng nemuluik genang so,nemot butgo kebanggo,nemotang lo mapen namon duo go pen go so,nembut pen nganemot mayang,klaya duo lo mopen mo kwa but go kebong.
7
Nga nemuso ikum go nganemot nang lo mang banim nemot but,ngano sedue kabung naklai,nganemot sgoso,modo sesuep iseng eigo imotang nesip sik sgo.
Pengadilam Blodega Sni so
8
Nembut sagui smugomot sno pengo,modo ikumgo yakwa mo,sedue but go,wai but dali,pensgo wai wai so,menodali kuwo ya smugo,mugo sip no sewawi go klong sip nga TUHAN,Waly Ayah mugo lo kuoi go sip no.
9
Mot seklong dmusung koiso pupuit go mitsno ngano seklong hakim-hakim mitsno nemotang no puguno,nemotang lo mapen,gono nembut nganemot mot sno mapen.
10
Nemotang lo sgo kalik pen,mot nganemot no sekeng,sip nga TUHAN no mokuoi go,mot nganemot nganemot kebali nemot suei so dabui lo sesmu naklai-naklai nga nemotang lo talinggo nemot mot sno.
11
Nemotang lo mot sno pengo nemot ngano nemogo sni ikum go nemot,mot sno pengo,modo ngekalik so se smu,mot keklonggo masi nga iji no kwa gualing tasemelea iji sno ngano takali iji sno,nga nemotang lo nemogo nembut motno pengo kalik.
12
Sedue nga waidang-waidang ei uwet go dmusung koisopupuit go nembut nogo yakwa tup go,nemot ngano ipgo TUHAN go nembut so pepen go,Waly Ayah mugo,ngano hakim go nembut,sedue nganemot makebong.Ngekalik modo sesuep nemogo iseng kangok go sedue Israel nesip no.
13
Saula nganemot naklai-naklai tupgo ngano suali matra tasam nganemot kalikgo tandali makwa smu.
Hukum Iryam nang Nogo
14
Nagono imot modugut negeri nga TUHAN,Waly Ayah mugo lo,ngano modugut go suing mo,ngano modo ngekalik mopumo,'Genam Irayam kuoiso genam nang blonogo so,saula mam nga imgo taton dabui lo suinggo kalik.
15
Iryam ya ma TUHAN,Waly Ayah imgo lo makuoi,nganemot modo sekuoi genam nang nogoso.Nemogo entaton,kabui sroyap nesip siksgo,modo Iryam sekuoi,nemotang nogo,sedue sip menosiksgo no kwa kuoi motang nogo.
16
Menodali,mot kuda mataso kwa pong ngano saula nge tandali Mesir sno kwa ijok go klong,ngano kuda mataso ijok,TUHAN go Nmebut mang Weng neot no,'Mot tandali go tap ngelo kwa Weng.
17
Nemot no sepu kabung mataso kwa ijok,nemogo dabui ma iwot,ngano emas,perak mataso kwa ijek go ta mataso.
18
Nemot takhta kerajaan blono mosuing mo,nemot sepu menoduo,klik genang sgo,nemot nogoso hukum nge sam klaut no ikum gono nga dmusung koiso pupuit gono,sedue Lewi.
19
Nganemoda setui nemot mitno,ngano seikum nembut pen klik go nganemot,yagui-yagui nemot susuinggo,nga sgoso nemot suali matra TUHAN,Waly Ayah nogo ngano tama mulok nembut kluim nganot no ngano nemogo tap-tap taling gono.
20
Nga sgoso nemot dabui ta makwa tegue,nemogo entaton nang gono,ngasikso nemot kunala piam go duing eigo,nganemot makwa keng Nemutpen nogo,masi tasemeliaji sno ngano takali iji sno gualing eigo,ngasoso nemot walongso ingkabui sgo masuing,nemodei nemogo duo nang ei sedue Israel nesip nogo."