Pasal 10

Nembut Penlo Dmu Imeninggo

1 Kunganemot no,TUHAN go nembut mang weng genam sno,"Suei so sepep dmu nganemot banim go kalik.Seklak genam mitsno munduim blono,ngano tabut se smudilo. 2 Ngano Genam maklik loh no,sam klaut,nga loh banim gono klik go kalik,nga modo kusop go nganemot kalik,ngano loh namon gnanemot tabut bano matui.' 3 Genam nganemot so tabut kabe smu di penago lo,ngano loh demu namon ei go pepgo suei so banim go kalik nga mokusopgo,ngano genam munduim no mang klak loh namon ei go nganemot tano itigo. 4 Loh nganemot no,nemodo klik go,banim klik go ei kerlam,sepuluh firman Tuhan lo pengo,genam sno munduim sno koi blongo basikso,ku nga motang pulep go,nganemot no TUHAN no mang iti mot no. 5 Ngano Genam mang li tandali munduim siksogo,ngano genam lo loh-loh nganemot mang tui tabut basno nganemot mang tui,TUHAN lo sge kalik so pu nganemot kalik mang smu." 6 Ngano sedue Israel mangklong Beerot-bene-Yaakanit Mosera sno.Ngano Harun mang kebong go tuet,ngano Eleazar,nemogo danon,dmusumg koiso pupuit goso mang lemoi ngelangin go sip dali so. 7 Nga sikso nemotang nemotang klonggo gotgot no mang pung,Gudgoda sikso Yotbata sno sip nganemot bu mataso. 8 Kunganemot no,TUHAN lo mang taling Lewi go tang nemotang lo Tabut TUHAN go malek.Tabut perjanjian TUHAN go Nembut nemotang lo melekgo klong nganemot sikso taiti-Nemogo suino,ngasikso itigo ngeasui gono mapung. 9 Ngano go suku Lewi nemotang nogo kwa milik pusaka naklai nemogo sat trang ei,nemotanggo milik pusaka TUHAN,nemotang no nganemot kalik so mang pen TUHAN,Waly Ayah imgolo go. 10 Ngaso genam nge munduim blono kabe ip,nga banim go kalik so,kuklik go empat puluh ku blonggo empat puluh dali,ngenemot TUHAN kabe tp genam nogo:TUHAN moiso motang tang ei buinsgo. 11 Ngano TUHAN go nembut mang weng genam sno,'Motang sip,seklong saula nge go nemukulo,nga sgoso motang madugut go negeri jani gono,tegadi ei dok go mugo babu asino pengo motang no iti genang.

Sedue Israel no Nembut Mang Kinggo Sekeng babuilo Ngano Taiti Suei Sepu
12 No ngeasui go,motang sedue Israel,motang siksgo TUHAN,Waly Ayah mugo,segoya ya pen,suali kangok so setra,ngano tap masi-Nemodo taling go blolo sekeklong motang taiti seiti nemot nogo sepu,desi sepu,TUHAN,Waly Ayah mugo nogo dabui lo sni-sniso ngano,mugo ikum nemot dali. 13 Tase mulok nemogo nembut pen no,ngano tagedi TUHAN lo dok do,nga mo pengo motang no kungenemot no,nga sgoso mugo wali suei so masuing. 14 Sni seguong so,TUHAN,Waly Ayah mugo lo pugo ut nge nemogo ut nga naklai-naklai blosgo,ngano kuknan naklai-naklai nanblosogo nga nemogo. 15 No,mugo babu asin TUHAN go dabui kabe ijob nganemot nogo klum kabe ta,ngano nemogo duonang motang kabe,nga-Nemodo kuoigo,saula menosiksogo,ngeasui go be. 16 Ngeasuigo mugo dabui se sunat kwa tegartengkuk. 17 TUHAN,Waly Ayah mugo naklai-naklai TUHAN,Waly Ayah nemot kangok,don kangok ngano dahsyat,nemot nga yakwa kuoi ngano sukno yakwa ikumten logo yakwa mule. 18 Nando,kabung deguop ei denok donsawon ei gono motebok mo ngano nemogo klum sedue ngano amka kok nang sgo ei. 19 Nga mugo klum talinggo mang sedue kabung sip menosiksogono,motang banimgo nemotang kalik dali Mesir so susuinggo. 20 Motang suali setra TUHAN,Waly Ayah mugo nogo-Nemot no mot tasekokong ngano setebok,ngano-Nemogo suino mot nembut sepu. 21 Nemot nga taiti suei pugenang ngano,nemot nga Waly Ayah mugo.Nemodo mang smu tasam-tasam kangok nga dahsyat go,nga motanggo nemolo mo ikum go. 22 Nga,mugo babu asin Mesir no klonggo tujuh puluh yamso,no ngeasui go TUHAN Waly Ayah lo,smugo motang motadega so,top ut sgo kalik.