Pasal 9
Setup Sedue Israel Dabui Takwa Teguwe Mugo Jasano Ikum Gono
1
Setup sedue Israel!Motang bu Yordan masue ku ngeno motang dugut sgo ngano suing sgo saula-saula go sip kangok dega ngano,nemotang don kangok,motang eigo yakwa kerlam,kota-kota nga kangok go ngano kubu ei ut no kling.
2
Saula nganemot kangok-kango dega ngano walong-walong sedue Enak kangok go,mot mo sununggo ngano mot mo tupgo nemotang sgo,sedue kabung sikso,nando logo ya kong nemotang ikum go sedue Enak kangok go."
3
Ngasgoso se snung ngeasui,TUHAN,Waly Ayah mugo Nemodo ba nim basigo ikum go koi blon golo kuim go kalik,Nemodo,mabut yamso kusno mau nuik nemotang,ngano modo nemotang matuk yamso nga TUHAN lo motang no sgokalik so pen,nganemot kalikso malemoi.
4
Modo mugo dabui balo kwa duing,TUHAN,Waly Ayah mugo lo nemotang moyat mugo nemu kusik sgo,'Motang lo kwa duing genam nang naklai go se nga nogo negeri ngeno dugut go,sesnung nga,nemotang TUHAN kwa snung go siksgo TUHAN lo saula-saula nga yatgo mugo nemuku siksogo.
5
Nga mugo usei lo kwa,ngano mot,sni suei so snunggo siksgo kwa dali,mot dugut go nemotanggo negeri no suinggo nga,nemotang tasam piam goso sesemugo,TUHAN,Waly Ayahmugo nemotang,kwa snung.Nga sgoso nemotang yat go motanggo nemukusuik sgo,nganemot no TUHAN lo nemogo-Nembut pen malemoi,nga tegadi ei modok go mugo babu asi Abraham,Ishak ngano Yakub no.
6
Nganemot sgoso se snung,nga mugo usei sikso kwa,TUHAN,Waly Ayah mugo,mot no itigo negeri suei go motang suing genang.Sni seguong so motang nge saula tegar tengkuk.
Horeb Punggono Nemotang Tuhan no Keng sogo moiso
7
Seduing kwakai,motang lo TUHAN,Waly Ayah mugo no smugo nemot dabui sadui trago padang gurun no,nga motang padang gurun sikso punggono,ngasik sikso wonggo ngeno kabe punggono,motang lo TUHAN no nembut wai ei kabe pu.
8
Horeb no motanggo tasam sikso TUHAN gusar TUHAN motang nogo piam ya maiti,ngano motang tang ei ma buin!
9
Genam munduim klak gon,ngano loh-loh nembut tegadi dok gono TUHAN lo imot ngano genam suinggo empat puluh hari yamso,ngano kuklik go empat puluh yamdali so munduim no.Genam roti kwa dam ngano bu kwa darop.
10
TUHAN lo loh demu siksgo namon ei genam no itigo,nga nemot Waly Ayah go talo klik go nemogo duguwo teguop pengo naklai-naklai nganemot bano mang klik TUHAN no,nemot no pengo munduim nganemot no koi nesip bano sikso kunga nemot no nemotang pulep gono.
11
Ku empat puluh hari ngano empat puluh malam itak gono ngano TUHAN lo loh dmu lo smugo mang iti nemot no, loh-loh perjanjian/tegadi dok do.
12
Ngano TUHAN go nembut man weng genam no,'Bong ya,liya ngesiksgo,mugo saula,nga modo Mesir sikso wawigo punggo,tasam pegop go smugo,nemotang genam lo pengo no kwa keng,nemotang lo patung tua ngan smugo.
13
Tandali TUHAN go nembut kluim mang weng,'Genam moikum saula nge nemotang sni seguong so saula tegartengkuk.
14
Nga sno itak ya,Genam,Genam lo nemotang nga sno tang ei mabuin,ut go seguluop basiksgo,nemotang siksogo Genam lo masmu saula meno.Nemotang kuasa kangok ngano nemotang mata degaso saula nge,ei yakwa kerlam.
15
Ngasik sgo,Genam nemotang nga sno itak,ngano munduim no koi blono go siksgo kusno li loh perjanjian namon ei tano mulokgo nemodei.
16
Ngano,genamlo taling,motang tasam piam goso ba sesmu TUHAN,Waly Ayah imgono.Motang sgoso lembu tuangan nok smu,motang tap meno sno masi moguali ba kedaso,nembut TUHAN no pengo nogo kwa keng ba.
17
Ngasgoso,genam loh ta namon ei kaiso insgondemu namon nganemot,ngano kaiso ku sop nemotang go nemu kuno.
18
Ngano genam susu bu mang wit TUHAN go nemukuno,kublonggo empat puluh yamso ngano ku klik go empat puluh yamso,banim go kalik,roti kwadam ngano bu kwa durop,nemotang lo tasam pegop go talinggo sikso,nemotang lo tasam suei kwa go TUHAN nemokuno talinggo tasam nganemot sikso dabui sadui mang tra-Nemot.
19
Genam dabui bubong ei kabe nemogo murka dabui piam tra gosogo TUHAN lo motang no iti genang,motang kaiso tang ei mabuin,ngeasui kabe TUHAN genam no tupgo.
20
TUHAN Harun nogo murka go,nemot dopeigo ngano mabut,kunganemot no genam dewi kabe pu Harun sgo.
21
Mugo tasam nga motno kon nei tuigo,lembu noksmugo,genam lo itigo,koino puit,genam lo kusop,ngano tigit yamso sungso lemoi,ngano sung nganemot buba sno bitep genam lo bu nganemot nemogo yelung nunduimsikso pipigo.
22
Ngano Tabera nogo Masa nogo,Kibrot-Taawa,motanggo tasam sikso TUHAN gusar.
23
Ngano TUHAN no,nemotang pugo mang klongKadesh-Bernea siksogo ngano samklaut mang pen,'Seklong sip ngano sesuing,negeri nga genam lo motang no itigo,motang lo titah TUHAN,Waly Ayah mugo.Motang nemot nogo kwa percaya ngano nemogo-nembut yakwa tup.
24
Motang TUHAN sgo waidanggo,wai-wai eipu ado motang nemot no taling gono.
25
Ngano genam subusu mang TUHAN go nemukuno walong degaso,TUHAN go nembut weng go,nemotang nga sno tang ei mabuin.
26
Ngano genam TUHAN sno dewi mang pu,ngekalik,'Ya TUHAN,Waly Ayah nemotang nga mugosedue kabung mang,tang ei kwa buin,modo nemotang tebus go mugo kebesaran Mu ngano modo Mesir sikso wawigo punggo mugo tadon kangok golo.
27
Seduing-Mugo hamba-hamba nogo,Abraham,Ishak,Yakub,nemotanggo tasam ya kwa ikum.Tasam piam go ngano waidong kangok.
28
Negeri nagosikso genam nang wawigo pung,modogo,pueigo,TUHAN genam mang kwa wawigo dugut negeri-Nemodo pengo nogo imot no,dabui piam maningimot nogo-Nemot imotang wawigo punggo imotang padang gurun no yamso mabut.
29
Nemotang nemogo sedue kabung,nga mugo wawigo punggo,mugo don lo don kangok golo,ngano mugo yalu yang terancung.'