¹ Nganemot kabe,nembut takebali smugenang dabui lo negeri nga TUHAN,Waly Ayah mugo babuasi logo,motang nogo,motang suinggenang so,motang maning kuknan bloso susuinggo. ² Sip nagomo,yamso setuk,saula-saula gisop namogo,mot mosuing mo,nemotanggo naliwabu nomotang dabui maiwot,munduim kangok gono,munduim kalong ei tonggo,ngano,di nuik bano nemogo dop kangok. ³ Nemotanggo mezbah ngasno setruong nemotanggo tuguh taso kokonggo ngasso sekusop,dinuik bano ta kokonggo ngasno sepuit,dmu lo smugo ilah-ilah taso kokonggo ngasno setigi,nemotang sui ngasno sesuep sip nganemot siksgo. ⁴ Motang tasam nganemot kalik go mugo TUHAN,Waly Ayah mugo nogo taling. ⁵ Sip nga Tuhan Waly Ayah lo kuigo,tang menosiksgo-Nemogo sip suing nangso nga nogo-Nemot mugo sui walong luik nangsgo ngano,sip nganemot motang lo sewet ngano sip nemot no motang seklong. ⁶ Taiti puit nang sgo sno seiti go klong,ngano taiti knanosgo,ngano drang persepuluhan,taiti modogo,ngano taiti nazar,ngano taiti mugo klum,duo trang sgo,lembu sapi,kambing domba. ⁷ Ngano,motang ten madam TUHAN,Waly Ayah mugo nemogo nemukuno,ngano yakai mapla,modei mugo blung duo yaba sgo,nga mugo usei basgo mot nogo taiti nga TUHAN,Waly Ayah mugo lo itigo. ⁸ Mot sgo-sgo kwa smu nga imodo ngeno smugo ngeasui,nemogo-nemogo kabe smu natugum,nemotang so ikum go nogo suei. ⁹ Ngeasui gono punggo motang maning kwa pung sip perhentian nogo,ngano milik pusaka nga TUHAN,Waly Ayah mugo lo mot no pugo. ¹⁰ Motang bu Yordan sue gono ngano motang negeri nga motang no itigo TUHAN,Waly Ayah mugo lo motang nogoso.Ngane Nemodo motang yaisuing genang sgo itigono motanggo yap taton,dabui,kling-kling nemodo ngano mot sgo-sgo kwaso masning. ¹¹ Sip nga TUHAN,Waly Ayah mugo lo mo itigo-Nemogo sui ngano suing sgo,naklai seijok go klong nga genam lo pugo,nga taiti puit nang sgo ngano taiti kop nang sgo,taiti nazar nga modo kuoigo,nga modomo nazar go TUHAN nogoso. ¹² Motang yakai sesmu TUHAN go nemukunogo Waly Ayah mugo,motang nge nemogo duo sedue denok ngano kabong denok,ngano nemogo hamba sedue,hamba kabung ngano sedue Lewi nga motang mitsgo,sedue Lewi nogo m lik pusaka kwa iti nemotang nogo. ¹³ Sueisose,motanggo taiti sebali sip meno meno no kwa modo ikum gono kwa klonggo puit. ¹⁴ Nosip nga TUHAN no kouigo motanggo tang banogo,ngano taiti sepuit,ngano mot kebali sesmu TUHAN mot nogo sgo kalik pen,nganemot kalik sesmu. ¹⁵ Motang mugo dudinggo manai kopgo sedam,sgo kalik nemodo motang nogo iti TUHAN,Waly Ayah mugo lo,nga motang no itigo-Nemodo motanggo sip no.Sedue tahir,najis sedam dali sip ngaso motang ei susuinggo,manai kijang ngano rusa. ¹⁶ No,nemogo kin kwadam no,ngasno seitak go sepi nan blosno bu kalik. ¹⁷ Mot persembaham persepuluhan mugo kwadam mugo gandum siksogo,anggur siksogo,ngano minyak ngano mugo duo trang sgo,lembu sapi,kambing domba,ngano korban temung taiti mugo klum nazar nangsgo,ngano taiti khusus. ¹⁸ TUHAN,Waly Ayah mugo Nemogo nemukuno,motang nganemot sedam,sip nga TUHAN,Waly Ayah mugo lo,mugo duo kabung denok,duo sudue denok,hamba sedue,hamba kabung,sedue kabung Lewi nga modei susuinggo,motang yakai sesmu TUHAN,Waly Ayah mugo Nemogo nemukuno,Nemodo goso mot nogo taiti nga kalik go itigo. ¹⁹ Mugo basomang,sedue Lewi kwakai,mot maning kuknan bloso susuinggo. ²⁰ Nagono,TUHAN,Waly Ayah mugo lo,mugo sip nga kangok so mo smu,nga motang no penge itak go kalik-Nemodo,mot seduing,'genam manai damso,mot duinggo genam manai damso,nga kalikgo sedam mugo duduing no. ²¹ Nagono sip nga TUHAN,Waly Ayah mugo lo kuigo,Nemogo sni ngano pen sgo,ketno semotang go sip siksgo,nganemot no,mot sekop,lembu sapi,kambing domba,nga TUHAN no mot no itigo kalik,ngano genam lo motang no pengo kalik,ngano manai sedam mugo sip no,mugo  duduing no. ²² Motang nemogo kedong nga sedam,kijang go kedong ngano,rusa go,sedue najis,sedue tahir sedam. ²³ Ngano yai sueise sesuing,mot nemogo kin dam ei go,ken nga nyawa,nemogo nyawa kedong ei kwadam. ²⁴ Mot kwa dam,nemogo kin busno se pi bu kalik. ²⁵ Mot kwadam,ngasgo,mot sueiso masuing mugo duo nang ei ngano,medo tasam suei gomo smu mo TUHAN go nemuno. ²⁶ Mugo taiti nga mugo tite ngano taiti nazar sgo mot seitigo klong sip nga TUHAN lo pugono. ²⁷ Mugo taiti seibot motang,kedong,kin TUHAN,Waly Ayah nemogo mezbah blono,ngano nemogo kin sesot TUHAN,Waly Ayah mugo nemogo mezbah blosno no nemogo kedong ya motang dam nang so. ²⁸ Suei so setup,genam lo nembut pengo motang no,ngasgo so motang suei so masuing mugo duo nang yan sigo,yagui-yagui,motang sueigo mosmu mo TUHAN,Waly Ayah mugo nemogo,nemukuno.