Pasal 11

Tuhan kangok

1 Motang TUHAN,nogo taiti kangokso saiti Waly Ayah mugo nogo,dabui lo takebali nemot nogo sesmu,ngano-Nemodo tegadi penge nga nemotno,ngano takebali-Nemodo pengokalik. 2 Motang sesnung ngeasui,mugo duo nang no kwa pen,ne motang kwa snung,ngano kwa ikum Ago nembut talinggo,TUHAN,Waly Ayah mugo - Nemogo klum kangok go-Nemogo ta kangok go,nga don kangok ngano-Nemogo yalu yuk go. 3 Talinggo,moikum go,tasam-tasam,Nemodo talinggo Mesir no,Iryam Firaun no,ngano sedue kabung naklai Mesir sgono. 4 Nganemot kali smudakigo-Nemodo,plesedue Mesir sgono,nemotanggo kuda-kuda ngano kereta-kereta ngan nemodo sgokalik sesmu biap bu Teberau teiso kaiso kibet go nemotang blono,nemotang lo matang trik goso,nga sgoso TUHAN lo nemotang yamsobut naklai. 5 Sgo yams-Nemodo go motang padang gurun nogo,nga sikso motang ngeno punggo. 6 Ngano smu daligo-Nemodo,Datan ei ngano Abiram ei gono,Eliab go duo nang nogo,Ruben  go duo nang ngano nan lomput batago ngano nemotang yamso gut nemogo yap ei,kemah-kemah ngano nemotangno kenggo naklai,Israel naklai-naklai nesip no. 7 Motanggo nemu sno lo ikum go naklai-naklai tasam kangok go smugo TUHAN lo.

Tamulokgoso Taiti Maweng takwa mulok mo Piam yama weng
8 Ngasgoso motang tasemulok nembut kluim nga naklai mopengo Nemodo motang nogo kungenemot no,ngasgoso motang don makok dugut nang sgo,negeri nga motang klong nagono yasuing. 9 Nan nga TUHAN lo motang nogoso pengo/janji go ngano go so,motang wali walong so maklong sip nga mugo babu asi no tegadi ei modok go nemotang no iti genang sgo ngano motang no nemogo duono-duono iti genang negeri nga susu ei madu ei tram gono. 10 Negeri nagono motang klonggo suing,sip nga Mesir kalik so kwa,nogo sikso motang punggo weng,nga talo kwaligo nga bu sesot,mugo sugu ot lo,mugo usu talo kwaligo balik,rum ei. 11 Negeri nagono mot dugut,mot nganemot no suing genang,sgo,negeri nganemot munduim ei ngano lembah ei,sip nganemot bu mataso,sei ut blo sikso pugo kalk. 12 Negeri nge TUHAN,Waly Ayah mugo lo yei susuinggo,TUHAN,Waly Ayah mugo nemogo nemu tuigo mang bung ku lemoi go sikso itigo kuyam sgono. 13 Motang sni seguong Ago nembut pengono tup makeng mo ngeasuigo kuno,ngasgoso motng klum matra mugo ,TUHAN,Waly Ayah mugo nogo,ngano dewi mapu-Nemot nogo dabui lo naklai ngano yuku nemot dali. 14 Nemogo samapu imgo nan blonggo yagui sayam nogo sa banu imeninggo nogo ei,ngano banu yagui yamno goei,nga sgoso motang gandum mabuogota,anggrur,minyak. 15 Ngano nigiwen Nemodo smugo ladang no mapung mugo,manai ten iti genang sgo,nemotangno ma lemoi. 16 Suei sose,mot duo menono tebali keng ei go,mot dewi pupugo siksogo iwot eigo ilah temung sno mot susu bu wit eigo nemot sno. 17 Nganemot kalik  mo TUHAN motang nogo tademun mabut,ngano ut makibet ngano sa yakwapu motanggo usu smugo sni suei so yakwa tagot,ngnao motang kedaso ma kebong kedaso negeri suei go siksgo,nga TUHAN lo motang no itigo. 18 No,motang nge Ago nembut pen na motanggo dabui bano seking ngano mugo yuku nogo.Nganemoda suei so semulok mugo tano,ngano mugo suong don bano setui. 19   Ngano modo setaling mugo duo nang nogo,nembutpen sepen go itak,nagono mot yapbaso mo susuinggono,mendali,mot tap masi keklonggo,nagono mot kulo srek gono,nagono mot usne basikso bonggono. 20 Modo seklik mugo yap dino,menodali yataput no. 21 Nga sgoso modei mugo duo nang ei wali walongso masuing kuknan blonogo,nan nga TUHAN lo mo pengo mugo babu asi nang no tegadi dok go ngano iti go,ut maning kuknan blo sgono.' 22 Motang sni-sni seguong so ta mulok go Ago nembut pen no ngano takebali smugo,ngano TUHAN,Waly Ayah mugo nogo kangokso setra,ngano tap masi keklong go-Nemodo pengo kalikso seklong,ngano nembut no dabui seiti. 23   TUHAN no mayat saula-saula mugo nemukusiksgo,ngano nemogo sip motang lo masuing kangokgo ngano nemotang don kangok motang ei go ya kwa kerlam. 24 Sip nagono mugo masi dabui lo mo gualing mo,sip nganemot mot sno maitak,padang gurun sikso itigo munduim Libanon no pung,bu nganemot no,bu nemogo sui Efrat sikso biyap woi sut iji,mugo sip so malemoi. 25 Sedue kabung mot no ukunala piam go moduing mo,nemot sno maiwot tandali,;TUHAN,Waly Ayah mugo lo masmu negeri naklai-naklai modo gualinggo nga bubung ei ma ngano suali matra mot nogo,nga TUHAN lo motnang no pengo piam ei. 26 "Ikuma,Genam lo motang sno iwot go ngeasui go taiti nang sgoei ngano piam ei. 27 Berkat/taitimo nga not TUHAN go nembut penggo motup TUHAN,Waly Ayah mugo lo pengo ngeasui. 28 Ngano kutuk/piam mo,mot TUHAN,Waly Ayah go nembut pengo kwatup,ngano masitap iji lo manggualing ngeasui,mot nali wabu no mang mokeng nga mot kwa snunggo. 29 Nagono mugo TUHAN Waly Ayah lo,mo wawigo klong negerino,nga motdugut go ngano suing nang sgoso,mot berkat sesmu munduim nganemot blono mungduim Gerisim ngano piam munduim Ebal no. 30 Nganemot woisut ijino mang bu Yordan no,tap kangok go ijino woisut iji,sedue kanaan gosip,negeri motang Araba Yordan so,di tentangan Gilgal di Tarbantin daguso nganemot Mores so? 31 Motang ngeasuigo bu Yordan masue kesalo ngano mudugut negeri nogo ngano motang sesuing motang no moiti gomang TUHAN,Waly Ayah mugo lo motang nogoso,nagono motang nganemot no dugut go suing. 32 Motang nganemot sniso dabui lo sesmu naklai-naklai pengo ngano tapmasi klong genang sgo genam kabe tetaling ngeasui.