Pasal 14
Gunuing Kwa Suing
1
Motang nga TUHAN,Waly Ayah mugo,nemotanggo duo nang mang,motang tandali tandali kwa iwot ngano buto kwa mundok,mugo suo meno yapba sgo kebong go sikso.
2
Mot nga sedue kabung mo kudus go mugo TUHAN,Waly Ayah mugo lo,ngano mot nga TUHAN lo mokuoi go nemogo sedue kabung nemodo-Nemot no klum trang,saula-saula kuknan blo sgoei yakwa kerlam.
Manai Dedam Goei Ngano Kwa Dedam Goei
3
"Mot kwa dam sgo-sgo nga keji go.
4
Ngenemot kabe:Manai nga masi empat yamsgo motang dam nang sgo,lembu,domba,kambing,
5
rusa,kijang,rusa dandi,kambing hutan,kijang gunung,lembu hutan,dan domba hutan.
6
Manai nga nemogo masi empat yamsgo,ngano masi won namon so tigek go,nga nemogo masi won walong-walong dega go ngano namon ei ngano nemotang nigiwen na dedang go.
7
Motang yakwa damgo kabe,masiwon tigek go ngano masiwon bersela:Unta,kelinciduen basgo ngano marmut,nemotang nganemot naklai-naklai nigiwen so dedam go,masiwon kwa tigek,mot kwa dam,sekagot.
8
Ngano nembo duen basgo,nemogo masiwon tigekgo,nemotang nigiwen kwa dedam,mot kwa dam sekagot,manai nganemot nogo takwa mulok,ngano,pegop go mo nemot nogo takwa mulok.
9
Ngeasedam bubalo uwet go ya,nga nemogo munsruip eigo,ngano kontrop eigo ngaya motang sedam.
10
Nga kontrop kwago ngano musrip kwago motang kwadam,naklai-naklai nga motse kagot kwadam.
11
Uwinok kwa kagot go sedam.
12
Nge motang kwa dam:Weilai kwa dam,wadi ui,uisuyam,
13
wiudo bai,kabui kin,wi dendang nemogo temung dali mang,
14
Wi sman,
15
wi sai nambi,camar,elang/syam,
16
wi pungguk,wi syam,wadi wi kangokgo,wadi wi klaut go,
17
wi undan,wi syam,wi bupalo,
18
wi ranggung,wi meragai,you,
19
wi naklai-naklai blolo plinggo uwet go,yangga kagotso,kwa dam.
20
Wi nok mot dedam goya sedam.
21
Manai mo guoi-guoi go kwa dam,mogo seiti sedue kabung sip menosiksgo mot dagu so susuinggo nemotang no seiti go dam,mogo duoi so seiti sedue kabung temungno,mot nga Nemogo umat mo kudus go TUHAN,Waly Ayah mugo nemot nogo so,kambing nok nemogo unengo minsiksgo bainoo kwa suik.
22
Mot snsi-sni seguong so taiti sepersepuluh mugo usu sni smugo sikso ijokgo yagui-yagui.
23
TUHAN,Waky Ayah mugo,sip nga-Nemodo kuoigono nganemot sgoso-Nemogo sui ngaso magigit,motsedam persembahan persepuluhan gandum siksogo,anggur siksogo ngano minyak siksogo ngano duo trang sgo lembu sapi,kambing domba ngasikso mot sesnung ngano swali tra TUHAN,Waly Ayah mugo no.
24
Mot TUHAN,Waly Ayah mugo lo berkati so mo,tap nga maning ketdega,nganemot kwa keng,sip nga nemodo mokuigo-Nemogo sui ngano maitak,nga nogo mugo sip ket dega.
25
Duoi so selemoi ngano suoi ya seiti go weng amplop bano kinggono seitigo uweng,ngano seitigo klong sip nga TUHAN,Waly Ayah nemodo kuoi gono.
26
Mot duoi nga itigo sgo-sgo seijok mugo duduing no,lembu sapi,kambing domba,anggur ngano bu durop go mamawo go kalik,ngano nugo duduing no ngeno sedam,TUHAN,Waly Ayah mugo nemogo nemukuno,ngano yakai sesmu,mot ngano mugo blungdo yap modei susuinggo.
27
Ngano sedue Lewi nga motang mitso susuinggo modo nemotang nemuketeng golo kwa ikum,nemot modei kerlam so milik pusaka kwaiti mang.
28
Yagui nangklik banu yam sgono,ngano mogo taiti seijok,persepuluhan,nga mugo usei logo,usu siksgo,yagui ngeno modo mugo kotono tuigo.
29
Ngano,sedue Lewi nemotang milik pusaka kwaiti motang ei kerlam so.Ngano sedue ket siksgo,donsowon kabung deguop,nga motang mitsgo wenggo motang mitno sedam,ngano nutemoigo.Nga sgoso TUHAN,Waly Ayah mugo lo mot nogo taiti maiti,mugo usei sesemu klonggo banogo mugo talo."