¹ Nagono motang mit no dmusung koiso pupuit go mo pung mo,menodali ingkabui mopung mo,ngano motang no motaling mo mujisat, ² ngano nembut pengo ngano mujisat nemot mo lemoi mo,nganomot so mo pu moweng mot kengdali ila nganemot nogo,dewi yapugo nemot no.' ³ Mot kwatup dmusung gonogo,weng imot nemot nogo,menodali ingkabui nganemot nogo,TUHAN,Waly Ayah mugo motso uji go mot sni-sni seguong so nemot no yakeng mugo TUHAN,Waly Ayah mugo nemot no kaiso sekeng dabui ei ngano mugo ikuei. ⁴ Motang go TUHAN,Waly Ayah mugo nogo motang sekeng,motang nemot no suali setra,matang tase mulok Nemogo-Nemobut no,Nemogo-Nembut kluim motang setup,nemotno matang dewi sepu ngano setebok. ⁵ Dmusung koiso pupuit goei ngano,ingkabui ei ngasno dokgo sebut,nemotang sikso motang ma murtad TUHAN,Waly Ayah mugo nogo,nemodo goso motang Mesir siksgo wawigo mangpung,ngano motang mang tebus yap nga motangso budak go siksgo.Motang lo sesuep tasam piam go motang siksgo. ⁶ Nagono mugo kemdet,miago suo,mugo duo sedue denok ngano duo kabung denok,ngano mugo kabung,ngano mugo adwa,mot wamoi so ma mulego,ngano mapu,'Weng imotang ila no dewi ya pugo,mot maning kwa snung mugo babuasi kwa snung dali. ⁷ Saula-saula go ilah nga mot mitsgo,nga mot dagu sgo,ngano ket sgo nan sring no.' ⁸ Mot nemot no kwa malo,ngano nemot no kwa tup.Nganomot nemotang no klum kwa tra,ngano nemodo piam smugo,mot nemotno kwa tebok. ⁹ Nga sno sebut!Ngano mugo talo sebut,ngano sedue kabung temung setebok. ¹⁰ Modo nemot demulo sebut go kebong,nganemo go duduing mot mulue sgoso,mot mugo TUHAN,Waly Ayah mugo siksgo tuei sgo,nga nemodo goso motang mang wawi go pung nan Mesir siksgo,sip nga motang so budak go. ¹¹ Sedue Israel naklai-naklai motup no swali matra,ngano nemotang swali motang nogo,tandaligo tasam nga yakwa taling." ¹² Kota meno TUHAN,Waly Ayah mugo lo motang no moiti mo,motang ngano suing nangso mot tup go sedue kabung lo mapu mo, ¹³ "sedue kabung dursila mang motang mitso,nemotanggo kota sgo sedue kabung mang mule go nemot no kong." ¹⁴ Mot suei so seikum go ngano nemu setong,ngano seusi suei so.Nganemot snisgoso,tasam suei kwa go motang mitno smugo. ¹⁵ Mugo sebut ngaso sedue kabung kota nganemot sgo tengang lo,nga sno seluk tengang lo,nga sno seluk tengang lo,nemotang tanggo manai. ¹⁶ Nemotango jarahan seta lapangan no,ngano koino sepuit,jarahan nganemot,nga taiti kalikgo mang mugo TUHAN,Waly Ayah nogo naklai-naklai nga timbunan puing kalikgo mang tandaligo yakwa no. ¹⁷ Ulong nga tago nemot,nemogo lokop,nang kalik go,mugo tanogo kwa tebok,TUHAN tandali go piam makwaiti,ngakoi kalik blon go-Nemogo klum ya maweng motang nogo,klum traga motang mamiyam,nga-Nemogo pengo kalik,tegadiei mugo babuasino. ¹⁸ Nganemot kaliksgoso motang TUHAN,Waly Ayah mugo nemogo-Nembut nogo matup,ngano makeng tap nganemot no,nga nemodo pengo ku ngenemotno,ngano tasam sueigo se smu ngano snieigo,TUHAN,Waly Ayah mugo nemogo nemukuno."